សមាជិក BTS ទាំងអស់នឹងបន្តកុងត្រាជាមួយ HYBE ខណៈ Suga ចូលបំពេញកាតព្វកិច្ចយោធាចុងសប្ដាហ៍នេះ

សមាជិក BTS ទាំងអស់នាក់បានសម្រេចចិត្តជាផ្លូវការ ក្នុងការបន្តកុងត្រាជាមួយផលិតកម្ម HYBE និង BIGHIT Music ខណៈអ្នកសមាជិកមួយចំនួននឹងបន្តកិច្ចសន្យាថ្មី ក្រោយចប់កាតព្វកិច្ចយោធារយៈពេល ២ឆ្នាំ។

នៅក្នុងសេចក្តីថ្លែងការណ៍ដែលចែករំលែកដោយ HYBE ទៅកាន់ប្រព័ន្ធផ្សព្វផ្សាយផ្សេងៗ រួមទាំង Sports Chosun ក្នុងអំឡុងពេលកិច្ចប្រជុំក្រុមប្រឹក្សាភិបាលថា ពួកគេនឹងបន្តកិច្ចសន្យាផ្តាច់មុខរបស់ពួកគេជាមួយសមាជិក BTS ទាំង ៧ តាមលំដាប់លំដោយពេលវេលា បន្ទាប់ពីពួកគេផុតកំណត់កាតព្វកិច្ចយោធា។

BIGHIT Music និង HYBE នឹងបន្តកិច្ចសន្យាជាមួយសមាជិក BTS នីមួយៗជាបន្តបន្ទាប់ ដោយគិតពីស្ថានភាពផ្ទាល់ខ្លួនរបស់សមាជិកនីមួយៗ។ ដោយឡែកសមាជិកដែលកំពុងបម្រើការក្នុងជួរយោធារួមមាន Jin និង J-Hope – នឹងចុះកិច្ចសន្យាថ្មីរបស់ពួកគេនៅឆ្នាំ ២០២៥ ។ ជាមួយគ្នានោះ Suga គ្រោងនឹងចូលបម្រើយោធានៅចុងសប្តាហ៍នេះ ហើយនឹងបន្តកុងត្រាថ្មីនៅឆ្នាំ២០២៥ ដូចគ្នា៕

ប្រែសម្រួល៖ សន្យា

ចុចអាន៖ ប្រព័ន្ធផ្សព្វផ្សាយមួយរាយការណ៍ថា Lisa ទំនងចុះកុងត្រាជាមួយទីភ្នាក់ងារអាមេរិក