ជីវិតកម្សាន្ដ

ប៉ូគឹមថេង សុតធីតា បង្ហើបតម្រុយអាយុត្រូវរៀបការ មហាជនអស់ចម្ងល់

បានផុស

២ years មុន

នៅ

ថ្ងៃព្រហស្បតិ៍ ៥ តុលា ២០២៣

ដោយ

អ្នកគាំទ្រមួយចំនួនតែងសួរនាំចង់ដឹងពីរឿងរ៉ាវជីវិតស្នេហាផ្ទាល់ខ្លួនរបស់បវរកញ្ញា ប៉ូគឹមថេង សុតធីតា ដែលជាចំណុចដ៏រសើបសម្រាប់មហាជន ក៏ដូចជាអ្នកស្នេហាវិស័យបវរកញ្ញានៅកម្ពុជានោះ ថ្មីៗ នេះ សាមីខ្លួនបានចេញមកបញ្ជាក់ប្រាប់ពីអាយុត្រូវរៀបការ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការចេញមុខបញ្ជាក់របស់បវរកញ្ញា ប៉ូគឹមថេង សុតធីតា នេះ បន្ទាប់ពីនាងបានបង្ហោះខ្លឹមសារមួយដោយលើកឡើងថា «ជាតិនេះ ឈុតកូនក្រមុំម៉ូដបែបណាក៏មានឱកាសបានស្លៀកដែរ តែកូនកំលោះពិតប្រាកដប្រហែលជាមិនមានវាសនាបានជួបទេ»។ តាមរយៈខ្លឹមសារនេះ ក៏មានមតិមួយចំនួនបាននាំគ្នាសួរដេញដោលចង់ដឹងថា តើកូនកំលោះជានរណា? ហើយនាងរៀបការពេលណា?។

មន្ទិលនេះ ត្រូវបានម្ចាស់មកុដ Miss Grand Cambodia 2021 បញ្ជាក់ច្បាស់ថា សម្រាប់ឥឡូវនេះមិនទាន់ហួសពេលទេ ព្រោះថាចាំអាយុ ២៩ ឬ ៣០ ឆ្នាំជាង ចាំរៀបការក៏មិនហួសពេលដែរ។ កញ្ញា ប៉ូគឹមថេង សុតធីតា បានលើកឡើងថា «មនុស្សស្រីពេញស្អាតនៅអាយុ ២៩ ៣០ ៣១….ចាំពេញស្អាតចាំការបងប្អូន នៅ ៥ ឬ ៦ ឆ្នាំ ទៀត»។

គួរបញ្ជាក់ថា បវរកញ្ញា ប៉ូគឹមថេង សុតធីតា ថ្មីៗនេះ បានបញ្ចេញរូបភាពចំនួន ៣ សន្លឹក ក្នុងទម្រង់ប្រពៃណីបុរាណខ្មែរយ៉ាងស្រស់ស្អាត ចំឱកាស នៃពិធីបុណ្យភ្ជុំបិណ្ឌ ទទួលបានការសរសើរពីសំណាក់មហាជនអ្នកគាំទ្រ ព្រមទាំងអ្នកប្រើប្រាស់បណ្ដាញសង្គមហ្វេសប៊ុក។ រូបភាពនេះ ត្រូវបានសាមីខ្លួន កញ្ញា ប៉ូគឹមថេង សុតធីតា ចែករំលែកនៅលើបណ្ដាញសង្គមហ្វេសប៊ុក បង្ហាញសម្រស់យ៉ាងស្រស់ផូរផង់ ខណៈនាងស្លៀកឈុតសម្លៀកបំពាក់ទម្រង់កូនក្រមុំមានឌិនរំលេចក្បាច់រចនាយ៉ាងស្រស់ស្អាត៕

អត្ថបទ ៖ ចាន់រ៉ា