ព័ត៌មានអន្ដរជាតិ
អ្នកចាក់វ៉ាក់សាំងគ្រប់ដូសហើយ មានឱកាសឆ្លងកូវីដ “ស្តួចស្តើងបំផុត” ពេលជួបជុំនៅក្នុងទីតាំងបិទជិត
ក្រុមអ្នកវិទ្យាសាស្ត្របានអះអាងថា ហានិភ័យដែលថា អ្នកចាក់វ៉ាក់សាំងគ្រប់២ដូសហើយត្រូវឆ្លងជំងឺកូវីដ-១៩ នៅពេលជួបជុំជាមួយមនុស្សក្នុងទីតាំងបិទជិតគឺមាន “ស្តួចស្តើងបំផុត”។
សាស្រ្តាចារ្យ Tim Spector នៃសកលវិទ្យាល័យ King’s College London ក្នុងប្រទេសអង់គ្លេស បានប្រាប់ The Telegraph ថា បន្ទាប់ពីការសិក្សារបស់យើង ឱកាសនៃការឆ្លងជំងឺនេះ ខណៈពេលនៅក្នុងទីតាំងបិទជិត ជាមួយអ្នកចាក់វ៉ាក់សាំងផ្សេងទៀតគឺមានត្រឹម ១ប៉ុណ្ណោះក្នុងចំណោម៤០០,០០០។
គិតត្រឹមរសៀលថ្ងៃសៅរ៍ ប្រជាជនអង់គ្លេសចំនួន ៣២.០១០.២៤៤នាក់ បានទទួលការចាក់វ៉ាក់សាំងដូសទី១ ចំណែក ៦.៩៩១.៣១០នាក់ បានចាក់វ៉ាក់សាំងដូសទី២។
លោកសាស្ត្រាចារ្យ Tim Spector បានពន្យល់ថា ហានិភ័យនៃការឆ្លងរោគ រវាងអ្នកចាក់វ៉ាក់សាំងពីរដូស គឺតិចជាងហានិភ័យនៃការកកើតកំណកឈាមពីវ៉ាក់សាំង AstraZeneca។
ដោយគិតត្រឹមពេលនេះ មានជនជាតិអង់គ្លេសជាង២០លាននាក់ បានទទួលវ៉ាក់សាំង Oxford-AstraZeneca ហើយនោះ មានករណីឈាមកកកម្រត្រឹម៧៩ករណី និងមានអ្នកស្លាប់ចំនួន១៩នាក់ដែលជាប់ទាក់ទងនឹងវ៉ាក់សាំង។
តួលេខនេះស្មើនឹង ១ក្នុងចំណោម២៥០,០០០នាក់ដែលកកឈាមក្រោយចាក់វ៉ាក់សាំង និង១ក្នុងចំណោមមួយលានដែលបានស្លាប់ក្រោយចាក់វ៉ាក់សាំង។
ទោះបីជាយ៉ាងណាក៏ដោយ នាយករដ្ឋមន្រ្តីលោក Boris Jonhson នាពេលថ្មីៗនេះ បានប្រាប់ថា មនុស្សពីរនាក់ដែលបានចាក់វ៉ាក់សាំងគ្រប់ដូសហើយ ក៏មិនគួរជួបគ្នាទេ ពីព្រោះវាមិនមានសុវត្ថិភាព១០០ភាគរយឡើយ។
ទីប្រឹក្សាវិទ្យាសាស្រ្តកំពូលៗរបស់រដ្ឋាភិបាលបានព្រមានថា វិធានការគម្លាតសង្គមនឹងនៅតែចាំបាច់ សម្រាប់រយៈពេលមួយឆ្នាំទៀត៕
ប្រែសម្រួលដោយ៖ Vann Vann
ប្រភព៖ Daily Mail
ចុចអាន៖ កម្ពុជាបង្ហាញអត្តសញ្ញាណ អ្នកស្ម័គ្រចិត្តចាក់វ៉ាក់សាំងកូវីដ១៩ទីមួយលាន
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត