ជីវិតកម្សាន្ដ

តារាថៃ Janie បង្ហោះរូប៣សន្លឹកអាក្រាតកាយ ផ្អើលបណ្ដាញសង្គម

បានផុស

២ years មុន

នៅ

ថ្ងៃព្រហស្បតិ៍ ១ កុម្ភៈ ២០២៤

ដោយ

តារាសម្ដែងថៃនាង Janie Tienphosuwan បានបញ្ចេញនូវរូបភាព៣សន្លឹកទាំងអាក្រាតកាយ ដោយមានក្រណាត់បិតបាំងតែបន្តិចប៉ុណ្ណោះ។ អ្វីដែលកាន់តែភ្ញាក់ផ្អើលនោះគឺ រាល់សកម្មភាពរបស់នាងសុទ្ធតែសិចស៊ីខ្លាំងទៅៗ មិនដូចមុនទៀតឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈគណនី IG ផ្ទាល់ខ្លួនរបស់អ្នកម្ដាយកូនមួយ Janie បានបង្ហោះរូបភាពដែលធ្វើឲ្យកក្រើកទាំងវិស័យសិល្បៈនិងទស្សនិកជនជាច្រើនមិននឹកស្មានថា នាងហ៊ានដល់ថ្នាក់អាក្រាតកាយ បង្ហាញរាងរៅដ៏ស្រឡូនចែកជូនដល់ភ្នែកជាច្រើនគូក្នុងបណ្ដាញអ៉ិនធើណេត។ ក្នុងនោះថែមទៀត នាងបានសរសេរខេបសិនយ៉ាងពេញអត្ថន័យថា “My 2024 Visionboard មានន័យថា គោលដៅ ឬចក្ខុវិស័យរបស់ខ្ញុំសម្រាប់ឆ្នាំ ២០២៤”។

លើសពីនេះទៀតដែរ រូបភាព៣សន្លឹកដ៏សិចស៊ីស្រដៀងនឹងទេពធីតា Victoria Angel ដែលកំពុងតែអង្រួនពិភពកម្សាន្តថៃ បានធ្វើឲ្យទស្សនិកជនមួយចំនួនហាក់មិនចង់ជឿថា ជាអ្នកម្ដាយកូនមួយរូបនេះទេ។ ព្រោះកន្លងមក មហាជនបានដឹងថា នាងត្រឹមលេងខ្លួនសិចស៊ីតិចតួចប៉ុណ្ណោះ ប៉ុន្តែមិនដល់ថ្នាក់ស្រាតននោលគកបង្អួតដល់ភ្នែកញាតិទេ។

យ៉ាងណាក៏ដោយ ជាជាងចាប់អារម្មណ៍រូបភាពស្រាតរបស់តួស្រីក្នុងរឿង “ភ្លើងស្នេហ៍ភ្លើងឬស្សា” ទស្សនិកជនក្នុងប្រទេសថៃជាច្រើន ហាក់បង្ហាញការងឿយឆ្ងល់ពាក់ព័ន្ធនឹងស្វាមីវ័យក្មេងរបស់នាងគឺ Mickey មិនប្រចែប្រចណ្ឌភរិយាទេ កាលបើនាងថតរូបបង្ហាញរាងកាយទាំងស្រុងបែបនេះ។

យ៉ាងណាមិញ កន្លងមកនៅលើបណ្ដាញព័ត៌មានក្នុងប្រទេសថៃជាច្រើនបានផ្សាយពីពាក្យចចាមអារ៉ាមថា ប្ដីប្រពន្ធវ័យក្មេងនេះ បានលែងលះគ្នាស្ងាត់ៗទៅហើយ។ ប៉ុន្តែមិនចង់ឲ្យមហាជនដឹងឮពីទំនាក់ទំនងប្រេះឆារបស់អ្នកទាំងពីរឡើយ។ ជាពិសេសមួយរយៈនេះគេឃើញត្រឹមតែ Janie និងកូនស្រីប៉ុណ្ណោះ បានធ្វើដំណើរកម្សាន្តក្រៅប្រទេស ដោយគ្មានវត្តមានស្វាមីដូចពីមុន៕

រូបភាពដែលតារាសម្ដែងស្រីនាង Janie បង្ហោះតាមរយៈគណនីផ្ទាល់ខ្លួន៖