Big Bang ឡើងអង្រួនលើឆាក ​MAMA សារជាថ្មីធ្វើឲ្យហ្វេននឹកដល់ Kpop ជំនាន់មុន

កាលពីថ្ងៃទី២៣កន្លងទៅថ្មីៗនេះ កម្មវិធីចែកពានរង្វាន់ Kpop ដ៏ល្បីល្បាញ MAMA 2024​ បានប្រារព្ធឡើងនៅឯប្រទេសជប៉ុន ដែលត្រូវបានចូលរួមដោយតារាចម្រៀងកូរ៉េល្បីៗជាច្រើនរូប។ នៅក្នុងនោះ ឆ្នាំនេះ មានការប្លែកអារម្មណ៍ ដោយសារ ក្រុម Big Bang បានត្រឡប់មកវិញ ហើយសម្ដែងនៅលើឆាកដ៏ធំមួយនេះសារជាថ្មី។

បន្ទាប់បាត់មុខពីសិល្បៈរាប់ឆ្នាំ ជាមួយនឹងការឆ្លងកាត់រឿងរ៉ាវអាស្រូវរាប់មិនអស់ សមាជិកដែលនៅសល់ក្នុងក្រុម Big Bang គឺមាន៣នាក់ Taeyang, Daesung និង G-Dragon ដែលជាមេក្រុម។ ចំពោះការត្រឡប់មកវិញម្ដងនេះ លើឆាកធំ Big Bang បានច្រៀងចម្រៀងល្បីៗរបស់ខ្លួនកាលពីជំនាន់មុន ដូចជា Bang Bang Bang និង Fantastic Baby និងចម្រៀងចាស់ៗជាច្រើនបទទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការសម្ដែងដ៏អស្ចារ្យរបស់សមាជិកទាំង៣នៃក្រុម Big Bang បានធ្វើឲ្យកក្រើកឆាកតន្ត្រី មិនតែប៉ុណ្ណោះ ក៏បានធ្វើឲ្យអ្នកគាំទ្ររំលឹកទៅដល់ការសម្ដែងលើឆាកតន្ត្រីរបស់ក្រុមនេះ កាលពីប៉ុន្មានឆ្នាំមុន ដែលមានសមាជិកទាំងអស់៥នាក់។ យ៉ាងណាមិញ គេក៏បាននឹកឃើញនូវតារា Kpop ជំនាន់មុនផងដែរ ដែលបច្ចុប្បន្នក្រុមជាច្រើនបានបាត់មុខពីសិល្បៈអស់ទៅហើយ។

យ៉ាងណាមិញ អ្វីដែលហ្វេននឹកជាងគេនោះគឺ TOP ដែលជាអតីតសមាជិកក្រុម Big Bang ដែលលោកបានចាកចេញពីក្រុម ដើម្បីហក់ចូលវិស័យសម្ដែងវិញ។ លើសពីនោះ អ្នកគាំទ្ររំភើបជាខ្លាំង នៅពេលបានឮសម្លេង TOP នៅក្នុងចម្រៀង ដោយសមាជិកក្រុម មិនបានដកសម្លេងរូបលោកចេញពីចម្រៀងនោះឡើយ។

ចំណែកឯ ការត្រឡប់មកវិញលើកនេះ របស់ Big Bang គឺជាជោគជ័យមួយដ៏ធំ ដោយសារតែអ្នកគាំទ្រនៅតែបង្ហាញការស្រឡាញ់គាំទ្រ និង នឹករលឹកទៅកាន់ពួកគេ ចាត់ទុកជា King Of Kpop ដ៏ដែល៕