Connect with us

ជីវិតកម្សាន្ដ

បវរកញ្ញា ជប៉ុន ដើមកំណើត អ៊ុយក្រែន ចោលម្កុដជ័យលាភីលេខ ១ ក្រោយផ្ទុះរឿងអាស្រូវ

បានផុស

នៅ

កញ្ញា Karolina Shiino ដើម​កំណើត​អ៊ុយក្រែន ដែល​បាន​ឈ្នះ​ជា​​ម្ចាស់​ជ័យ​លាភី​បវរកញ្ញា​ឯក​​ជប៉ុន​​ឆ្នាំ ​២០២៤ ​នេះ​ កំពុង​ក្លាយ​ជា​ប្រធាន​បទ​ក្តៅ​​ជជែក​វែក​ញែក​ពី​សាធារណ​ជន​​នៅ​ជប៉ុន ទៅ​លើ​​ជ័យ​ជម្នះ​ទាក់​ទង​ទៅ​នឹង​​ដើម​កំណើត​របស់​នាង បូក​ផ្សំ​នឹង​ផ្ទុះ​​​រឿង​អាស្រូវ​ទាក់​ទង​នឹង​បុរស​មាន​ប្រពន្ធ​ហើយ ​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​តាម​ទស្សនាវដ្តី​ជប៉ុន Shukan Bunshun បាន​បង្ហាញ​​ឲ្យ​ដឹង​ថា កញ្ញា​​ជន​ជាតិ​អ៊ុយ​ក្រែន​ Shiino ដែល​មាន​សញ្ជាតិ​ជប៉ុន​បាន​ឈ្នះ​ជា​​ជ័យ​លាភី​បវរ​កញ្ញា​ឯក​ជប៉ុន​ឆ្នាំ​ ២០២៤ កាល​ពី​ខែ​មករា​កន្លង​ទៅ​ ។ ដោយ​សារ​​មាន​ផ្ទុះ​រឿង​ទំនាក់​ទំនង​ជា​មួយ​​បុរស​​ដែល​មាន​ប្រពន្ធ​រួច​ហើយជា​សាធារណៈ​ ធ្វើ​ឲ្យ​​ម្ចាស់​ជ័យ​លាភី​រូប​នេះ​ សុំ​បោះ​បង់​ម្កុដ​ជ័យ​លាភី​ចោល ។ ទស្សនាវដ្តី​ដដែល​បាន​ឲ្យ​ដឹង​ថា បវរ​កញ្ញា​វ័យ ​២៦ ​ឆ្នាំ​​រូប​នេះបាន​ទាក់​ទង​នឹង​បុរស​ជា​ស្វាមី​គេ ដែល​មាន​អាជីព​ជា​វេជ្ជបណ្ឌិត ហើយ​ក៏​ជា​អ្នក​មាន​​មុខ​មាត់​​ល្បី​ក្នុង​បណ្តាញ​សង្គម​ជប៉ុន​ផង​ដែរ​ ។

នៅ​ក្នុង​សេចក្តី​ថែ្លង​ការ​នៅ​លើ​គេហទំព័រ​ សមាគម​បវរ​កញ្ញា​​ឯក​ជប៉ុន​បាន​ប្រកាស​កាល​ពី​ថ្ងៃ​ចន្ទ ទី​៥​ ខែកុម្ភៈ​ថា ស្ថាប័ន​បាន​ទទួល​សំណើ​បោះ​បង់​ចោល​ជ័យ​លាភី​​ម្កុដ​ឯក​ និង​ទទួល​​យក​ការ​សុំ​​អភ័យ​ទោស​ ទៅ​ដល់​ភាគី​ដែល​ពាក់​ព័ន្ធ រួម​មាន​ម្ចាស់​ឧបត្ថម្ភ និង​គណៈ​កម្ម​ការ​ និង​ទុក​ឲ្យ​​តំណែង​ជ័យ​លាភី​នោះ​នៅ​ទំនេរ​ពេញ​​មួ​យ​ឆ្នាំ​ ២០២៤​ នេះ​។

