មកដឹងពីចំណាត់ថ្នាក់ប្រាក់ចំណូល រឿងព្រះនាង Disney ទាំងអស់ដែលសម្ដែងដោយមនុស្ស

នៅក្នុង Disney ព្រះនាងផ្លូវការរបស់ពួកគេមាន ១២ អង្គ ប៉ុន្តែទើបតែមាន ៦ អង្គប៉ុណ្ណោះដែលគេយកមកថតជាទម្រង់មនុស្ស ។ មកដឹងពីចំណាត់ថ្នាក់ប្រាក់ចំណូល រឿងព្រះនាង Disney ទាំង ៦ នោះ ៖

១. ព្រះនាង Belle

រឿង Beauty and the beast ឆ្នាំ ២០១៧ រកចំណូលបាន ១,៣០០ លានដុល្លារ និងចំណាយជាង ៣០០ លានដុល្លារដើម្បីផលិត ។ តួអង្គស្រីសម្ដែងដោយ Emma Watson តារាអង់គ្លេស ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

២. ព្រះនាង Jasmine

រឿង Aladdin ឆ្នាំ ២០១៩ រកចំណូលបាន ១,០៥៤ លានដុល្លារ និងចំណាយអស់ ១៨៣ លានដុល្លារដើម្បីផលិត ។ តួអង្គស្រីសម្ដែងដោយ Naomi Scott តារាអង់គ្លេស ។

៣. ព្រះនាង Aurora

រឿងព្រះនាង Aurora មាន ២ វគ្គគឺ៖

_ Maleficent ឆ្នាំ ២០១៤ រកចំណូលបាន ៧៦០ លានដុល្លារ និងចំណាយអស់ ២៦៣ លានដុល្លារដើម្បីផលិត ។

_ និង Maleficent: Mistress of Evil ឆ្នាំ ២០១៩ រកចំណូលបាន ៤៩០ លានដុល្លារ និងចំណាយអស់ ១៨៥ លានដុល្លារដើម្បីផលិត ។

តួអង្គសំខាន់ៗគឺ Maleficent សម្ដែងដោយអ្នកស្រី Angelina Jolie និងព្រះនាង Aurora សម្ដែងដោយ Elle Fanning តារាអាមេរិក ។

៤. ព្រះនាង Cinderella

រឿង Cinderella ឆ្នាំ ២០១៥ រកចំណូលបាន ៥៤២ លានដុល្លារ និងចំណាយអស់ ៩៥ លានដុល្លារដើម្បីផលិត ។ តួអង្គព្រះនាងសម្ដែងដោយ Lily James តារាអង់គ្លេស ។

៥. ព្រះនាង Ariel

រឿង Little Mermaid ឆ្នាំ ២០២៣ រកចំណូលបាន ២០៩ លានដុល្លារ និងចំណាយអស់ ២៥០ លានដុល្លារដើម្បីផលិត ។ តួអង្គព្រះនាងមច្ឆាតូចសម្ដែងដោយ Halle Bailey តារាអាមេរិក ។

៦. ព្រះនាង Mulan

រឿង Mulan ឆ្នាំ ២០២០ រកចំណូលបាន ៧០ លានដុល្លារប៉ុណ្ណោះ និងខាតអត់ ១៣០ លានដុល្លារដើម្បីផលិត ។ តួអង្គស្រីគឺ Liu Yifei តារាសម្ដែងចិន-អាមេរិក ។

ចំពោះរឿងដែលគេទាយថារកចំណូលបានតិចក្នុងឆ្នាំ ២០២៤ គឺរឿង ព្រះនាងព្រិលស ព្រោះការជ្រើសរើសតួមិនត្រូវចិត្តមហាជន ។ យ៉ាងណាអ្នកគាំទ្រ Disney គួររង់ចាំទស្សនាទាំងអស់គ្នាសិនសឹមវាយតម្លៃតាមក្រោយ ៕

ប្រែសម្រួល ៖ វារី

ចុចអាន ៖ គ្រាន់តែសក់តតួអង្គរឿង “ទេពមច្ឆាតូច” ចំណាយជាង ១០ ម៉ឺនដុល្លារ