ព័ត៌មានអន្ដរជាតិ
ត្រាំ និង ហ្សេលេនស្គី ជជែកគ្នាតាមទូរសព្ទអំពីមីស៊ីល Tomahawk ដើម្បីបញ្ចប់សង្គ្រាមនៅអ៊ុយក្រែន
ប្រធានាធិបតីអាមេរិកលោក ដូណាល់ ត្រាំ និងប្រធានាធិបតីអ៊ុយក្រែនលោក វ៉ូឡូឌីមៀរ ហ្សេលេនស្គី បានពិភាក្សាគ្នាតាមទូរសព្ទកាលពីថ្ងៃសៅរ៍ទី១១ខែតុលា អំពីវិធីបញ្ចប់ការឈ្លានពានរបស់រុស្ស៊ី ដោយក្នុងនោះការផ្គត់ផ្គង់មីស៊ីល Tomahawk របស់ក្រុងវ៉ាស៊ីនតោនដល់អ៊ុយក្រែន ហាក់ទំនងជាអាចកើតមានឡើង។
លោក ហ្សេលេនស្គី បានពណ៌នាការសន្ទនានេះថា«វិជ្ជមាន និងផលិតភាព» ដោយនិយាយថា មេដឹកនាំទាំងពីរបានជជែកអំពីការពង្រឹងការការពារដែនអាកាសរបស់អ៊ុយក្រែន និងធានាបាននូវ «កិច្ចព្រមព្រៀងជាក់លាក់»មួយចំនួន ដើម្បីបង្កើនកិច្ចសហប្រតិបត្តិការ។
មេដឹកនាំអ៊ុយក្រែន បានសរសេរនៅលើបណ្ដាញសង្គម X ថា «យើងបានពិភាក្សាអំពីឱកាសក្នុងការពង្រឹងការការពារដែនអាកាសរបស់យើង»។
លោកបានបន្ថែមថា ទីក្រុងកៀវបានទទួល«សញ្ញាចាំបាច់» ដែលថា សហរដ្ឋអាមេរិកកំពុងពិចារណាយ៉ាងយកចិត្តទុកដាក់លើការពង្រីកជំនួយយោធា។
យោងតាមអ្នកនាំពាក្យក្រសួងការបរទេសអ៊ុយក្រែនលោក Heorhii Tykhyi ការពិភាក្សាអំពីការផ្តល់ Tomahawk ដែលជាមីស៊ីលរយៈចម្ងាយឆ្ងាយរហូតដល់១៥០០ម៉ាយ កំពុងដំណើរការយ៉ាងល្អ ដោយមានការសម្របសម្រួលបច្ចេកទេសរួចហើយ។
មីស៊ីល Tomahawk ត្រូវបានគេមើលឃើញថាជាឧបករណ៍ផ្លាស់ប្តូរដ៏មានសក្តានុពលសម្រាប់អ៊ុយក្រែន ដែលមានសមត្ថភាពវាយប្រហារយ៉ាងជ្រៅទៅក្នុងទឹកដីរុស្ស៊ី រួមទាំងទីក្រុងមូស្គូផងដែរ ជាមួយនឹងភាពត្រឹមត្រូវខ្ពស់។ អ្នកវិភាគនិយាយថា ទង្វើបែបនេះនឹងបង្កើនសម្ពាធយ៉ាងខ្លាំងលើវិមានក្រឹមឡាំង ដើម្បីពិចារណាការចរចាសន្តិភាព។
លោក ហ្សេលេនស្គី ត្រូវបានគេរាយការណ៍ថាបានស្នើសុំមីស៊ីលក្នុងអំឡុងពេលកិច្ចប្រជុំឯកជនជាមួយលោក ត្រាំ នៅឯអង្គការសហប្រជាជាតិកាលពីខែមុន។ រដ្ឋបាលពីមុនរបស់អតីតប្រធានាធិបតីអាមេរិកលោក ចូ បៃដិន ធ្លាប់បានច្រានចោលការអំពាវនាវស្រដៀងគ្នានេះរបស់អ៊ុយក្រែន។
លោក ត្រាំ បាននិយាយកាលពីដើមសប្តាហ៍នេះថា លោកបានធ្វើការសម្រេចចិត្តរួចរាល់ហើយអំពីថាតើត្រូវបញ្ជូនមីស៊ីលឬក៏អត់ ប៉ុន្តែលោកចង់បានការធានាថា ការប្រើប្រាស់របស់ពួកវានឹងមិនធ្វើឲ្យសង្រ្គាមកើនឡើងនោះឡើយ។
ទីក្រុងមូស្គូបានចេញប្រតិកម្មយ៉ាងខ្លាំងចំពោះរបាយការណ៍ ដោយព្រមានថា ខ្លួននឹងបាញ់ទម្លាក់មីស៊ីល Tomahawk ណាដែលផ្គត់ផ្គង់ដល់អ៊ុយក្រែន និងថែមទាំងកំណត់គោលដៅបាញ់បង្ហោះរបស់ពួកវា។
លោក ហ្សេលេនស្គី បានប្រាប់អ្នកសារព័ត៌មានក្នុងទីក្រុងកៀវថា ប្រសិនបើអ៊ុយក្រែនទទួលបានមីស៊ីលនោះ វាអាចបង្ខំប្រធានាធិបតីរុស្ស៊ី លោក វ្ល៉ាឌីមៀរ ពូទីន ឲ្យ«ស្ងប់ស្ងាត់បន្តិច ហើយអង្គុយនៅលើតុចរចា»៕
ដោយ៖ ឈាង
-
ព័ត៌មានជាតិ២ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានជាតិ១ សប្តាហ៍ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ៧ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ៦ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ១ សប្តាហ៍ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ២៣ ម៉ោង agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
សន្តិសុខសង្គម៦ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៣ ថ្ងៃ agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន