បង្ហាញខ្លួនមិនទាន់បាន ១ ឆ្នាំផង តែ NewJeans ជួយដោះបំណុលខ្ទង់លានដុល្លារឲ្យផលិតកម្ម

ទោះបីជាបង្ហាញខ្លួនជាលើកដំបូងក្នុងរយៈពេលមិនទាន់បាន ១ ឆ្នាំក៏ដោយ ប៉ុន្តែក្រុមចម្រៀង NewJeans បានសងបំណុលរួចទាំងអស់ហើយសម្រាប់ទីភ្នាក់ងាររបស់ពួកគេគឺផលិតកម្ម ADOR ។

យោងទៅតាមរបាយការណ៍ហិរញ្ញវត្ថុត្រីមាសទី១ ឆ្នាំ ២០២៣ របស់ HYBE Labels បានឲ្យដឹងថា ភាគហ៊ុនសរុប របស់ទីភ្នាក់ងារ NewJeans គឺផលិតកម្ម ADOR មានចំនួន ៣៧.៨ ពាន់លានវ៉ុន (ប្រហែល ២៨.២ លានដុល្លារ) ខណៈ ២០.៨ ពាន់លានវ៉ុន (ប្រហែល ១៥.៥ លានដុល្លារ) ជាបំណុល ។

ទោះជាយ៉ាងណាក៏ដោយ បន្ទាប់ពីបង្ហាញខ្លួនរយៈពេល ១០ ខែ ខាងផលិតកម្មបានរាយការណ៍ពីប្រាក់ចំណូលចំនួន ២៥.៩ ពាន់លានវ៉ុន (១៩.៣ លានដុល្លារអាមេរិក) និងប្រាក់ចំណេញ ៣.៩ ពាន់លានវ៉ុន (២.៩ លានដុល្លារ) បន្ទាប់ពីកាត់ការចំណាយពាក់ព័ន្ធ ។

គួរបញ្ជាក់ថា NewJeans បានបង្ហាញខ្លួនជាលើកដំបូងនៅក្នុងខែកក្កដា ឆ្នាំ ២០២២ ហើយចាប់តាំងពីពេលនោះមក ក្រុមចម្រៀងនារីមួយនេះ ទទួលបានការចាប់អារម្មណ៍យ៉ាងខ្លាំងពីអ្នកគាំទ្រជាមួយនឹងបទចម្រៀងល្បីៗរបស់ពួកគេដូចជា បទ “Attention “, “Hype Boy”, “Ditto” និង “OMG” ជាដើម ៕

ប្រែសម្រួល ៖ នាងតូច

ចុចអាន៖Song Hye Kyo និង Han So Hee មិនអាចសម្តែងរឿងថ្មីជាមួយគ្នាទេ ព្រោះតែបញ្ហាក្រុមអ្នកផលិត