តារាទឹកភ្នែក នី មុន្នីនាថ ប្រកាសឆន្ទៈគាំទ្រពិធីបើកការដ្ឋាន ព្រែកជីកហ្វូណនតេជោ

ខណ:ដែលពិធីបើកការដ្ឋាន«ព្រែកជីកហ្វូណ នតេជោ» នឹងឈានមកដល់នៅថ្ងៃទី០៥ ខែសីហា ឆ្នាំ២០២៤ខាងមុខនេះតារាសម្តែងពូកែខាងទឹកភ្នែក នី មុន្នីនាថ បានប្រកាសអបអរសាទរ និងបង្ហាញឆន្ទ:គាំទ្រពេញទំហឹង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានឹងមោទនភាពយ៉ាងអស្ចារ្យនេះដែរ តារាស្រីកញ្ញា នី មុន្នីនាថ បានអំពាវនាវឲ្យបងប្អូនប្រជាពលរដ្ឋខ្មែរនៅទូទាំងប្រទេសចូលរួមអបអរសាទរឲ្យបានច្រើនកុះករ។ កញ្ញា នី មុន្នីនាថ បញ្ជាក់ថា អបអរសាទរពិធីបើកការដ្ឋាន «ព្រែកជីកហ្វូណនតេជោ» នៅថ្ងៃទី៥ ខែសីហា ឆ្នាំ២០២៤ខាងមុខនេះហើយ។

តារាសម្តែងកញ្ញា នី មុន្នីនាថ និយាយទៀតថា គម្រោងព្រែកជីកហ្វូណនតេជោមានសារៈសំខាន់ និងផ្ដល់ផល ប្រយោជន៍ក្នុងការអភិវឌ្ឍន៍សេដ្ឋកិច្ច-សង្គមតាមរយៈការជំរុញការអភិវឌ្ឍន៍ពហុវិស័យរួមមាន កសិកម្ម ជលផល ទេសចរណ៍ ពាណិជ្ជកម្ម វិស័យអចលនទ្រព្យ និងនគររូបនីយកម្មជាដើម។

គេកត់សម្គាល់ដែរថា មកដល់ពេលនៅលើបណ្តាញសង្គម គឺមានការផុសផុលពីសំណាក់ប្រជាពលរដ្ឋកម្ពុជាគ្រប់ស្រទាប់វណ្ណ:តាមរយ:ការផ្លាស់ប្តូររូបភាពនៅលើប្រូហ្វាល់ដោយភ្ជាប់មកវិញជាមួយអត្ថន័យនៃការប្រកាសគាំទ្រគម្រោង​ព្រែក​ជីកហ្វូណនតេជោដែលត្រៀមនឹងធ្វើពិធីសម្ពោធបើកការដ្ឋានជាផ្លូវការនៅ ថ្ងៃទី០៥ ខែសីហា ឆ្នាំ២០២៤ខាងមុខឆាប់ៗនេះ។

ក្នុងនោះក៏មានសិល្បករ-សិល្បការិនីខ្មែរព្រមទាំងមន្ត្រីថ្នាក់ដឹកនាំទូទាំងប្រទេសបានសម្តែងការអបអរសារទរ និងប្រកាសឆន្ទ:ដោយបង្ហាញការចូលរួមគាំទ្រយ៉ាងពេញទំហឹងចំពោះគម្រោង​ព្រែក​ជីកហ្វូណនតេជោដែលផ្តល់សារៈសំខាន់ និងផលប្រយោជន៍ក្នុងការអភិវឌ្ឍន៍សេដ្ឋកិច្ច-សង្គមតាមរយៈការជំរុញការអភិវឌ្ឍន៍ពហុវិស័យ៕

អត្ថបទ៖ ចាន់រ៉ា