តារាកូរ៉េល្បីៗទាំងនេះ ត្រូវហ្វេនស្អប់ ព្រោះតែរឿងតូចតាច

ជាការពិតណាស់ យើងដឹងហើយថា មហាជននៅកូរ៉េខាងត្បូង មានឥទ្ធិពលខ្លាំងណាស់​ ទៅលើអាជីពជាតារា មិនថាតារាសម្ដែង ឬតារា Kpop នោះទេ បើសិនជាតារាល្បីខ្លាំងផងនោះ ធ្វើអ្វីមួយត្រូវគិតឲ្យបានវែងឆ្ងាយ ពុំដូចនោះទេ នឹងត្រូវមហាជនកូរ៉េស្អប់ តាមវាយប្រហារ រហូតដល់គ្មានមុខ គ្មានមាត់ក្នុងទីសាធារណៈទៀតផង។

មិនតែប៉ុណ្នោះ នៅពេលតារាប្រុសស្រីណាម្នាក់ ដែលធ្លាប់ធ្វើអ្វីប៉ះពាល់ចិត្តរបស់ពួកគេ​ ដូចជា តារាស្រីណាម្នាក់​ទៅស្និទស្នាលនឹងតារាប្រុសម្នាក់ទៀតដែលកំពុងតែល្បីមានរូបរាងស្អាត​សង្ហារនោះ ភាគច្រើនតារាស្រីនឹងត្រូវបានអ្នកគាំទ្រកូរ៉េស្អប់ និងតាមវាយប្រហារនៅពេលនាងមានចំណុចខ្វះខាតណាមួយកើតឡើង។

ជួនកាល ហេតុផលនៃការស្អប់របស់មហាជន ពិតជាពិបាកទទួលយកណាស់ សម្រាប់មនុស្សសាមញ្ញ វាជារឿងធម្មតាទៅហើយ ប៉ុន្ដែបើជាតារាល្បីនោះ បែរជាត្រូវគេស្អប់ ពេលខ្លះ ធ្លាប់តែមានអ្នកគាំទ្រច្រើន តែមានចំណុចខ្វះខាតតែបន្ដិច បែរជាអ្នកគាំទ្រនេះហើយ បែរខ្នងដាក់ ឬដល់ថ្នាក់ជេរប្រមាថទៀតផង។

តារាកូរ៉េទាំង៥រូបខាងក្រោមនេះ ត្រូវបានមហាជនកូរ៉េស្អប់ ដោយហេតុផលមិនគួរឲ្យជឿ៖

១. តារាសម្ដែងស្រី Gong Hyo Jin

តួឯកស្រី ជើងចាស់រូបនេះ ត្រូវបានអ្នកគាំទ្រវាយប្រហារ ដោយគ្រាន់តែរូបមួយសន្លឹក ឈរកាន់ដៃជាមួយ តារាប្រុស Kang Ha Neul ដែលអ្នកទាំងពីរមានអាយុខុសគ្នាច្រើនឆ្នាំ។

២. Han Sohee

មូលហេតុដែលមហាជននាំគ្នាមិនពេញចិត្តទៅកាន់ Han Sohee ក៏ព្រោះតែនាងមានស្នាមសាក់ទៅលើខ្លួន ហើយថែមទាំងជក់បារី ផឹកស្រា នៅទីសាធារណៈ ចរិតលក្ខណៈបែបមិនខ្វល់ខ្វាយពីអ្នកដ៏ទៃនេះ ហើយបានធ្វើឲ្យមនុស្សជាច្រើននៅកូរ៉េមិនចូលចិត្តនាង។

៣. តារាសម្ដែងប្រុស Kang Dong Won

តារាប្រុសរូបនេះ មានរូបសម្បត្តិស្រស់សង្ហារ តាំងពីចាប់ផ្ដើមការងារសិល្បៈមក លោកតែងតែត្រូវបានគេសរសើរអំពីមុខមាត់ដ៏មានមន្ដស្នេហ៍របស់លោក។ ប៉ុន្ដែ នៅក្នុងកម្មវិធិសន្និសីទកាសែតមួយ Kang Dong Won ត្រូវបានមហាជនរិះគន់យ៉ាងចាស់ដៃ ទៅលើការស្លៀកពាក់ថា ចាស់កម្រិល មិនចេះតែងខ្លួន។

៤. Jang Geun Suk

មិនខុសពីតារាប្រុស Kang Dong Won ប៉ុន្មានដែរ តារាសម្ដែងប្រុស Geun Suk ធ្លាប់ជាប់រហ័សនាមជា ព្រះអង្គម្ចាស់នៃអាស៊ី ព្រោះតែរូបសម្រស់ដ៏សង្ហាររបស់លោក ប៉ុន្ដែបន្ទាប់ពីបាត់មុខពីសិល្បៈអស់រយៈពេល៥ឆ្នាំ ពេលត្រឡប់មកវិញ ត្រូវបានមហាជនប្រែជាស្អប់វិញ ក៏ព្រោះតែលោកប្រែសម្រស់ ឡើងទម្ងន់ និងចាស់ជាងមុន។

៥. តារាសម្ដែង​កូនក្មេង Lee Ro Eun
បើនិយាយដល់មូលហេតុនៃការស្អប់មិនសមហេតុផលនោះ មិនរំលង Lee Ro Eun ដែលនាងបានសម្ដែងជាតួអង្គក្មេងស្រីវ័យ២ឆ្នាំ នៅក្នុងរឿង The World of the Married។

ប៉ុន្ដែមហាជនកូរ៉េមិនលើកលែងសូម្បីតែក្មេង​ ពួកគេបានរិះគន់យ៉ាងចាស់ដៃទៅលើក្មេងស្រីរូបនេះ ដោយហេតុថា រូបរាងនាងមិនសមសម្ដែងជាក្មេងអាយុ ២ឆ្នាំ ហើយតាមខមិនស្អប់ទៅលើរូបនាង រហូតដល់ថ្នាក់ ឪពុកម្ដាយ របស់ Lee Ro Eun បង្ហោះសារជាសាធារណៈសុំកុំឲ្យរញ៉េរញ៉ៃនឹងជីវិតរូបនាងទៀត៕