Connect with us

ជីវិតកម្សាន្ដ

ភរិយា Justin Bieber ប្រាប់គន្លឹះនៃការថែរក្សាស្បែកមុខប្រចាំថ្ងៃ ៥ ចំណុច

បានផុស

នៅ

អ្នកស្រី Hailey Bieber ទទួលបានពាក្យសរសើរជាច្រើនចំពោះស្បែកមុខភ្លឺរលោងដោយមិនចាំបាច់ផាត់មុខរបស់នាង ។ ថ្មីៗនេះ Hailey បានចែករំលែកគន្លឹះនៃការថែរក្សាស្បែកមុខប្រចាំថ្ងៃជាមួយទស្សនាវដ្ដី Vogue ដូចខាងក្រោម ៖

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១. ទន់ភ្លន់ជាមួយស្បែករបស់អ្នក

“ខ្ញុំធ្លាប់គិតថា ការធ្វើឲ្យស្បែកស្ងួត ហើយប្រើរបស់ខ្លាំងៗអាចជួយមិនឲ្យខ្ញុំចេញមុន ប៉ុន្តែឥលូវខ្ញុំទើបនឹងដឹងថា អ្នកត្រូវទន់ភ្លន់ជាមួយស្បែកបំផុត ថែវាឲ្យដូចស្បែកទារក ។ អ្នកត្រូវទន់ភ្លន់ជាមួយវារហូតដល់ជំហានប្រើប្រាស់ផលិតផលខ្លាំងៗ ។”

២. ប្រើកាន់តែតិច ទទួលបានកាន់តែច្រើន

“ប្រើកាន់តែតិច ទទួលបានកាន់តែច្រើន ការប្រើផលិតផលច្រើនៗលើមុខមិនមែនជាទម្លាប់ល្អបំផុតសម្រាប់ស្បែកទេ អ្នកត្រូវការផលិតផលមានប្រសិទ្ធភាពតែ ៣-៤ មុខប៉ុណ្ណោះ សម្រាប់ផ្ដល់សំណើមដែលផ្ទុកគ្រឿងផ្សំមានប្រសិទ្ធភាព ។ ពេលខ្ញុំចាប់ផ្ដើមដើរម៉ូដនៅអាយុ ១៧ ឆ្នាំ ខ្ញុំធ្វើដំណើររហូត ចាប់ពីពេលនោះមក ខ្ញុំធ្វើការជាមួយមនុស្សជាច្រើនក្នុងផ្នែកសម្រស់រួមមានអ្នកផាត់មុខ អ្នកកែសម្ផស្ស  និងអ្នកថែរក្សាសម្រស់ ដូច្នេះខ្ញុំក៏ចេះថែរក្សាស្បែកមុខឲ្យម៉ត់រលោង ។ របស់ដែលខ្ញុំមិនអាចខ្វះបានមាន ៣ មុខគឺ ឡេផ្ដល់សំណើម សេរ៉ូមផ្ដល់សំណើម និងក្រែមផ្ដល់សំណើម ។”

៣. ផ្ដល់សំណើម

“ការផ្ដល់សំណើមគឺជាគន្លឹះ ខ្ញុំជាមនុស្សមិនសូវផឹកទឹក ប៉ុន្តែខ្ញុំព្យាយាមរក្សាជាតិទឹកឲ្យបានគ្រប់គ្រាន់តាមដែលអាចធ្វើបាន ។ កំហុសដ៏ធំបំផុតដែលខ្ញុំសង្កេតឃើញគឺ អ្នកមានស្បែកខ្លាញ់គិតថាខ្លួនឯងមិនចាំបាច់ផ្ដល់សំណើម ។ អ្នកណាក៏ត្រូវការផ្ដល់សំណើមដែរ គ្រាន់តែត្រូវរកផលិតផលសមស្របសម្រាប់ស្បែកប៉ុណ្ណោះ ។”

៤. រកអ្វីដែលល្អបំផុតសម្រាប់ខ្លួនឯង

“ស្បែកគឺជាការឆ្លុះបញ្ចាំងពីអារម្មណ៍របស់អ្នក ហើយការស្ដាប់ខ្លួនឯងថាចូលចិត្តអ្វី មិនចូលចិត្តអ្វី គឺជាចំណុចសំខាន់ ។ ខ្ញុំគ្មានរបបអាហារតឹងរ៉ឹងទេ ប៉ុន្តែខ្ញុំផ្ដល់ភាពសំខាន់លើការញ៉ាំដើម្បីប្រភេទឈាម ។ សំដៅទៅលើការដឹងអ្វីដែលមានប្រសិទ្ធភាពសម្រាប់ខ្លួនឯង ព្រោះគ្រប់គ្នាសុទ្ធតែខុសៗគ្នា ហើយពួកយើងមិនអាចប្រៀបធៀបគ្នាឡើយ ។ ដរាបណាអ្នកអាចរកឃើញទម្លាប់ដែលផ្ដល់ប្រសិទ្ធភាពសម្រាប់ខ្លួនឯង និងធ្វើឲ្យខ្លួនឯងសប្បាយចិត្ត ស្បែករបស់អ្នកនឹងភ្លឺតាមអារម្មណ៍ល្អៗទាំងនោះ ។”

