Connect with us

ជីវិតកម្សាន្ដ

អ្នកជិតដិតលោក ស៊ិន ស៊ីសាមុត ចេញមកបញ្ជាក់រឿងកូនបង្កើត​ ស្របពេលលោក បឺត សំរេច ព្រមតេស្ត DNA

បានផុស

នៅ

លោក សួស វណ្ណឌឿន ជាអ្នកដែលធ្លាប់ជិតដិតនឹងអធិរាជសំឡេងមាស ស៊ិន ស៊ីសាមុត ហើយសព្វថ្ងៃរស់នៅ សហរដ្ឋអាមេរិក បានរៀបរាប់ក្នុងសម្ភាសមួយជាមួយប្រធានក្រុមដំណើរខ្មែរថា លោកបានដឹងត្រឹមតែថា លោក ស៊ិន ស៊ីសាមុត មានភរិយា ៣នាក់ប៉ុណ្ណោះ។ ឯទំនាក់ទំនងស្នេហា របស់លោក ស៊ិន ស៊ីសាមុត និងអ្នករបាំក្នុងវាំងដែលលោក បឺត សំរេច បានអះអាងនោះ គឺលោកពុំធ្លាប់បានដឹងឮទាល់តែសោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងនោះ លោកលើកឡើងដែរថា លោកបន់សុំឱ្យតែលោក បឺត សំរេច ជាកូនប្រុសបង្កើតរបស់លោក ស៊ិន ស៊ីសាមុត ពិតដូចថានោះទេ ព្រោះលោកសង្ឃឹមថា អធិរាជសំឡេងមាស នឹងមានអ្នកស្នងជាអ្នកសិល្បៈ ដែលជាឈាមជ័រ​របស់លោកផ្ទាល់។​ ទោះយ៉ាងណា លោកថា “មានតែការធ្វើតេស្ត DNA ទេ ដែលអាចបញ្ជាក់ការពិតបាន” ហើយលោកសង្ឃឹមថា លោក​ បឺត សំរេច ជាកូនប្រុសបង្កើតអធិរាជសំឡេងមាសពិតប្រាកដមែន ប៉ុន្តែបើនោះ​ជាការភូតភរកុហក លោកមិនអាចទទួលយកបានទេ និងរឹតតែមិនអាចចូលរួមកុហកជាមួយបានទេ។

ដោយឡែក លោកស្រី សេង បទុម ក្នុងបទសម្ភាសតាមទូរស័ព្ទជាមួយលោក វីរៈ វ៉ារ៉ានី ប្រធានក្រុមដំណើរខ្មែរ បានបញ្ជាក់ថា ចំពោះឈ្មោះអ្នកម្តាយបង្កើតរបស់លោក បឺត សំរេច ក្នុងនាមលោកស្រីជាអ្នកដែលធ្លាប់ហាត់រៀន និងស្ថិតក្នុងរង្វង់សិល្បៈ មួយរូបដែរ លោកស្រីពិតជាមិនដែលបានស្គាល់ និងឮឈ្មោះនោះទាល់តែសោះ។ ដូចការលើកឡើងរបស់លោក សួស វណ្ណឌឿន និងលោក វីរៈ វ៉ារ៉ានី ដែរ លោកស្រីថា “មានតែតេស្ត DNA ទេ ទើបដឹងចម្លើយពិត” ហើយលោកស្រីរំពឹងថា​រឿងនោះជាការពិត។

យ៉ាងណាមិញ លោក បឺត សំរេច ក៏បានចេញមករៀបរាប់ទាំងទឹកភ្នែក ក្រោយទម្លាយរឿងខ្លួនជាកូនលោក ស៊ិន ស៊ីសាមុត និងត្រូវបានមហាជនយកមកវែកញែកជាហូរហែរ និងខ្លះចោទលោកថា កំពុងបំពុលសង្គម។ ក្នុងវីដេអូខ្លីមួយ លោក បឺត សំរេច បញ្ជាក់ថា រាល់អ្វីដែលលោកបានអះអាង មិនមែនជាការភូតភរកុហកឡើយ និងធ្វើឡើងតាម សំណូម​ពរ​ពីអ្នកម្តាយ ព្រោះគាត់បារម្ភថាពេលអត់ពីគាត់ទៅ លោកមិនមានសាច់ញាតិនឹងគេ។

តាមរយៈវីដេអូនេះ លោកក៏បានបញ្ជាក់ថា លោកនឹងធ្វើតេស្ត DNA និងផ្ញើសារជូនទៅអ្នកដែលចោទប្រកាន់លោកថា បានបំពុលសង្គមនោះ ឱ្យមកជួបលោកផ្ទាល់ ដើម្បីទៅធ្វើតេស្តឈាមរកការពិតទាំងអស់គ្នា។ លោកបន្ថែមទៀតថា បើ​សិន​​ជា​​ការ​ធ្វើតេស្តនេះ រកឃើញថាលោកពិតជាកូនបង្កើតរបស់លោក ស៊ិន ស៊ីសាមុត មែន​ឬ​មិនមែនក៏ដោយ ក៏សូម​ឱ្យ​ប្រើប្រាស់​ភាសា​សមរម្យបន្តិចទៅ ព្រោះលោកក៏ជាមនុស្សដែរ៕

អត្ថបទដោយ៖ សុធាវី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤ ម៉ោង មុន

អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ

ព័ត៌មានជាតិ២០ ម៉ោង មុន

រដ្ឋមន្ត្រីក្រសួងព័ត៌មាន ស្នើអ្នកសារព័ត៌មាន MMO  ឈប់បង្ហោះវីដេអូជនដៃដល់ស្រី ស៊ីណា បាញ់ជនរងគ្រោះ

សន្តិសុខសង្គម៨ ម៉ោង មុន

ស្ដ្រីបង្ហោះវីដេអូ ភ្ជាប់សំឡេងផ្ទុះអាវុធ ត្រូវបាននគរបាលខេត្តសៀមរាប ហៅមកសួរនាំ

ព័ត៌មានជាតិ២៣ ម៉ោង មុន

តំណាងអយ្យការសម្រេចចោទប្រកាន់លោក ស្រី ស៊ីណា លើសំណុំរឿង២ និងដោះលែងមនុស្ស២នាក់វិញ

ព័ត៌មានអន្ដរជាតិ៧ ម៉ោង មុន

ក្មេងស្រី អាមេរិក ស្លាប់យ៉ាងអាណោចអាធ័ម បន្ទាប់ពីឪពុកភ្លេចក្នុងរថយន្ត ៣ ម៉ោង

Sokha Hotels

ព័ត៌មានពេញនិយម