ពេជ្រ សូលីកា ថា ក្រោយភាពរឹងមាំ ក៏កាន់តែក ណ្តោចកណ្តែង និងទឹកភ្នែករាប់មិនអស់

ជាការពិតតារាចម្រៀង ពេជ្រ សូលីកា ត្រវអ្នកគាំទ្រកត់សម្គាល់ថាកន្លងមក នាងបានឆ្លងកាត់ជីវិតដ៏លំបាកនិងការតស៊ូជាច្រើន ដែលបានបង្រៀងឲ្យនាងកាន់តែមានភាពរឹងមាំសម្រាប់ជីវិត។ លើសពីនេះពេជ្រ សូលីកា សព្វថ្ងៃក៏បានបំពេញតួនាទីយ៉ាងល្អក្នុងការមើលថែរក្សាកូនថ្វីត្បិតនាងក្លាយជាស្រ្តីមេម៉ាយក្នុងពេលប៉ុន្មានឆ្នាំមកនេះ។

ឆ្លងកាត់រឿងរ៉ាវជីវិតលំបាកមួយចំនួនទើបតារាចម្រៀង ពេជ្រ សូលីកា ត្រូវបានគេចាត់ទុកដែរថានាងជាស្រ្តី មេម៉ាយដែលមានភាពរឹងមាំគ្រប់ជំហ៊ាន ទោះបីកន្លងមក តារាស្រីរូបនេះមានបញ្ហាប្រឈមមុខជាច្រើនស្ទើររាប់មិនអស់ផងដែរ ខណ:មុននេះអ្នកនាង ពេជ្រ សូលីកា បានបង្ហើបមកថា នៅពីក្រោយភាពរឹងមាំក៏កាន់តែកណ្តោចកណ្តែងនិងទឹកភ្នែករាប់មិនអស់។

អ្នកនាង ពេជ្រ សូលីកា បានបញ្ជាក់ខ្លឹមសារថា”នាងកាន់តែរឹងមាំនាងកាន់តែកណ្តោចកណ្តែងតែនាងមិនទន់ជ្រាយនោះទេ” ។ តាមរយ:ការលើកឡើងដូច្នេះក៏មានអ្នកគាំទ្រព្រមទាំងមិត្តភក្តិនៅក្នុងបណ្តាញសង្គ មហ្វេសប៊ុកមួយចំនួនបានបង្ហាញការលើកទឹកចិត្តដ ល់នាងនិងសរសើរថាជាអ្នកម្តាយដែលរឹងមាំខំតស៊ូររាល់ការលំបាកដើម្បីកូនជាទីស្រលាញ់របស់ខ្លួន។

ទោះបី ពេជ្រ សូលីកា អំឡុងមួយរយ:ចុងក្រោយនេះ បានជួបប្រទះនូវរឿងរ៉ាវមិនសប្បាយចិត្តលើខ្សែរជីវិត
ប៉ុន្តែក្តីសង្ឃឹមរបស់នាង បានបង្ហាញពីភាពជឿជាក់ជានិច្ចលើវិថីជីវិតរស់នៅចិញ្ចឹមកូន។ អ្នកនាង សូលីកា បច្ចុប្បន្នក៏គេ​សង្កេត​ឃើញ​ថា អ្នកម្ដាយ Single រូបនេះបានរលាស់ខ្លួនចេញពីបញ្ហាមួយចំនួនដោយភាពរឹងមាំ។

គេនៅចាំបានថាកាលពីកន្លងទៅអ្នកនាងពេជ្រ សូលីកា ធ្លាប់បានបង្ហើបឲ្យដឹងដូច្នេះថានៅពីក្រោយភាពរឹងមាំមនុស្សម្នាក់ៗ តែងតែមានស្នាមរបួសជាច្រើន ដែលយើងមើលមិនឃើញហើយសម្រាប់ស្នាមរបួសទាំងអស់ នោះវាក៏បង្រៀនយើងឲ្យចេះស្គាល់ពីមនុស្សកាន់តែច្បាស់ដូចគ្នា៕ អត្ថបទ៖ ចាន់រ៉ា