ជីវិតកម្សាន្ដ
សហគមន៍សុខាភិបាលខ្មែរនៅអាមេរិក បង្កើតកម្មវិធីជួបជុំ រកថវិកាជួយព្យាបាលជំងឺឥតគិតថ្លៃ នៅកម្ពុជា
តាមរយៈលោក យស បូវណ្ណៈ អតីតតារាភាពយន្តជើងចាស់ល្បីឈ្មោះរបស់ខ្មែរ ឲ្យដឹងថា ថ្មីៗនេះ សហគមន៍សុខាភិបាលខ្មែរនៅសហរដ្ឋអាមេរិក បានរៀបចំកម្មវិធីជួបជុំលើកទី ១៣ ឆ្នាំ ដើម្បីរកថវិកាពីសប្បុរសជនជួយព្យាបាលជំងឺឥតគិតថ្លៃនៅកម្ពុជា។
លោក យស បូវណ្ណៈ បានឲ្យដឹងបន្ថែមថា គោលបំណង នៃកម្មវិធីជួបជុំនេះ ដើម្បីរកថវិកាពីសប្បុរសជនជួយគាំទ្រដល់ក្រុមវេជ្ជបណ្ឌិតខ្មែរ និងលោកគ្រូពេទ្យស្ម័គ្រចិត្ត ទៅព្យាបាលជំងឺដោយឥតគិតថ្លៃនៅឯប្រទេសកម្ពុជា ដោយមានការចូលរួមពីពលរដ្ឋខ្មែរជាច្រើនរស់នៅទីនោះ។
តារាភាពយន្តជើងចាស់រូបនេះ បញ្ជាក់ថា «ខ្ញុំ យស បូវណ្ណៈ និងភរិយាខ្ញុំ ក៏បានចូលរួមគាំទ្រក្នុងកម្មវិធីលើកទី ១៣ ឆ្នាំ របស់សហគមន៍សុខាភិបាលខ្មែរនៅសហរដ្ឋអាមេរិក ដើម្បីរកថវិកាពីសប្បុរសជនដែលជួយគាំទ្រដល់ក្រុមវេជ្ជបណ្ឌិតខ្មែរ និងលោកគ្រូពេទ្យស្ម័គ្រចិត្ត ដើម្បីទៅព្យាបាលជំងឺដោយឥតគិតថ្លៃនៅឯប្រទេសកម្ពុជាផង»។
តាមការកត់សម្គាល់ លោក យស បូវណ្ណៈ កន្លងមក តែងតែផ្សព្វផ្សាយសិល្បៈវប្បធម៌ជាតិខ្មែរ ទោះជាហត់នឿយពីការងារស្នូលយ៉ាងណាក៏ដោយ ក៏ក្រុមគ្រួសារលោកស៊ូខំប្រឹងបង្ហាញឲ្យបរទេសបានស្គាល់អំពីអត្តសញ្ញាណសិល្បៈ វប្បធម៌ ដ៏សម្បូរបែបរបស់ខ្មែរ។
គួរជម្រាបថា លោក យស បូវណ្ណៈ ត្រូវបានគេស្គាល់ថាជាតារាភាពយន្តខ្មែរជើងចាស់ដែលល្បីល្បាញក្នុងជំនាន់តារារួមជំនាន់អ្នកនាង ចាន់ តារាទី និង អ្នកនាង អម្ពរ ទេវី ជាដើម៕
អត្ថបទ ៖ ចាន់រ៉ា
-
ព័ត៌មានអន្ដរជាតិ១០ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
ព័ត៌មានអន្ដរជាតិ៥ ថ្ងៃ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត