ប្រទះឃើញ Leonardo DiCaprio ណាត់ជួបជាមួយតារាម៉ូដែលម្នាក់ អាយុតិចជាងលោក ២១ ឆ្នាំ

តារាសម្តែង Leonardo DiCaprio បានចូលរួមក្នុងពិធីជប់លៀងជាមួយតារាម៉ូដែលវ័យក្មេង Neelam Gill ដែលជាជនជាតិអង់គ្លេសកាត់ឥណ្ឌា​មានអាយុតិចជាងលោក ២១ ឆ្នាំ ដោយអ្នកទាំងពីរបានគេចខ្លួនអ្នកសារព័ត៌មានពេលចេញពីសណ្ឋាគារ ។

យោងទៅតាមគេហទំព័រ Page Six បានរាយការណ៍កាលពីថ្ងៃទី ៣១ ខែឧសភាឲ្យដឹងថា​ តារាសម្តែង Leonardo DiCaprio បានរីករាយនឹងពិធីជប់លៀងពេលល្ងាចជាមួយតារាម៉ូដែល Neelam Gill នៅទីក្រុងឡុងដ៍ ក្នុងចក្រភពអង់គ្លេស។ អ្នកទាំងពីរត្រូវបានគេឃើញចាកចេញពីសណ្ឋាគារ Chiltern Firehouse ដ៏ប្រណីតនៅពេលយប់។

ជាធម្មតាលោក Leonardo DiCaprio តែងតែស្លៀកពាក់សាមញ្ញ ពាក់ម៉ាស និងមួកដើម្បីជៀសវាងការចាប់អារម្មណ៍ ពីក្រុមអ្នកលួចថតរូប paparazzi ។ ប៉ុន្តែម្តាយរបស់តារាសម្តែងរូបនេះគឺអ្នកស្រី Irmelin Indenbirken ក៏មានវត្តមាននៅទីនោះដែរ ដោយអ្នកស្រីបានដើរទៅមុន ហើយតារាម៉ូដែល Neelam Gill បានដើរតាមពីក្រោយ ។

យ៉ាងណាមិញ កាលពីសប្តាហ៍មុនតារាសម្តែង Leonardo DiCaprio និងតារាម៉ូដែលវ័យក្មេង Neelam Gill ត្រូវបានគេប្រទះឃើញចាកចេញពីសណ្ឋាគារ Martinez ក្នុងទីក្រុង Cannes ប្រទេសបារាំង ជាមួយនឹងមនុស្សមួយចំនួនទៀត ដោយពួកគេមានទំនាក់ទំនងជិតស្និទ្ធក្នុងអំឡុងពេលនោះមក ៕

ប្រែសម្រួល៖នាងតូច

ចុចអាន៖Billie Eilish ខឹង ព្រោះគេរិះគន់ចំពោះការស្លៀកពាក់របស់នាង