ប្រឡូកវិស័យរឿង GL ស្រីស្រឡាញ់ស្រី ម្ដង តារាថៃ Ling Ling Kwong ទទួលបានការគាំទ្របាក់ទឹកបាក់ដី

ថ្មីៗនេះ ប្រជាប្រិយភាពរបស់ តារាសម្ដែងស្រី Ling Ling Kwong បានហក់ឡើងខ្ពស់គួរឲ្យកត់សម្គាល់ បន្ទាប់ពីនាងបានសម្ដែងជា តួឯកស្រី ដៃគូជាមួយនាង Orm Kornaphat នៅក្នុងរឿង GL series ចំណងជើង The Secret of Us ដែលទើបតែបានបញ្ចប់ទៅកាលពីពេលកន្លងទៅនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈខ្សែភាពយន្ដបែបមនោសញ្ចេតនារវាងស្រីនិងស្រី Ling Ling Kwong បានឆក់យកបេះដូងអ្នកទស្សនាបានយ៉ាងច្រើនលើសលប់តាំងពីចេញភាគដំបូងមកម្ល៉េះ។ បកទៅមើលអំពីដំណើរសិល្បៈរបស់តារាស្រីរូបស្អាតដួងនេះវិញ តាមពិតទៅ រូបនាងគឺជា បវរកញ្ញា ដែលឈ្នះពានរង្វាន់ Miss Khao Suon Kwan កាលពីឆ្នាំ២០១៨ ក្រោយមកនាងក៏បានចុះកិច្ចសន្យារជាតារាស្រីនៅក្នុងប៉ុស្តិ៍លេខ៣ថៃ។

នៅក្នុងឆ្នាំ២០២០ តារាសម្ដែងស្រីជំនាន់ថ្មីរូបនេះ បានបង្ហាញវត្តមានជាតួអង្គរង នៅក្នុងខ្សែភាពយន្ដ My Forever Sunshine ដែលសម្ដែងដោយ Mark Prin និង Kao Surpasara។ ក្រោយមក នាងក៏ទទួលបានតំណែងជាតួឯកស្រី នៅក្នុងរឿង Makkali the Love Tree កាលពីឆ្នាំ២០២២ កន្លងទៅនេះ។

បើនិយាយពីសន្ទុះនៃប្រជាប្រិយភាពរបស់ Ling Ling បានបន្ដកើនឡើង នាងក៏បានកសាងកេរ្តិ៍ឈ្មោះជាតារាសម្ដែងស្រីដ៏មានទេពកោសល្យ តាមរយៈការសម្ដែងនៅក្នុងខ្សែភាពយន្ដជាមួយនឹងតារាសម្ដែងជួរមុខជាច្រើនរូប។ បច្ចុប្បន្ននេះ រូបនាង បានក្លាយជាតារាសម្ដែងស្រីលំដាប់ជួរមុខ ដែលមានការគាំទ្រយ៉ាងខ្លាំងក្លា បន្ទាប់ពីសម្ដែងនៅក្នុងរឿងភាគថ្មី បែបរ៉ូមែនទិច រវាងស្រីនិងស្រី៕