ផ្ទុះការវែកញែក! ក្រោយនារីម្នាក់ទម្លាយថា តារាចម្រៀងល្បីមួយរូប ចម្លងជំងឺឱ្យ ខណៈមានការស្នើឱ្យម្ខាងទៀតចេញមុខបកស្រាយ

នារីម្នាក់ឈ្មោះ កុល ធីតា បានលាតត្រដាងពីជំងឺរបស់ខ្លួន ដែលឈានដល់ដំណាក់កាលវះកាត់ ព្រោះឆ្លងពីតារាជួរមុខម្នាក់ បន្ទាប់ពីនាងនិងតារារូបនោះបានរួមភេទជាមួយគ្នា។ យ៉ាងណាមិញ ជុំវិញរឿងនេះ នាងមិនបានបញ្ជាក់អ្វីជាក់លាក់ទាក់ទងនឹងជំងឺ ក៏ដូចជាតារាប្រុសដែលនាងបានចោទនោះឡើយ ត្រឹមតែទម្លាយសារឆ្លងឆ្លើយជាមួយគ្នាប៉ុណ្ណោះ។

តាមរយៈគណនី Thida Kol បានរៀបរាប់ថា ៖ «ការផុសមួយនេះផ្តាំទៅដល់តារាចម្រៀងម្នាក់ដែលល្បីជួរមុខ នៅក្នុងសង្គមម្នាក់ អ្នកឯងមានជំងឺហើយកុំដើរចម្លងគេពាសវាលពាសកាលអ៊ីចឹងអី ទៅពេទ្យព្យាបាលទៅ ប្រហែលខ្ញុំមិនមែនជា មនុស្សទីមួយទេ ដែលអ្នកឯងចម្លងឱ្យ សូមកុំដើរបោកប្រាប់អ្នកផ្សេងដែលគេមិនដឹងអីគេហៅអ្នកឯង Idol មិនមែនគេ ចង់រួមភេទជាមួយអ្នកឯងទេ តែមកពីគេស្រឡាញ់ចូលចិត្តអ្នកឯង កុំយកភាពល្បីរបស់អ្នកឯងដើរធ្វើបែបនឹងទៀត ឬក៏គិតថាស៊ីគេចោលហើយ ឡូយ? ឥឡូវជំងឺដែលខ្ញុំឆ្លងពីអ្នកឯងដល់ដំណាក់កាលវះកាត់ហើយ»។

ក្រោយផ្ទុះឡើងនៃរឿងនេះ មហាជនក៏ដូចជាអ្នកសិល្បៈជាច្រើន មានការភ្ញាក់ផ្អើល និងស្នើដល់សាមុីខ្លួនទាំងសងខាង ថា “បើជាការពិត ម្នាក់គួរប្តឹង ឯម្នាក់ទៀតត្រូវបកស្រាយនិងបញ្ឈប់ការចម្លងទៅកាន់អ្នកមិនដឹងអី”។ ឯអ្នកមួយចំនួនធំ ក៏បានទទូចឱ្យម្ខាងទៀត ដែលនារីរូបនេះមិនទាន់បង្ហាញមុខច្បាស់ៗ ឆាប់ចេញមកបកស្រាយផង ដើម្បីបញ្ចប់រឿងរ៉ាវ ក៏ដូចជាទទួលខុសត្រូវ បើសិនជាការពិត។

ជុំវិញរឿងរ៉ាវនេះ អតីត Miss Grand Cambodia 2024 ធី គន្ធា បានផ្តាំទៅកាន់ភាគីនារីដែលបញ្ជាក់ថា ខ្លួនជាជនរងគ្រោះថា បើសិនរឿងនោះជាការពិត កុំខ្លាចក្នុងការបើកបង្ហាញការពិត និងគួរប្តឹងដើម្បីបានយុត្តិធម៌។ ទន្ទឹមនេះ កញ្ញាក៏ផ្តាំទៅតារាប្រុសមួយចំនួនដែរថា ក្នុងនាមជាអ្នកសិល្បៈ មុនធ្វើអ្វី ត្រូវគិតគូរឱ្យច្បាស់ ដើម្បីជៀសវាងសាធារណជន មើលមកអ្នកសិល្បៈ គឺសម្បូរតែរឿងអាស្រូវ។