ជីវិតកម្សាន្ដ

ដំណើរគ្រោងសម្ដែងក្នុងក្លឹបកម្សាន្ត នៅទីក្រុងប៉ារីសរបស់ Lisa ត្រូវគេរិះគន់ចាស់ដៃ

បានផុស

៤ ថ្ងៃ មុន

នៅ

ថ្ងៃពុធ ១៣ កញ្ញា ២០២៣

ដោយ

មួយរយៈនេះ Lisa ត្រូវគេលើកមកជជែកច្រើននៅលើបណ្ដាញសង្គមចាប់តាំងពីព័ត៌មាននៃការផុតកុងត្រាជាមួយភ្នាក់ងារ YG រហូតបន្តទៅពាក្យចចាមអារ៉ាមស្នេហា ខណៈនាថ្មីៗនេះថែមទៀត នាងត្រូវគេរិះគន់នៃដំណើរគ្រោងទៅសម្ដែងក្នុងក្លឹបមួយនៅទីក្រុងប៉ារីស ប្រទេសបារាំង។

អ្នកប្រើអ៊ីនធឺណិតមួយចំនួនបានបង្ហើបឲ្យដឹង ការបើកការសម្ដែងនេះនឹងក្លាយជាព្រឹត្តិការណ៍សំខាន់មួយទៀតក្នុងជីវិតរបស់សមាជិកក្រុម BLACKPINK រូបនេះ។ ស្របពេលដែល អ្នកលេងអ៊ីនធឺណិតមកពីប្រទេសចិនគិតថាការសម្តែងនាពេលខាងមុខនៅក្លឹបកម្សាន្ត Le Crazy Horse Paris អាចជះឥទ្ធិពលអវិជ្ជមានដល់មុខមាត់របស់ Lisa ។ ព្រោះកន្លែងនេះជាក្លឹបកម្សាន្តពេលរាត្រី វាមិនមែនជាឆាកអន្តរជាតិនោះទេ។

យ៉ាងណាមិញក៏មានមតិមួយបានបញ្ជាក់ដូច្នេះថាពួកគេយល់ស្របថា Lisa កំពុងព្យាយាមក្លាយជាសិល្បករដ៏ល្បីល្បាញលើពិភពលោក។ ប៉ុន្តែ តើការជ្រើសរើសទីតាំងសម្ដែងបែបនេះ ពិតជាជួយឆ្លើយសំណួរនេះមែនទេ? មតិមួយទៀតប្រើភាសាខ្លាំងៗរបៀបឌឺដងទៅកាន់នាងថានឹងក្លាយជា Idol ក្នុងកម្មវិធីបង្ហាញម៉ូដ?

ទោះយ៉ាងណាក៏ដោយ អ្នកនិយមលេងអ៊ីនធឺណិតនៅម្ខាងទៀតបានឆ្លើយតបនឹងការបញ្ចេញមតិរបស់ចិនថា មុននឹងរិះគន់រឿងនេះ តើអ្នកធ្លាប់ទៅកម្មវិធីនៅ Le Crazy Horse ទេ? វិចិត្រករអន្តរជាតិជាច្រើនបានទៅលេងក្លឹបនាពេលកន្លងមក រួមមាន Beyoncé, Pamela Anderson និង Frederic Wiseman ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សូមបញ្ចាក់ដែរថា Lisa សមាជិកក្រុម BLACKPINK គ្រោងនឹងសម្តែងនៅ Le Crazy Horse នៅថ្ងៃទី ២៨-៣០ ខែកញ្ញា ស្របពេលដែលសំបុត្រត្រូវបានលក់អស់ហើយ។ បើទោះបីជាតម្លៃខ្ពស់ដល់ទៅ ២៥០ អឺរ៉ូ ក្ដី៕