ម្ចាស់បទ “ឆ្នាំងណាគ្របហ្នឹង” ត្អូញ​ត្អែរ​ប្រាប់ម្តាយថា ហត់ហើយគេមើលរំលងអំពើល្អ

ម្ចាស់បទ “ឆ្នាំងណាគ្រប់ហ្នឹង” លោក យឿន សូតអនុស្សាវរីយ៍ មួយរយ:ចុងក្រោយនេះគេកត់សម្គាល់ឃើញថា យីអ៊ុនរបស់តារាប្រុសរូបនេះហាក់មានរាសីមិនសូវល្អឡើយ ពោលគឺជួបនូវរឿងរ៉ាវអាស្រូវជាបន្តបន្ទាប់់ ខណ:បទចម្រៀងនៅក្នុងផលិតកម្មក៏មិនសូវមានចេញដូចមុន។

ថ្វីត្បិតជួបរឿងរ៉ាវមិនល្អក្នុងជីវិតតែកន្លងមក អនុស្សាវរីយ៍ តែងប្រឈមដោះស្រាយម្តងមួយៗដើម្បីរកច្រកចេញប៉ុន្តែកាន់តែធ្វើឲ្យអ្នកគាំទ្រចាប់អារម្មណ៍ទៀតគឺស្រាប់តែថ្មីៗនេះតារាចម្រៀងលោក អនុស្សាវរីយ៍ បានត្អូញត្អែរប្រាប់ម្តាយថាលោកហត់ហើយដោយគេមើលរំលងអំពើល្អរបស់ខ្លួន។

លោក យឿន សូតអនុស្សាវរីយ៍ បានរៀបរាប់ខ្លឹមសារដោយក្រៀមក្រំថា «ត្រូវហើយអ្នកនៅមួយវាពិបាកណាស់អ៊ីចឹង ខ្ញុំមិនចង់អោយអ្នកណាមកពិបាកជាមួយខ្ញុំទៀតទេ អរគុណណាស់ដែលអោយខ្ញុំឮពាក្យហ្នឹងចេញមក ខ្ញុំឆ្អែតហើយ ហើយក៏ខ្ញុំហត់គ្រប់យ៉ាងទៅខ្ញុំមិនល្អគ្រប់គ្រាន់ទេ ខំធ្វើល្អហើយអស់ពីខ្លួនហើយ ម៉ែអើយកូនខំអស់ហើយម៉ែតែគេមើលមិនឃើញពីអំពើល្អកូនសោះម៉ែកូនហត់ហើយម៉ែ»។

ទោះបីយ៉ាងណាតា រាចម្រៀងប្រុសរូបនេះមិនបានបង្ហើបទេថា ពេលនេះរូបលោកកំពុងមានវិបត្តិអ្វីឬអន់ចិត្តជាមួយអ្នកណាឡើយ ខណ:គេឃើញមានអ្នកគាំទ្រលោក និងមិត្តភក្តិសិល្ប:មួយចំនួនលើកទឹកចិត្តដល់ អនុស្សាវរីយ៍ ផងនោះ។

គួរម្លឹកថា តារាចម្រៀល្បីឈ្មោះ លោក យឿន សូតអនុស្សាវរីយ៍ មួយរយ:ចុងក្រោយនេះហាក់ជួបនូវរឿងរ៉ាវព្យុះភ្លៀងជាបន្តបន្ទាប់ ខណ:ថ្មីៗនេះគឺត្រូវនារីពលករនៅកូរ៉េម្នាក់បកអាក្រាតពីទំនាក់ទំនងស្នេហារយ:ពេលជិតមួយឆ្នាំកក្រើកពេញបណ្តាញសង្គមហ្វេសប៊ុក៕

អត្ថបទ៖ ចាន់រ៉ា