Connect with us

ជីវិតកម្សាន្ដ

ឌីជេ ក្តឹប ប្រកាសឆន្ទៈ ទោះធ្លាក់ខ្លួនយ៉ាងណាដាច់ខាតមិនលើកដៃសុំលុយពីសប្បុរសជន

បានផុស

នៅ

តារា​ចម្រៀង​រ៉េប ឌីជេ ក្តឹប បាន​ប្រកាស​ជំហរ​របស់​ខ្លួន​ថា ទោះ​បីលោកធ្លាក់​ខ្លួន​ក្រ​លំបាក​យ៉ាងណា​គឺដាច់ខាត​លោក​មិន​​លើក​ដៃ​សំពះ អំពាវនាវ​សុំ​ជំនួយ​ពីសប្បុរសជន​ឡើយ ប៉ុន្តែអ្វីដែល​លោក​គួរធ្វើ គឺលើក​ដៃ​សំពះសុំការងារធ្វើ​គ្រប់ទីកន្លែង​រហូត​មាន​ការងារ​ធ្វើ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារា​ចម្រេង ឌីជេ ក្តឹប បាន​លើក​ឡើង​ថា ដោយ​សារ​តែធ្លាប់​ឭ​​គេ​ដៀល​ថា ពួកអាអ្នកសិល្បៈ​ឲ្យតែពួក​វាធ្លាក់​ខ្លួន​គឺ ដឹង​តែលើកដៃ​សុំលុយ​ពី​សប្បុរស​ជន​ហើយ ទើប​ធ្វើ​ឲ្យលោកតាំងចិត្តថា ទោះ​ស្លាប់​ក៏មិនលើក ដៃសំពះ​សុំលុយ​ពីមហាជន​ដែរ គឺលោកសុខចិត្តដើរ​ទៅលើកដៃសំពះ​សុំការងារ​ធ្វើ​គ្រប់ទីកន្លែង​រហូត​មានការងារធ្វើ ហើយ​ពេល​លោក​ធ្វើការ​បើ​បង​ប្អូន​ឲ្យលុយធីប គឺទទួល​យកដោយក្តីរីករាយ និង​ភា​ព​សប្បាយចិត្ត ព្រោះវាជាលុយដែល​កើតចេញពីកំលាំងញើសឈាម។

ឌីជេ ក្តឹប បានបន្តទៀតថា «ដូចនេះ​មុន​ជួយ​បង​ប្អូន​ត្រូវគិតថា “ម្នាក់ ១ដុល្លារប្រជាជន​យើងមាន ១៦​លាន​នាក់ជាង (អីចឹង! ១៦លាននាក់ស្មើ ១៦លានដុល្លារ​បាត់​ទៅ​ហើយ) ដូច្នេះ​សូម​កុំបណ្តោយឲ្យជំនួយរបស់បង​ប្អូនក្លាយជាមុខរបរ​នៅក្នុងជំនួញ​របស់​ក្រុមមនុស្ស​ដែលយកសប្បុរសធម៌​ធ្វើជាមុខរបររកស៊ីឲ្យសោះ»។

ទោះបីមួយរយៈ​កន្លងទៅ​លោក ចាន់ សំណាង ឬ ឌីជេ ក្តឹប មិន​សូវមានវត្តមានលើវិថីសិល្បៈ​ក្តីតែ​លោក​មិនបាន​បង្ហាញ​ពីការបោះបង់​នោះ​ទេ ពោល​គឺលោ​ក​តែបង្ហាញពីឆន្ទៈ​ស្រលាញ់ និង​វិលចូល​វិស័យ​មួយ​នេះ។អ្វីដែល​ធ្វើ​ឲ្យគេចាប់​អារម្មណ៍​ទៀតនោះ​គឺ ឌេជេ ក្តឹប ក៏​ធ្លាប់​បានបង្ហើបក្តីស្រមៃដ៏ធំ​បំផុត​ចុង​ក្រោយ គឺង្កើត​សាលា​បង្ហាត់បង្រៀន និង​ចែករំលែក​ចំណេះ​ជំនាញសិល្បៈ​ដល់ក្មេងជំនាន់ក្រោយ។

យ៉ាងណាមិញ​ក្រោយ​ស្ងប់ស្ងាត់​មួយសន្ទុះថ្មីៗ​នេះ ឌីជេ ក្តឹប បាន​វិលចូលប្រឡូកអាជីព​ចម្រៀងវិញដូចដើម។ វត្តមាន​របស់​តារាចម្រៀង​រ៉េបល្បីឈ្មោះ ឌីជេ ក្តឹប ដែលបានត្រឡប់មក​បម្រើអារម្មណ៍​ទស្សនិកជន​ជាថ្មីនេះ​ក៏បានធ្វើ​ឲ្យមហាជនអ្នកគាំទ្រ និងមិត្តៗយុវវ័យ​មួយចំនួនធំបង្ហាញការគាំទ្រ​ហើយ​ជំរុញ ការលើកទឹកចិត្តចំពោះ ឌីជេ ក្តិប ផងដែរ៕

អត្ថបទ៖ ចាន់រ៉ា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ១២ នាទី មុន

ស្ត្រីវៀតណាមដែលបានលក់ផ្លែពុតទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអជ្ញាធរ

ព័ត៌មានជាតិ១៨ នាទី មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ៥៩ នាទី មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ១ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

ព័ត៌មានជាតិ៣ ម៉ោង មុន

នៅខែមេសា-ឧសភា កម្ពុជានឹងក្ដៅខ្លាំង កម្រិត៣៨°C និងមានបាតុភូតផ្គរ រន្ទះ និងខ្យល់កន្ត្រាក់

Sokha Hotels

ព័ត៌មានពេញនិយម