Rith Omega វិលផ្តើមអាជីពចាស់វិញ និងសន្យាដោះស្រាយជាមួយម្ចាស់បំណុល ម្តងម្នាក់ៗ តាមដំណាក់កាល

អតីផលិតករ លោក ឃុន ធារិទ្ធិ ឬ Rith Omega កន្លងមក បានបាត់ខ្លួនពីអាជីពសិល្ប:មួយរយ: ក្រោយផ្ទុះរឿងរ៉ាវនៃការជំពាក់បំណុលច្រើនម៉ឺនដុល្លារ ខណ:ជារឿយៗតែងឃើញមានម្ចាស់បំណុលបង្ហោះស្វែងរកឱ្យចូលខ្លួនដោះស្រាយផងដែរ។

ទោះបីជាយ៉ាងណា បន្ទាប់ពីសំ​ងំលាក់ខ្លួនមួយរយ:ពេល លោក ឃុន ធារិទ្ធិ បានបង្ហាញមុខជាថ្មី និងប្រកាសថា លោកនឹងវិលមកចាប់ផ្តើមអាជីពចាស់ឡើងវិញ ហើយថែមទាំងសន្យាដោះស្រាយរា ល់បញ្ហាបំណុលសងទៅម្ចាស់ដើមទៅតាមលទ្ធភាពជាដំណាក់កាលផងដែរ។

លោក Rith Omega បានបញ្ជាក់ថា “សុំទោសម្ចាស់បំណុលទាំងអស់របស់ខ្ញុំ ដែលកន្លងមកខ្ញុំធ្វេីឱ្យអ្នកទាំងអស់គ្នាពិបាកដោយសារខ្ញុំ ព្រោះតែខ្ញុំក៏ត្រូវជួបបញ្ហាភ្លាមៗអស់រយៈពេល​ ៨ខែ​ ដែលជីវិតខ្ញុំធ្លាក់ក្នុងភពដ៏ងងឹត ពេលនេះខ្ញុំបានត្រឡប់មកវិញ ហេីយត្រឡប់មកដោះស្រាយគ្រប់បញ្ហាបំណុល ដែលខ្ញុំបានជំពាក់អ្នកទាំងអស់គ្នា តាមដំណាក់កាល ម្តងម្នាក់ៗ ​រហូតទាល់តែអស់”។

លោក Rith Omega និយាយទៀតថា ប៉ុន្តែលោកសុំពេលអ្នកទាំងអស់គ្នាមួយរយ:ដេីម្បីឱ្យលោកងេីបឈរឡេីងវិញ និងបានរៀបចំការងារឡេីងវិញសិន​ រៀបចំស្ថានភាពជីវិតឡេីងវិញសិន។ លោកបន្តថាខ្លួននឹងត្រឡប់មកធ្វេីការផ្នែកខាងផលិត​MV ,Short film , Artists MManagerជាបន្តដេីម្បីបានចំណូល​ ដោះស្រាយសងម្ចាស់បំណុលដែលលោកធ្លាប់បានជំពាក់កន្លងមក៕ អត្ថបទ៖​ ចាន់រ៉ា