ជីវិតកម្សាន្ដ

លោក សុះ ម៉ាច រំលឹកអនុស្សាវរីយ៍មិត្តរួមសិល្បៈ អំឡុងឆ្នាំ ១៩៩២ លោក ផាន សុផាត

បានផុស

១ year មុន

នៅ

ថ្ងៃព្រហស្បតិ៍ ៣១ តុលា ២០២៤

ដោយ

តារាចម្រៀងលោក សុះ ម៉ាច បានរម្លឹកអនុស្សាវរីយ៍ជាមួយមិត្តភក្តិរួមអាជីពសិល្បៈអំឡុងឆ្នាំ១៩៩១-១៩៩២ បន្ទាប់ពីបែកគ្នាមួយរយៈពេល ខណៈបច្ចុប្បន្នលោក ផាន សុផាត នៅបន្តអាជីពជាអ្នកចម្រៀងនៅតាមហាងរាត្រីដូចគ្នា។

តារាចម្រៀងលោក សុះ ម៉ាច បានរៀបរាប់ខ្លឹមសារថា ខានជួបគ្នាយូរមកហើយមិត្តភក្តិសិល្បៈរួមជំនាន់នឹកស្រមៃទៅកាន់កាលឆ្នាំ១៩៩១-១៩៩២ លោក ផាន សុផាត ច្រៀងនៅរង្គសាលចតុមុខលើដងទន្លេរខ្ញុំច្រៀងនៅរង្គសាលទឹករាំផ្ការាំបាក់ទូក និងបារសុវណ្ណបុរីថ្មីមុខស្តាតអូឡាំពិកជាមួយក្រុមតន្ត្រីស្រ្តីៗវៀតណាម។

តារាចម្រៀងជើងចាស់លោក សុះ ម៉ាច បាននិយាយបន្តទៀតថា ពេលនេះវ័យជ្រេអស់ហើយ តែក៏នៅតែមិនឆ្ងាយពីសិល្បៈដែរ សព្វថ្ងៃលោក ផាន សុផាត ច្រៀងនៅប្រាយស្តាសែនសុខ ចំណែកលោកច្រៀងនៅដៃអូន១ និង២ ទួលពង្រ និងបឹងបៃតង។ ពួកយើងចាស់មែនតែសំឡេងក៏មិនទាន់បាត់បង់នៅឡើយដែរ។

បន្ថែមពីលើនេះលោក សុះ ម៉ាច លើកឡើងថាបើត្រូវការពួកខ្ញុំក៏អាចបម្រើអារម្មណ៍លោកអ្នកតាមសំនៀងចម្រៀងផងដែរ។ គួរបញ្ជាក់ថាលោក សុះ ម៉ាច កន្លងមកជាអតតីប្រធានសមាគមសិល្បករខ្មែរ ២ អាណត្តិ និងតារាចម្រៀងជើងចាស់ដ៏មានប្រជាប្រិយភាពរហូតមកដល់ពេលបច្ចុប្បន្ន។ លោក សុះ ម៉ាច បានជាប់ឈាមជ័រជាអ្នកសិល្បៈ ព្រោះលោកគឺត្រូវជាកូនប្រុសបង្កើតរបស់លោកតា សុះ ម៉ាត់ តារាចម្រៀងល្បី និងសម្បូរស្នេហ៍ក្នុងទសវត្សរ៍ឆ្នាំ៦០-៧០៕

អត្ថបទ៖ ចាន់រ៉ា