ជីវិតកម្សាន្ដ

Leonardo DiCaprio លួចមានស្នេហាជាមួយពិធីការនីវ័យក្មេង

បានផុស

២ years មុន

នៅ

ថ្ងៃអង្គារ ៤ មេសា ២០២៣

ដោយ

តួឯកប្រុសរឿងកប៉ាល់ Titanic លោក Leonardo DiCaprio ត្រូវបានគេបញ្ជាក់ថាកំពុងមានស្នេហាជាមួយ Maya Jama ដែលជាពិធីករវ័យក្មេងនៅក្នុងកម្មវិធីណាត់ជួបដ៏ពេញនិយម Love Island ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមគេហទំព័រ The Sun បានឲ្យដឹងថា តារាសម្តែង Leonardo DiCaprio បានផ្ញើផ្កាកុលាប ទៅកាន់ Maya Jama បន្ទាប់ពីអ្នកទាំងពីរត្រូវបានមិត្តភ័ក្តិណែនាំស្គាល់គ្នាទៅវិញទៅមក។ ពិធីការនីវ័យ ២៩ ឆ្នាំរូបនេះ គឺជាមនុស្សស្រីដំបូងដែលមានអាយុលើសពី ២៥ ឆ្នាំដែលលោក Leonardo DiCaprio បានណាត់ជួបក្នុងរយៈពេលជាច្រើនឆ្នាំមកនេះ ។

មានប្រភពមួយបានបង្ហើបថា ” លោក Leonardo DiCaprio និងMaya Jama បានជប់លៀងជាមួយគ្នាកាលពីខែកុម្ភៈនៅទីក្រុងឡុងដ៍ (ចក្រភពអង់គ្លេស) មុនពេលចំណាយពេលជាមួយគ្នានៅទីក្រុងញូវយ៉ក (សហរដ្ឋអាមេរិក) កាល ពីខែមុន”។ សាក្សីបាននិយាយថា គូស្នេហ៍តារាមួយគូនេះធ្លាប់ទៅ ជប់លៀងពីរយប់ជាប់គ្នានៅទីក្រុងឡុងដ៍ ក្នុងកម្មវិធីប្រគល់ British Academy Film Awards ។

យ៉ាងណាមិញ កាលពីខែកាលពីខែមិនា លោក Leonardo DiCaprio និង Maya Jama ត្រូវបានក្រុមអ្នកថតរូបអ្នកទាំងពីរដើរលេងជាមួយមិត្តភក្តិនៅក្លឹប Le Piaf នៅទីក្រុងប៉ារីស ប្រទេសបារាំង ដោយពួកគេបានចំណាយពេលច្រើនជាមួយគ្នា។ ទន្ទឹមនឹងនោះអ្នកទាំងពីរមិនទាន់ធ្វើអត្ថាធិប្បាយអ្វីលើព័ត៌មានមានទំនាក់ទំនង់ស្នេហាមួយនេះទេ៕

ប្រែសម្រួល៖នាងតូច

ចុចអាន៖ធ្លាយពាក្យចចាមអារ៉ាម Britney Spears លែង លះជាមួយស្វាមីវ័យក្មេង