ជីវិតកម្សាន្ដ

លោក ហេង ឡុង ស្នើអ្នកសិល្បៈផ្អាកការជួបជុំហើយត្រូវសហការជាមួយក្រសួងបើមានប្រវត្តិពាក់ព័ន្ធអ្នកឆ្លងកូវីដ-១៩

បានផុស

៥ years មុន

នៅ

ថ្ងៃពុធ ១០ មីនា ២០២១

ដោយ

លោក ហេង ឡុង ប្រធានសមាគមមិត្តសិល្បៈស្ម័គ្រចិត្តជួយសង្គមបានប្រកាសអំពាវនាវស្នើដល់អ្នកសិល្បៈខ្មែរទាំងអស់ឲ្យបង្កើនការប្រុងប្រយ័ត្ននិងចូលរួមសហការជាមួយក្រសួងសុខាភិបាលក្នុងករណីធ្លាប់មានប្រវត្តិជួបពាក់ព័ន្ធអ្នកឆ្លងជំងឺកូវីដ-១៩។

ការប្រកាសអំពាវនាវរបស់លោក ហេង ឡុង នេះបានធ្វើឡើងស្របពេលដែលមានតារាចម្រៀង,ផលិតករ ,ពិធីការិនីខ្មែរប្រមាណ៤រូបដែលរកឃើញឆ្លងជំងឺកូវីដ-១៩គិតត្រឹមថ្ងៃទី១០ខែមីនាឆ្នាំ២០២១នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ហេង ឡុង បានលើកឡើងថា ខ្ញុំសូមសំណូមពរដល់អ្នកសិល្បៈទាំងអស់ត្រូវកាត់បន្ថយការជួបជុំដែលមានការចូលរួមលើសពី២០នាក់ឡើងទៅ។

លោក ហេង ឡុង បានអំពាវដូច្នេះថា សូមណូមពរបងប្អូនសិល្បៈផ្អាកឬចូលរួមកម្មវិធីនានាដែលលើសពី២០រូបឡើងទៅ។ សូមបញ្ជាក់ថាគិតមកទល់ថ្ងៃទី១០ ខែមីនា ឆ្នាំ២០២១នេះមានអ្នកសិល្បៈ៤រូបដែលឆ្លងជំងឺកូវីដ-១៩។

អ្នកសិល្បៈទាំង៤រូបនោះរួមមាន,តារាចម្រៀងប្រុសលោក ណុប បាយ៉ារិទ្ធ ,ពិធីការិនីអ្នកនាង កែវចន្ទនិមល ,ផលិតករលោក ទីតូ និងកញ្ញា វី ឌីណែត កូនស្រីបង្កើតតារាចម្រៀងជើងចាស់លោក ហូ ឡាវី ដែលទើបតេស្តឃើញកូវីដ-១៩នៅថ្ងៃនេះផងដែរ៕

អត្ថបទ ៖ ចាន់រ៉ា