ជីវិតកម្សាន្ដ

គេចោទថា ចរិតតួឯក ម៉េង កែវពេជ្ជតា ឆ្លើយតបយ៉ាងចាក់ដោតទៅវិញ

បានផុស

២ years មុន

នៅ

ថ្ងៃពុធ ៣១ មករា ២០២៤

ដោយ

កំពូលតារាចម្រៀងសំនៀងពីរោះរណ្ដំចិត្តអ្នកនាង ម៉េង កែវពេជ្ជតា បានបង្ហាញការហួសចិត្តជាខ្លាំង ខណៈសុខៗក៏ស្រាប់តែត្រូវបានបុគ្គលមួយចំនួននិយាយបំភ្លៃការពិតដោយចោទថាអ្នកនាងមានចរិតតួឯកទៅវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្វីត្បិតរងការរិះគន់ និងចោទប្រកាន់មកលើខ្លួនបែបនេះក៏ពិតមែន ប៉ុន្តែសម្រាប់សាមីខ្លួនអ្នកនាង ម៉េង កែវពេជ្ជតា មិនបានបញ្ចេញប្រតិកម្មខឹងឡើយ ផ្ទុយទៅវិញតារាជើងចាស់រូបនេះបានឆ្លើយតបដោយចិត្តត្រជាក់ និងចាត់ទុកថាជារឿងដែលមិនគួរកើតឡើងនោះទេ។ យ៉ាងណាក៏មានអ្នកគាំទ្រមួយចំនួនយល់ថាការរិះគន់នេះមិនបានបង្ហាញពីទិដ្ឋភាពពិតឡើយ។

អ្នកនាង ម៉េង កែវពេជ្ជតា បានបញ្ជាក់ថា “ធម្មតាៗដូចគេឯងសោះបែរជាចោទថាយើងចរិតតួឯកទៅវិញ ម្តងហើយម្តងទៀត ណ្ហើយ ! បំណាច់តែគេខំតាមបំពាក់មកុដឲ្យក្លាយជាតួឯកម្លឹងទៅហើយ ខ្ញុំទទួលក៏បាន មិនរត់គេចទៀតទេ“។ អ្នកគាំទ្រអ្នកនាង ម៉េង កែវពេជ្ជតា បាននាំគ្នាលើកទឹកចិត្តថា ប្អូនត្រូវរីករាយវិញបងជូនជាកម្លាំងចិត្ត ជាធម្មតាមិនបាច់គិតច្រើនយើងប្រសើរជាងគេហើយបានជាគេច្រណែនយើង ព្រោះធ្វើមិនដូចយើងបាន, សុំជាតួឯកក្នុងបេះដូងបងតែមួយ សូមប្រាប់ឲ្យហើយណាប្រុសរៀមរ៉ា។

គេកត់សម្គាល់ឃើញថា អ្នកនាង ម៉េង កែវពេជ្ជតា ថ្វីត្បិតតែបច្ចុប្បន្នមានវ័យរៀងច្រើនបន្តិចក្តីតែតារាស្រីនេះនៅរក្សាបានការគាំទ្រ និងមានប្រជាប្រិយភាពសម្រាប់ទីផ្សារចម្រៀងគ្រប់មជ្ឈដ្ឋានពោលគឺទទួលបានការគាំទ្រទាំងមនុស្សវ័យចំណាស់ និងមិត្តៗយុវវ័យផងដែរ ខណៈអ្នកនាងត្រូវបានគេចាត់ទុកដែរថា ជារាជនីសម្លេងពីរោះរណ្ដំចិត្ត៕

អត្ថបទ៖ ចាន់រ៉ា