ជីវិតកម្សាន្ដ

អ្នកនាំពាក្យសេតវិមានចេញមុខនិយាយ ក្រោយធ្លាយរូបថតអាសអាភាសរបស់ Taylor Swift

បានផុស

២ ខែ មុន

នៅ

ថ្ងៃសុក្រ ២ កុម្ភៈ ២០២៤

ដោយ

ប្រព័ន្ធផ្សព្វផ្សាយ The Hill បានរាយការណ៍កាលថ្ងៃទី ២៩ ខែមករាឆ្នាំ ២០២៤ ថាបណ្ដាញសង្គម Twitter ឬ X បានរារាំងការស្វែងរកឈ្មោះ Taylor Swift ដោយឲ្យអ្នកស្វែងរកឃើញមិនឃើញឈ្មោះនាងសូម្បីតែមួយ ខណៈដែលប៉ុន្មានថ្ងៃមុននេះ រូបភាពអាសអាភាសដែលបង្កើតដោយ AI របស់តារាចម្រៀងប៉ុបបានបែកធ្លាយ។

មន្ត្រីប្រតិបត្តិម្នាក់របស់ X បានផ្តល់ព័ត៌មានដល់ The Hill កាលពីថ្ងៃច័ន្ទទី ២៩ ខែមករា ថាលោកពិតជាបានរារាំងការស្វែងរកឈ្មោះរបស់តារាចម្រៀងដ៏ពេញនិយមជាបណ្តោះអាសន្ន។ នេះគឺស្របតាមវិធានការសន្តិសុខរបស់បណ្ដាញសង្គម X ដែលប្រកាន់ខ្ជាប់គោលការណ៍ពីមុន។

ក្នុងអំឡុងប៉ុន្មានសប្តាហ៍កន្លងទៅ រូបថតអាសអាភាសរបស់ Taylor Swift ដែលបង្កើតឡើងដោយកម្មវិធីកុំព្យូទ័រ (AI) បានបង្ហាញខ្លួននៅលើវេទិកា X ហើយត្រូវបានចែករំលែក និងក្លាយជារូបភាពផ្ទុះការចាប់អារម្មណ៍យ៉ាងខ្លាំង។ ជាពីសេសរូបភាពក្លែងក្លាយនោះ បានធ្វើឲ្យអ្នកគាំទ្ររបស់តារាចម្រៀងល្បីរូបនេះមិនពេញចិត្ត ហើយបង្ហោះរូបភាពពិតរបស់នាងជាមួយ hashtag ត្រូវតែការពារ TaylorSwift ដាច់ខាត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះយ៉ាងណាក៏ដោយ រូបភាពនិម្មិត ឬអ្វីដែលគេហៅថា deepfakes បើទោះបីជាវាបានបង្ហាញនៅលើបណ្ដាញសង្គម X ក្នុងរយៈពេលខ្លីក៏ដោយ ប៉ុន្តែរូបភាពនេះបានឆ្លងកាត់ភ្នែកទស្សនិកជនរាប់លានគូ មុនពេលត្រូវបានលុបចេញយ៉ាងរហ័ស។

ថ្វីបើធ្លាយនូវរូបភាពអាសអាភាសក្លែងក្លាយយ៉ាងណាក្ដី ប៉ុន្តែ Taylor Swift ត្រូវបានផ្តល់កិត្តិយសជាបុគ្គលប្រចាំឆ្នាំ ២០២៣ ដោយទស្សនាវដ្តី Time ផលប៉ះពាល់គឺធ្ងន់ធ្ងរខ្លាំងរហូតបណ្តាលឲ្យមានការទាមទារឲ្យរដ្ឋាភិបាលកណ្តាលត្រូវតែពិនិត្យមើលវិធានការគ្រប់គ្រងប្រព័ន្ធផ្សព្វផ្សាយសង្គម ដើម្បីអាចការពាររូបភាពឬវីដេអូ កាន់តែមានប្រសិទ្ធភាព និងបានធ្វើឲ្យអ្នកនាំពាក្យសេតវិមាន ត្រូវចេញមកនិយាយពីរឿងនេះកាលពីសប្ដាហ៍មុនផងដែរ។

លោក Carine Jean-Pierre អ្នកនាំពាក្យសេតវិមាន បាននិយាយថា “រូបភាពបែបផែនរបស់ Taylor Swift និងមនុស្សល្បីៗផ្សេងទៀត វាជាជារឿងដ៏គួរឲ្យភ្ញាក់ផ្អើលបំផុត ។ ក្នុងនាមជាក្រុមហ៊ុនប្រព័ន្ធផ្សព្វផ្សាយសង្គម ម្នាក់ៗមានសេរីភាពក្នុងការគ្រប់គ្រងមាតិការៀងៗខ្លួន។ យើងជឿថាពួកគេដើរតួនាទីយ៉ាងសំខាន់ក្នុងការអនុវត្តច្បាប់ផ្សេងៗ ផ្ទាល់ខ្លួនយ៉ាងខ្លាំង ដើម្បីទប់ស្កាត់ការផ្សព្វផ្សាយព័ត៌មានមិនពិត និងរូបភាពសម្ងាត់ផ្សេងៗ ដែលមិនបានឆ្លងកាត់ការយល់ព្រម ឬមិនយល់ស្របរបស់បុគ្គលម្នាក់ៗ”។

យ៉ាងណាមិញ កាលពីខែតុលា ឆ្នាំ ២០២៣ ប្រធានាធិបតីសហរដ្ឋអាមេរិកលោក Joe Biden បានចុះហត្ថលេខាលើបទបញ្ជាប្រតិបត្តិមួយដើម្បីការពារ AI ពីការបង្កើតសម្ភារៈរំលោភបំពានផ្លូវភេទលើកុមារ ឬបង្កើតរូបភាពឯកជនដែលមិនមានការយល់ព្រមពីបុគ្គលពិតប្រាកដ។ បទបញ្ជានេះក៏តម្រូវឲ្យរដ្ឋាភិបាលសហព័ន្ធចេញការណែនាំអំពីការធ្វើឲ្យព្រិល ឬដាក់ស្លាកសញ្ញាទៅនឹងការបង្កើត AI ៕