ជីវិតកម្សាន្ដ

ត្រឹមរូបមួយសន្លឹកកៀកស្មា Matt ទោះសេដ្ឋីហៃសូ Pok ប្រាប់ថាមិត្ត ក៏គ្មានអ្នកជឿដែរ

បានផុស

១ year មុន

នៅ

ថ្ងៃចន្ទ ២៦ កុម្ភៈ ២០២៤

ដោយ

កាលពីប៉ុន្មានថ្ងៃមុន អ្នកជំនួញប្រាក់លានប្រចាំប្រទេសថៃ Hiso Pok បានបង្ហោះរូបភាពកាន់ស្មាតារាសម្ដែង Matt Peeranee ដោយបន្ថែម hashtag បញ្ចាក់ថា ខានកាន់ដៃគ្នាយូរហើយ! ប្រការបានធ្វើឲ្យទស្សនិកជនជាច្រើនសម្រុកចូលទៅបញ្ចេញមតិបែបលេបខាយ ទៅលើគូនេះ។

តាមរយៈការចេញផ្សាយពីសារព័ត៌មាន Sanook បានបង្ហោះនូវរូបភាពរបស់អ្នកស្នងមរតកប្រាក់លានប្រចាំប្រទេសថៃ គឺលោក Pratarnwong Pok Phornprapha និងតារាស្រី Matt Peranee Kongthai ដែលចាប់តាំងពីរឿងស្នេហាត្រីកោណកើតឡើងនៅឆ្នាំ ២០២៣មក អ្នកទាំងពីរបានឃ្លាតឆ្ងាយពីគ្នាសឹងតែបាត់មុខពីបណ្ដាញសង្គម។

ទោះយ៉ាងណាក៏ដោយ កាលពីថ្ងៃទី២៣ ខែកុម្ភៈ ឆ្នាំ ២០២៤ អ្នកជំនួញប្រុសរូបនេះបានបង្ហាញរូបភាពនៃពេលវេលាដ៏គួរឲ្យស្រលាញ់ជាមួយ Matt ឲ្យអ្នកគាំទ្របានឃើញតាមរយៈ Instagram ផ្ទាល់ខ្លួនរបស់គាត់។ តាមរយៈគណនីផ្ទាល់របស់ Pok បង្ហាញឲ្យឃើញអ្នកទាំងពីរថតរូបជាមួយគ្នានៅភោជនីយដ្ឋានមួយ។ ពេលនោះរូបលោកបានលូកដៃទៅឱបស្មារបស់ Matt យ៉ាងស្និទ្ធស្នាល ដែលមើលទៅកក់ក្ដៅដូចមិត្តប្រុសកំពុងថតសែលហ្វីជាមួយមិត្តស្រី។

មិនត្រឹមតែប៉ុណ្ណោះ Pok ក៏បានបញ្ជាក់ក្នុងចំណងជើងនោះដែរ “ខ្ញុំមិនបានឃើញអ្នកយូរមកហើយ។ ស្វែងរកក្មេងស្រីឲ្យខ្ញុំ Pini ហើយលោមកក៏មិនភ្លេចបន្ថែម hashtag បញ្ចាក់ថា ខានកាន់ដៃគ្នាយូរហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះយ៉ាងណាក៏ដោយ ថ្វីបើរូបភាពនោះបញ្ចាក់ក្នុងន័យបងប្អូនឬមិត្តភាពដែលមានជាមួយគ្នាមកជាយូរឆ្នាំយ៉ាងណាក៏ដោយ ប៉ុន្តែអ្នកទាំងពីចៀសពីការរិះគន់មិនផុតឡើយ។ ការបង្ហាញរូបភាពរបស់ Pok និង Matt អាចនឹងធ្វើឲ្យមនុស្សមួយចំនួនសង្ស័យពីទំនាក់ទំនងរបស់ពួកគេ។ បើទោះជាកន្លងមកគូនេះធ្លាប់ចេញមុខបកស្រាយថា ពួកគេស្គាល់គ្នាមកយូរឆ្នាំហើយ។ ជាពិសេសពួកគេតែងតែបង្ហាញពីពេលវេលាកៀកកើយគ្នាញឹកញាប់ មិនដែលខាននោះទេ។

លើសពីនេះទៀតដែរ Matt តែងតែត្រូវគេភ្ចាប់ជាមួយបុរសម្នាក់នោះម្នាក់នេះដោយចោទនាងថា ជាជនទី៣បំបែកក្ដីស្រលាញ់របស់អ្នកដទៃ។ ក្នុងពេលកាលពីប៉ុន្មានឆ្នាំំ នាងក៏យកបានបេះដូងពោះម៉ាយ Songkran ដែលជាស្វាមីតារាស្រី Aff Taksaorn រហូតផ្អើលពិភពសិល្បៈថៃ៕