៥. ប្រើ Peptide

“ក្រែមព្យាបាលមាន Peptide គឺជារបស់ដែលខ្ញុំស្រួលដាក់តាមខ្លួន ។ Peptide Glazing Fluid របស់ខ្ញុំគឺងាយសម្រប ព្រោះវាអាចលាយជាមួយម្សៅទ្រនាប់របស់ខ្ញុំបាន ជួនកាលខ្ញុំប្រើវាដើម្បី Highlight ស្បែកមុខទាំងព្រឹកនិងយប់តែម្ដង ។ ថ្មីៗនេះ គ្រីមជួសជុលរបាំងស្បែកមុខរបស់ខ្ញុំបានធ្វើឡើងតម្រូវតាមអាកាសធាតុប្រែប្រួលទៀតផង វាល្អឥតខ្ចោះ គ្រីមតុល្យភាពដែលដើរតួនាទីល្អបំផុតជាមួយផលិតផលផ្សេងៗ ។”

សូមបញ្ជាក់ដែរថា Hailey មានប្រេនផលិតផលថែរក្សាស្បែកផ្ទាល់ខ្លួនឈ្មោះ “Rhode” ដែលមានតម្លៃសមរម្យ និងផ្ដោតសំខាន់ទៅលើការថែរក្សាស្បែកមុខជាជាងព្យាបាល ៕

ប្រែសម្រួល ៖ វារី

ចុចអាន ៖ Hailey មានអ្នកតាមដានក្លែងក្លាយលើ IG ច្រើនជាង Kylie Jenner និង Selena ខណៈកំពុងមានរឿងដៀមដាមគ្នា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៥៨ វិនាទី មុន

អតីតអ្នកនាំពាក្យក្រសួងការបរទេសចិន នឹងកាន់តំណែងជាឯកអគ្គរដ្ឋទូតចិ​នប្រចាំកម្ពុជា

សេចក្ដីជូនដំណឹង៥៩ នាទី មុន

ទឹកប្រាក់​១២៥​លាន​រៀល​ពី​ភេសជ្ជៈ​ប៉ូវ​កម្លាំង ខា​រ៉ា​បាវ បន្ត​ចែកជូន​អ្នកមាន​សំណាង​រៀងរាល់​សប្ដាហ៍​

ព័ត៌មានជាតិ២ ម៉ោង មុន

អាស៊ានប្ដេជ្ញាចិត្ត ចំពោះកិច្ចសហប្រតិបត្តិការ និងបរិយាបន្ន ក្នុងការជំរុញវឌ្ឍនភាពផ្នែកវិទ្យាសាស្ត្រ បច្ចេកវិទ្យា និងនវានុវត្តន៍

ព័ត៌មានជាតិ៣ ម៉ោង មុន

ប្រមុខការពារជាតិ៖ អាមេរិកនឹងពង្រឹង និងពង្រីកទំនាក់ទំនង និងកិច្ចសហប្រតិបត្តិការជាមួយកម្ពុជា ជាពិសេសលើវិស័យការពារជាតិ

សេដ្ឋកិច្ច៤ ម៉ោង មុន

ការ​លក់​រថយន្ត​​របស់​ក្រុម​ហ៊ុន​​ Tesla នៅ​ចិន​ ធ្លាក់​ចុះ​នៅ​ខែ​ឧសភា​

ព័ត៌មានជាតិ៥ ម៉ោង មុន

អាជ្ញាធរកោះកុង សិក្សាជួសជុលច្រាំងថ្មមាត់ព្រែកកោះប៉ោមុខសាលាខេត្ត

សេដ្ឋកិច្ច១១ ម៉ោង មុន

​កសិដ្ឋានគិរីសួគ៌​ មានសមត្ថភាពផលិតទឹកដោះគោស្រស់​ដល់ ១ ម៉ឺន ៥ ពាន់លីត្រ ​ក្នុងមួយថ្ងៃ​

ព័ត៌មានជាតិ២២ ម៉ោង មុន

ស្អែកព្រឹកប្រមុខការពារជាតិអាមេរិក នឹងបំពេញទស្សនកិច្ចនៅកម្ពុជា ហើយនឹងចេញទៅវិញនៅពេលរសៀល

សេចក្ដីជូនដំណឹង២៤ ម៉ោង មុន

ឯកឧត្តម ឃួង ស្រេង និងឯកឧត្ដម ម៉ប់ សារិន ផ្ញើសារលិខិតគោរពជូនពរ ឯកឧត្ដមអភិសន្តិបណ្ឌិត ស សុខា ក្នុងឱកាសចម្រើនជន្មាយុ

ព័ត៌មានអន្ដរជាតិ៧ ម៉ោង មុន

មហាសេដ្ឋីឥណ្ឌា Ambani ធ្លាក់តំណែងជាអ្នកមានបំផុតនៅអាស៊ី ក្រោយ Adani វ៉ាដាច់ភឹង

Sokha Hotels

ព័ត៌មានពេញនិយម