​នៅ​ក្នុង​សំណេរ​សូម​អភ័យ​ទោស​របស់​កញ្ញា​ឯក​​ខាង​លើ​​​នៅ​លើ​ Instagram បាន​និយាយ​ថា នាង​ពិត​ជា​មិន​អាច​​បង្ហាញ​ការ​ពិត​បាន​នៅ​ពេល​នោះ ដែល​នាង​នៅ​​មាន​អារម្មណ៍​យល់​ច្រឡំ​ច្របូក​ច្របល់ និង​ភ័​យ​ខ្លាច​នៅ​ពេល​ដែល​រឿង​នោះ​បែក​ជា​សាធារណៈ​ នាង​ពិត​ជា​សុំ​ទោស​​​ដល់​អ្នក​ពាក់​ព័ន្ធ​ទាំង​អស់​។

ខាង​ស្ថាប័ន​​រៀប​ចំ​កម្មវិធី​ ​បាន​​ឲ្យ​ដឹង​ថា តំណាង​ស្ថាប័ន​បាន​សម្រេច​​​ទទួល​យក​សំណើ​​របស់ Shiino ក្រោយ​ដឹង​ថា ​នាង​បាន​ប្រាប់​ទៅ​ភ្នាក់​ងារ​របស់​នាង​​អំពី​រឿង​បែក​បាក់​ស្នេហា​ជា​មួយ​បុរស​ម្នាក់​ ដែល​នាង​ទើប​បាន​ដឹង​ពី​ស្ថានភាព​ជា​ស្វាមី​គេ​ ហើយ​ក្រោយ​មក​ក៏​​​​នៅ​មាន​បែក​ធ្លាយ​ថា​នាង​នៅ​បន្ត​​ជួប​ទាក់​ទង​បុរស​នោះ​ទោះ​ដឹង​ថា​គេ​មាន​ប្រពន្ធ​រួច​ហើយក៏ដោយ ​។

គួរ​រំឭក​ថា នេះ​ជា​ករណី​​​ដំបូង​គេ ដែល​កញ្ញា​ Karolin Shiino គឺ​ជា​​ស្រ្តី​​ដើម​កំណើត​ពី​អឺរ៉ុប​ ដែល​ទទួល​បាន​ជ័យ​ជម្នះ​រង្វាន់​កំពូល​​​កញ្ញា​ឯក​ក្នុង​​ក្រប​ខណ្ឌ​ប្រទេស​ជប៉ុន។ ហើយ​ស្ថាប័ន​រៀប​ចំ​កម្មវិធី​ផ្ទាល់​​ខ្លួន​ឯង​ក៏​មាន​ភាព​ភ្ញាក់​ផ្អើល​​នឹង​លទ្ធផល​ផង​ដែរ​ ដែល​គោល​បំណង​កម្មវិធី​​គឺ​ជ្រើស​រើស​អ្នក​ឈ្នះ​ដែល​តំណាង​ឲ្យ​ភាព​ស្រស់​ស្អាត​បំផុត​នៃ​ស្ត្រី​ជប៉ុន​។

ចំណែក​ជីវ​ប្រវត្ត​របស់ Shiino វិញ នាង​មាន​ឪពុក​ម្តាយ​ជា​ជន​ជាតិ​អ៊ុយ​ក្រែ ហើយ​ក្រោយ​មក​ពេល​​នាង​មាន​អាយុ​ ៥ ​ឆ្នាំ ក៏​បាន​ផ្លាស់​មក​​តាម​​​ឪពុក​ម្តាយ​​រស់​នៅ​​ទី​ក្រុង Nagoya ​ភាគ​កណ្តាល​នៃ​ប្រទេស​ជប៉ុនតាំង​ពី​ពេល​នោះ​មក​ ហើយ​ជា​មួយ​ជ័យ​ជម្នះ​​​របស់​នាង​ថ្មី​ៗ​នេះ គឺ​ត្រូវ​​បាន​ជជែក​វែក​ញែក​ជា​ច្រើន​នៅ​បណ្តាញ​សង្គម​ជប៉ុន​ ថា​តើ​ សញ្ជាតិ​ជប៉ុន​ តែ​ដើម​កំណើត​​ពី​ប្រទេស​ផ្សេង​អាច​ស័ក្តិ​សម​នឹង​គ្រង​ជើង​​ឯក​បវរ​កញ្ញា​ប្រចាំ​ប្រទេស​ជប៉ុន​ដែរ​ឬ​ទេ ៕

