ជីវិតកម្សាន្ដ

រកឃើញសពបវរកញ្ញា ហ្វីលីពីន ម្នាក់ ក្រោយត្រូវក្រុមប្រដាប់អាវុធចាប់ពង្រត់

បានផុស

៩ ខែ មុន

នៅ

ថ្ងៃពុធ ១៣ សីហា ២០២៥

ដោយ

អាជ្ញាធរក្នុងតំបន់បានបញ្ជាក់ពីការរកឃើញសាកសពរបស់រាជនីសម្រស់ Acquene Arradaza ដែលបានឈ្នះការប្រលងបវរកញ្ញា Matag-ob កាលពីឆ្នាំ ២០១២ បន្ទាប់ពីនាងត្រូចាប់ពង្រត់ដោយជនប្រដាប់អាវុធមិនស្គាល់អត្តសញ្ញាណបីនាក់នោះ។

យោងតាមកាសែត The Manila Times សាកសពរបស់រាជនីសម្រស់រូបនេះ ត្រូវបានគេប្រទះឃើញអណ្តែតនៅឆ្នេរសមុទ្រ Leyte ប្រទេសហ្វីលីពីន។

Arradaza ត្រូវបានគេឃើញចុងក្រោយនៅព្រឹកថ្ងៃទី ៣១ ខែកក្កដានៅទីក្រុង Ormoc ជាកន្លែងដែលនាងត្រូវបានចាប់ខ្លួនដោយជនសង្ស័យ។ ប្អូនស្រីរបស់នាង Patricia បានរាយការណ៍ពីការចាប់ពង្រត់ទៅប៉ុស្តិ៍ប៉ូលីសក្រុង Ormoc នៅថ្ងៃទី ៤ ខែសីហា វេលាម៉ោងប្រហែល ៨ ព្រឹក។

យោងតាមរបាយការណ៍របស់សមត្ថកិច្ច ជនសង្ស័យស្លៀកពាក់ខោជើងវែងពណ៌ខ្មៅ អាវយឺតដៃវែង និងមួកសុវត្ថិភាព បានអូសអារ៉ាដាហ្សា ចូលរថយន្តតូយ៉ូតា វីហ្គោ ពណ៌ខ្មៅ ពាក់ស្លាកលេខ ១៧៩៩ ហើយរថយន្តបានរត់គេចខ្លួនភ្លាមៗ ធ្វើដំណើរឆ្ពោះទៅកាន់កាណាកា ខណ្ឌឡីតេ។ វីដេអូ CCTV ក្រោយមកបានបញ្ជាក់ថា រថយន្តដូចគ្នានេះត្រូវបានគេឃើញធ្វើដំណើរឆ្ពោះទៅទីក្រុង Tacloban ភ្លាមៗបន្ទាប់ពីកើតហេតុ។ អាជ្ញាធរជឿថា ការវាយប្រហារត្រូវបានកំណត់គោលដៅ និងរៀបចំទុកជាមុន។

Patriciaដែលជាប្អូនស្រីក៏បានលាតត្រដាងដែរថា បងស្រីរបស់នាងបានទាក់ទងជាមួយបុរសម្នាក់ឈ្មោះ Pay-ap Drilon ជាអ្នកស្រុកបារ៉ាងហ្គាដដែលនៅព្រឹកថ្ងៃចាប់ពង្រត់។ ពេលនេះអាជ្ញាធរកំពុងធ្វើការតាមដានតាមចាប់ជនដែលទទួលខុសត្រូវលើការចាប់ពង្រត់និងស្លាប់របស់នាង៕

អត្ថបទ៖ សាង ស្រីល័ក្ខ

ចុចអាន៖ប៉ូលិសស៊ើបអង្កេត G-Dragon និង Yang Hyun Suk ក្រោមការចោទប្រកាន់ រំលោភសិទ្ធិអ្នកនិពន្ធ