អាល់ប៊ុម ‘GOLDEN’ របស់ Jungkook បង្កើតកំណត់ត្រាថ្មីនៅលើតារាង Billboard របស់សហរដ្ឋអាមេរិក

Jungkook សមាជិក​ក្រុម BTS បាន​បញ្ចូល​ឈ្មោះ​របស់​លោកជា​ថ្មី​ម្តង​ទៀត​ក្នុង​ប្រវត្តិសាស្ត្រ​តន្ត្រី ដែល​លើក​នេះ​នៅ​លើ​តារាង Billboard ដ៏​ល្បី​របស់​អាមេរិក។

យោងតាមទិន្នន័យតារាង Billboard គិតត្រឹមខែមករា អាល់ប៊ុមទោលរបស់ Jungkook ក្រោមចំណងជើងថា ‘GOLDEN’ បានជាប់ចំណាត់ថ្នាក់ទី ២៨ នៅលើតារាង Billboard 200 ដ៏ល្បីល្បាញ ដោយរក្សាវត្តមានរបស់ខ្លួនក្នុងរយៈពេល ៩ សប្តាហ៍ជាប់ៗគ្នា។ ស្នាដៃដ៏គួរឲ្យចាប់អារម្មណ៍នេះបានធ្វើឲ្យ ‘GOLDEN’ ក្លាយជាអាល់ប៊ុមទោល K-pop ដែលមានចំណាត់ថ្នាក់វែងបំផុតនៅលើ ‘Billboard 200’ រហូតមកដល់បច្ចុប្បន្ន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បទចម្រៀងដែលមានចំណងជើងថា “Standing Next to You” របស់អាល់ប៊ុមនេះ ក៏ទទួលបានភាពជោគជ័យយ៉ាងច្រើនផងដែរ ដោយបានឡើងដល់ ២៧ កន្លែង ដើម្បីឈានដល់ចំណាត់ថ្នាក់ទី ៧០ នៅលើតារាង ‘Hot 100’ សប្តាហ៍នេះ។ ដូចគ្នានឹងអាល់ប៊ុមដែរ បទចម្រៀងនេះនៅតែស្ថិតក្នុងតារាងសម្រាប់រយៈពេល ៩ សប្តាហ៍ដ៏គួរឲ្យចាប់អារម្មណ៍។

បន្ថែមពីលើសមិទ្ធិផលទាំងនេះ ប្រជាប្រិយភាពដ៏យូរអង្វែងរបស់ Jungkook ត្រូវបានបង្ហាញឲ្យឃើញនៅក្នុងការបញ្ចូលម្តងទៀតទៅក្នុងតារាង ‘Top 10’ នៃតារាង ‘Global 200’ និង ‘Global (មិនរាប់បញ្ចូលសហរដ្ឋអាមេរិក)’ ។ បទចម្រៀងទោលរបស់សមាជិកក្រុម BTS រូបនេះក្រោមចំណងជើងថា “Seven (feat. Latto)” ទទួលបានចំណាត់ថ្នាក់ទី ៩ នៅលើតារាង ‘Global 200’ ដោយមោទនភាព។

ជាងនេះទៅទៀត នៅក្នុងតារាង ‘Global (មិនរាប់បញ្ចូលសហរដ្ឋអាមេរិក)’ ទាំង “Seven” និង “Standing Next to You” បានឡើងចំណាត់ថ្នាក់ខ្ពស់ បើធៀបនឹងសប្តាហ៍មុន ដោយទទួលបានចំណាត់ថ្នាក់ទី ៤ នីមួយៗ ហើយថែមទាំងទទួលបានតំណែងទី ៧ ផងដែរ៕

អត្ថបទ៖ សាង ស្រីល័ក្ខ

ចុចអាន៖បណ្ដាញអ៊ីនធឺណិត​ជប៉ុនបោះឆ្នោត​ឲ្យ ​YoonA ជាស្រីស្អាតលេខ១ក្នុងដួងចិត្ត