ដោយ​៖ មាន រតនា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤ នាទី មុន

ក្រសួងការងារ រៀបចំជំនួបរវាង សម្ដេចតេជោ និង សម្ដេចធិបតី ជាមួយកម្មករ ១,៥ លាននាក់ នៅឆ្នាំ ២០២៣ និងដើមឆ្នាំ ២០២៤

នយោបាយ១១ នាទី មុន

អ្នកនាំពាក្យ៖ ការចោទថា មានការដាក់កាមេរ៉ាឃ្លាំមើល គឺគ្រាន់តែជាការសម្តែងរបស់លោក ទាវ វណ្ណុល នៅមុនការបោះឆ្នោតព្រឹទ្ធសភាប៉ុណ្ណោះ

ព័ត៌មានជាតិ១៣ នាទី មុន

សហគមន៍បឹងកាឆាង ​គ្រោង​​រៀប​ចំចងក្រង​ស្ត្រី​មេម៉ាយ​បង្កើត​មុខ​របរ​​នៅ​ក្នុង​សហគមន៍

ជីវិតកម្សាន្ដ២១ នាទី មុន

Lisa និងអ្នកស្នងមរតក​ LV ត្រូវគេឃើញដើរជាមួយគ្នានៅ​​អាមេរិក

ព័ត៌មានជាតិ២៦ នាទី មុន

តើ ឧទ្យានតេជោសែនឫស្សីត្រឹប ជួបបញ្ហាប្រឈម ផលប៉ះពាល់អ្វីខ្លះ?

សន្តិសុខសង្គម៦ ថ្ងៃ មុន

ចាប់បានឃាតករំលោភសម្លាប់ស្ត្រីពោះធំ ៥ ខែ ប្លន់យកម៉ូតូ និងទូរស័ព្ទ រួចដុតសាកសពចោលក្នុងព្រៃ នៅខេត្តកណ្ដាល

ព័ត៌មានជាតិ៧ ថ្ងៃ មុន

ទោះរមណីយដ្ឋានអន្លង់ផ្សោតព្រះរំកិលលែងមានសត្វផ្សោត តែភ្ញៀវទេសចរអាចទៅទស្សនាឆ្អឹងផ្សោតបាន

ជីវិតកម្សាន្ដ៥ ថ្ងៃ មុន

សណ្ឋាគារ Novotel បង្ហាញខ្លួនលើកដំបូងនៅកម្ពុជា ចាប់បើកដំណើរការនៅថ្ងៃទី៩ ខែកុម្ភៈ ឆ្នាំ២០២៤​ ខាងមុខ លើឆ្នេរឯករាជ្យ ក្រុងព្រះសីហនុ

ចរាចរណ៍៤ ម៉ោង មុន

ព័ត៌មានបឋម៖ រថយន្ត​ Alphard ក្រឡាប់ផ្ងារជើងលើផ្លូវល្បឿនលឿនរងរបួស និងស្លាប់ច្រើននាក់

កីឡា១ ថ្ងៃ មុន

អនុប្រធានគុនខ្មែរប្រកាសធ្វើសន្និសីទឆាប់ៗពីជំនួប ធន់ រិទ្ធី-សៃយុគ

Sokha Hotels

ព័ត៌មានពេញនិយម