ជីវិតកម្សាន្ដ

Ruby Lin និង Joe Chen បញ្ចេញមុខមិនតុបតែង ក្នុងវ័យក្រោម៥០ឆ្នាំ ផ្អើលទស្សនិកជនព្រាត

បានផុស

២ years មុន

នៅ

ថ្ងៃពុធ ១០ មករា ២០២៤

ដោយ

Ruby Lin និង Joe Chen បានក្លាយជាប្រធានបទដ៏ក្តៅគគុកនៃការពិភាក្សាជាសាធារណៈ ជាពិសេសក្រុមអ្នកលេងអ៉ិនធើណេត បន្ទាប់ពីពួកគេបញ្ចេញមុខទទេរស្អាតគ្មានការតុបតែងមុខដូចសព្វមួយដង។ អ្វីដែលកាន់តែចាប់អារម្មណ៍ខ្លាំងនោះគឺអ្នកទាំងពីរមានសម្រស់ស្អាតម្យ៉ាងម្នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងវគ្គថ្មីនេះតារាចិនដូចជា xie na, Ada Choi, Ruby Lin និង Joe Chen បានអង្គុយជជែកគ្នាលេងក្នុងបន្ទប់មួយ បន្ទាប់ពីសម្រាកពីការងារ។ ដោយសារវាជាពេលល្ងាច ទើបតារាសម្ដែងស្រីៗទាំងនេះសម្រេចចិត្តលុបគ្រឿងសម្អាងចេញ ហើយទុកមុខឲ្យនៅទទេដូចអ្វីដែលបានឃើញ។

យ៉ាងណាមិញ មុខទទេរស្អាតរបស់ Ruby Lin និង Joe Chen បានធ្វើឲ្យសាធារណជនមានការភ្ញាក់ផ្អើលជាខ្លាំង។ អ្នកលេងអ៊ីនធឺណិតជាច្រើនបានកត់សម្គាល់ថា អ្នកទាំងពីរដូចជាមិនសូវជាមានចិញ្ចើមប៉ុន្មាននោះទេ។ ក្នុងចំណោមនោះ អ្នកដែលគួរឲ្យកត់សម្គាល់បំផុតគឺ Ruby Lin សម្រស់ពិតរបស់ភរិយា Wallace Huo ត្រូវបានគេនិយាយថាមើលទៅស្លេក និងចាស់ជាងវ័យណាស់។

លើសពីនេះទៀតសោត កែវភ្នែករបងស់នាងក៏ក្លាយជាចំណាប់អារម្មណ៍ដ៏ធំមួយគឺគេសម្គាល់ឃើញថា លែងធំនិងមូលក្រឡង់ ហើយមើលកាន់តែយូរទៅនាងហាក់ដូចជាហត់នឿយប្រៀបដូចមនុស្សមិនបានគេងរាប់យប់។ រូបភាពនេះមើលទៅខុសគ្នាទាំងស្រុង ពីការតែងខ្លួនរបស់នាងពេលបង្ហាញមុខសាធារណៈ។

យ៉ាងណាមិញ ទាំង Ruby Lin និង Joe Chen ថ្វើបើពុំមានការតុបតែងមុខ ប៉ុន្តែអ្នកទាំងពីរនៅតែទទួលបានការសរសើរពីទស្សនិកជនមួយចំនួនធំថា ពួកនាងមានស្បែកសរលោង គ្មានស្នាម បើទោះបីជាពួកគេមានអាយុជិតដល់៥០ ឆ្នាំក៏ដោយ។ ស្របពេលដែល Ruby Lin កើតឆ្នាំ១៩៧៦ មកទល់ពេលនេះនាងមានអាយុ ៤៨ ឆ្នាំ ប៉ុន្តែភរិយារបស់ Wallace Huo នៅតែរក្សារាងស្លីម និងសម្រស់ស្អាតដដែល គ្មានសញ្ញានៃភាពចាស់ក្រោយសម្រាលកូនឡើយ៕