Jimin ចាញ់បោកលុយជិត១លានដុល្លារ ពីតារាកំប្លែងម្នាក់ យកទៅលេងល្បែងខុសច្បាប់

ថ្មីៗនេះ តារាកំប្លែងដ៏ល្បីល្បាញក្នុងសង្គមសិល្បៈកូរ៉េ លោក Lee Jin Ho បានសារភាពថា ខ្លួនកំពុងតែផុងខ្លួនក្នុងបំណុលដ៏ច្រើនលើសលុប ដោយសារតែការចាញ់ល្បែងខុសច្បាប់មួយប្រភេទ ហើយនៅក្នុងនោះក៏មាន Jimin ដែលជាម្ចាស់បំណុលម្នាក់ដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅថ្ងៃជាមួយគ្នានេះដែរ លោក Lee Jin Ho បានសារភាពថាលោកបានពាក់ព័ន្ធនឹងល្បែងអនឡាញខុសច្បាប់មួយតាំងពីឆ្នាំ២០២០មកម្ល៉េះ ពីមួយថ្ងៃទៅមួយថ្ងៃ បំណុលរបស់លោក កាន់តែកើនឡើងរហូតមិនអាចរកលុយទប់ទល់បាន ហើយខ្លួនក៏បានសុំជំនួយលុយកាក់ពីមនុស្សប៉ុន្មាននាក់។

ជុំវិញការសារភាពចម្លើយរបស់តារាកំប្លែងរូបនេះ សារព័ត៌មាន Ten Asia បានរាយការណ៍ថា ក្នុងឆ្នាំ២០២២ Jin Ho បានសុំខ្ចីលុយពី Jimin ដែលជាសមាជិកក្រុម BTS ចំនួន ​១០០លានវ៉ុន ដែលស្មើនឹង ៧៤០០០ដុល្លារ ដោយយកលេសថា ប្រញាប់ត្រូវការលុយជាបន្ទាន់។

លើសពីនោះ ក្រៅពី Jimin ក៏នៅមានតារាកូរ៉េល្បីៗប៉ុន្មានរូបទៀត ដែលធ្លាក់ខ្លួនជាប់ពាក់ព័ន្ធបំណុលជាមួយលោក Lee Jin Ho នេះ។ ទន្ទឹមនឹងនេះ ក្រោយពីប៉ូលីសធ្វើការស៊ើបអង្កេតដឹងអំពីល្បែងស៊ីសងតាមប្រព័ន្ធអនឡាញខុសច្បាប់នេះ តារាកំប្លែងខាងលើ បានធ្វើការសុំទោសជាសាធារណៈ ហើយនឹងបានសន្យារថានឹងខំរកលុយដើម្បីសងម្ចាស់បំណុលវិញគ្រប់គ្នា៕

ប្រភព៖ allkpop