ជីវិតកម្សាន្ដ

ទំនាក់ទំនង Yang Caiyu និងមិត្តប្រុសសេដ្ឋីជំនួញ អាចនឹងប្រះឆាគ្នាហើយ

បានផុស

៣ years មុន

នៅ

ថ្ងៃព្រហស្បតិ៍ ១១ មករា ២០២៤

ដោយ

តារាសម្ដែងស្រីចិន Yang Caiyu ដែលជារឿយៗគេហៅថា Liu Yifei ទី២ ត្រូវក្រុមអ្នកសារព័ត៌មានរាយការណ៍មកថា នាងនិងមិត្តប្រុសមហាសេដ្ឋីជំនួញ Chen Jinfei បានបែកបាក់គ្នាហើយ ខណៈពេលនេះម្នាក់ៗបានចាប់ផ្តើមទំនាក់ទំនងថ្មីបណ្ដើរចេញមុខគូស្នេហ៍ច្បាស់ៗថែមទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Sinchew បានរាយការណ៍ថា Yang Caiyu ត្រូវបានគេមើលឃើញថាកំពុងណាត់ជួបជាមួយបុរសម្នាក់ដែលមានវ័យប្រមាណជា៣០ឆ្នាំកាលពីដើមខែនេះ។ ក្នុងនោះអ្នកសង្កេតបានឃើញនាងស្លៀកពាក់អាវរោមនិងអាវកាក់ពីខាងក្នុង តារាស្រីត្រូវបានគេប្រទះឃើញចាកចេញពីភោជនីយដ្ឋានមួយជាមួយបុរសនោះ មុននឹងឱបគ្នានៅចំណតឡាន ដែលបញ្ជាក់ថាមានទំនាក់ទំនងដ៏សំខាន់មួយលើសបីមិត្តភាព។

ជាមួយគ្នានេះដែរមិត្តប្រុសនាង Chen ក៏ត្រូវបានគេឃើញឱបនារីម្នាក់ទៀតនៅតាមផ្លូវ និងដើរទិញឥវ៉ាន់នៅផ្សារទំនើបមួយ។ នេះបានជំរុញឲ្យមានការរំពឹងទុកថា ទំនាក់ទំនងរបស់ Yang និង Chen ត្រូវបានបញ្ចហើយប់ជាស្ថាពរ។

យ៉ាងណាក៏ដោយ អ្នកទាំងពីរត្រូវបានគេឃើញថើបគ្នាជាសាធារណៈលើកដំបូងនៅក្នុងឆ្នាំ ២០១៥។ ទោះបីជារូបភាពនៃការចុះបញ្ជីអាពាហ៍ពិពាហ៍ និងបានផ្សព្វផ្សាយនៅលើប្រព័ន្ធផ្សព្វផ្សាយសង្គមក៏ដោយ ក៏ពួកគេមិនបានបញ្ជាក់ថាជាការពិតដែរ។

លើសពីនេះទៀតសោត ពាក្យចចាមអារ៉ាមអំពីទំនាក់ទំនងរបស់ពួកគេបានទាក់ទាញចំណាប់អារម្មណ៍នៅពេលដែលលោក Chen ស្ថិតក្នុងវ័យ ៦២ ឆ្នាំ ហើយជានាយកប្រតិបត្តិនៃក្រុមហ៊ុន Beijing Tongchan Investment Group និងជាសហគ្រិនដែលមានជាងគេបំផុតរបស់ប្រទេសចិនក្នុងឆ្នាំ ២០០០ យោងតាមទស្សនាវដ្តី Forbes ។

ដោយឡែក Yang Caiyu គឺជាកូនកាត់ថៃ-ចិន មានអាយុ ៣២ ឆ្នាំគឺជាតារាបង្ហាញម៉ូដ និងជាតារាសម្តែងដែលត្រូវបានទទួលស្គាល់ជាចម្បង ចំពោះភាពស្រដៀងគ្នារបស់នាងទៅនឹង Liu Yifei បេះដាក់តែម្ដង៕