ជីវិតកម្សាន្ដ

សម្ដែងតែមួយរឿងសោះ ប្រេនធំៗក្នុងប្រទេសកូរ៉េរត់រក Kim Ji-won ព្រមគ្នា

បានផុស

២ years មុន

នៅ

ថ្ងៃសុក្រ ២០ កញ្ញា ២០២៤

ដោយ

ថ្វីដ្បិតតែរឿងភាគកូរ៉េ “The Queen of Tears”បានឈានដល់ភាគបញ្ចប់មកជាយូរហើយក្ដីប៉ុន្តែសន្ទុះនៃការគាំទ្រពីមហាជនក្នុងប្រទេសនិងទូទាំងពិភពលោកហាក់មិនបានថមថយទៅណាសោះឡើយ។ ជាក់ស្ដែង ភាពយន្តភាគកូរ៉េនេះផងដែរ បានរុញច្រានតារាសម្ដែងស្រី Kim Ji-won ឲ្យឡើងដល់កំពូល ខណៈដែលមានម៉ាកយីហោធំៗសុទ្ធតែលំដាប់ខ្ពស់ជាច្រើន កំពុងប្រជែងគ្នាស្វែងរកនាងជាទូសុឆន្ទៈ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទីមួយ THE WHOO

បន្ទាប់ពីក្លាយជាម៉ាកផលិតផលថែរក្សាស្បែកលំដាប់កំពូលក្នុងប្រទេសកូរ៉េ THE WHOO ពួកគេតែងតែស្វែងរកតារាស្រីកូរ៉េកំពូលៗជាទូតសុឆន្ទៈឲ្យប្រេន THE WHOO តំណាងឲ្យនិមិត្តសញ្ញានៃឋានៈខ្ពស់បំផុតនៅក្នុងឧស្សាហកម្មកម្សាន្តកូរ៉េ រួមទាំង Kim Hee Sun និង Lee Young Ae ទើបតែថ្មីៗនេះ កូរ៉េខាងត្បូងក៏បានប្រកាសពីអ្នកនាំពាក្យម៉ាកថ្មី Kim Ji-Won ដែលនឹងក្លាយជាទូតសុឆន្ទៈរួមគ្នាជាមួយកំពូលតារាស្រីខាងលើ។

នៅក្នុងវីដេអូរូបភាពថ្មី ស្បែករបស់ Kim Ji-won មើលទៅល្អ និងភ្លឺចែងចាំង នាងបានបកស្រាយយ៉ាងល្អឥតខ្ចោះនូវផលិតផលថែរក្សាស្បែកដ៏សំខាន់បំផុតរបស់ម៉ាក់នោះគឺអាថ៌កំបាំងមួយចាប់តាំងពីការចេញលក់ផលិតផលទូទាំងពិភពលោកមានលើសពី ១០ លានដប វាបង្រួមថាមពលវ័យក្មេង ហើយអាចជួយគ្រប់ទិសទីថែរក្សាស្បែករបស់អ្នក។ Kim Ji-won ត្រូវផាត់មុខជារៀងរាល់ថ្ងៃ ហើយមានស្បែកងាយប្រតិកម្ម នាងធ្លាប់បាននិយាយថា អ្វីដែលសំខាន់បំផុតដែលត្រូវយកចិត្តទុកដាក់ពេលជ្រើសរើសផលិតផលថែរក្សាស្បែកនោះគឺការផ្តល់សំណើម និងស្រូបយកពីផលិតផលដែលអាចជួសជុលស្ងួតបានយ៉ាងឆាប់រហ័ស និងចិញ្ចឹមស្បែកដែលហត់នឿយ វាថែមទាំងស្រាល ទន់ និងងាយស្រូប ហើយសាកសមសម្រាប់គ្រប់ប្រភេទស្បែក។

២ ជាមិត្តរបស់ម៉ាកទឹកអប់ Bvlgari

Kim Ji-won ក៏ជាមិត្តភ័ក្តិម៉ាកយីហោដ៏សំខាន់មួយរបស់ទឹកអប់ Bvlgari បន្ទាប់ពីមានទំនាក់ទំនងជាមួយនឹងគ្រឿងអលង្ការ Bvlgari នាងក៏បានចូលរួមក្នុងព្រឹត្តិការណ៍ចេញលក់ទឹកអប់ Bvlgari Allegra ក្នុងនាមជាម៉ាកមិត្តភ័ក្ដិនៅពេលនោះដែរ។ នាងបានស្លៀករ៉ូបពណ៌ផ្កាឈូកទាក់ទាញចំណាប់អារម្មណ៍អ្នករាល់គ្នាជាពិសេអ្នកគាំទ្ររបស់នាងផ្ទាល់តែម្ដង។

៣ Dior, Celine, Burberry ទាំងអស់នេះសុទ្ធតែមករកនាង

Kim Ji-won គឺស្ទើរតែជាទីពេញចិត្តរបស់ហាងនានា ដែលបច្ចុប្បន្ននាងកំពុងស្លៀកសំលៀកបំពាក់ពីម៉ាកល្បីៗជាច្រើន ដើម្បីចូលរួមព្រឹត្តិការណ៍នានា ខណៈដែលមិត្តភ័ក្តិរបស់ម៉ាកល្បីៗជាច្រើនដូចជា Dior, Celine និង Burberry សុទ្ធតែបានរក្សាទំនាក់ទំនងម៉ូដសម្លៀកបំពាក់ដ៏ល្អជាមួយនាងផងដែរ។