ព័ត៌មានអន្ដរជាតិ
និស្សិតឥណ្ឌូណេស៊ីគ្រោងធ្វើបាតុកម្មទ្រង់ទ្រាយធំ ក្នុងថ្ងៃខួបកាន់តំណែងមួយឆ្នាំរបស់ប្រធានាធិបតី Prabowo
ក្រុមនិស្សិតឥណ្ឌូណេស៊ីកំពុងរៀបចំការតវ៉ាទូទាំងប្រទេស ដើម្បីប្រារព្ធខួបមួយឆ្នាំនៃការគ្រប់គ្រងរបស់ប្រធានាធិបតី Prabowo Subianto ដោយសម្តែងការខកចិត្តចំពោះគោលនយោបាយរបស់រដ្ឋាភិបាលរបស់លោក និងការកង្វះតម្លាភាព។ នេះបើយោងតាមការចេញផ្សាយរបស់ទីភ្នាក់ងារព័ត៌មាន Reuters នៅថ្ងៃទី២០ខែតុលា។
បាតុកម្មដែលរៀបចំដោយសម្ព័ន្ធនិស្សិត ត្រូវបានគេស្គាល់ថា BEM SI នឹងធ្វើឡើងនៅជិតវិមានប្រធានាធិបតីក្នុងទីក្រុងហ្សាការតាក្រោមសញ្ញា #1YearIsEnough និង #1YearOfContinuousProblems។ ក្រុមនេះបាននិយាយថា ការតវ៉ានេះមានគោលបំណងបង្ហាញពីការព្រួយបារម្ភកាន់តែខ្លាំងឡើងអំពីការដឹកនាំរបស់ឥណ្ឌូនេស៊ីក្រោមការដឹកនាំរបស់ Prabowo។
ការប្រមូលផ្តុំគ្នាតវ៉ាលើកនេះ គឺកើតឡើងបន្ទាប់ពីការតវ៉ាដោយហិង្សាក្នុងខែសីហា ជុំវិញគោលនយោបាយរបស់រដ្ឋាភិបាល និងអត្ថប្រយោជន៍របស់សមាជិកសភា។ បាតុកម្មទាំងនោះបានប្រែក្លាយទៅជាការប្រឈមមុខដ៏ធ្ងន់ធ្ងរបំផុតចំពោះលោក Prabowo ចាប់តាំងពីលោកបានឈ្នះការបោះឆ្នោតភ្លូកទឹកភ្លូកដីក្នុងឆ្នាំ ២០២៤។
អ្នកវិភាគនិយាយថា ក្នុងឆ្នាំដំបូងរបស់ប្រធានាធិបតី Prabowo សាធារណជនមិនសូវចូលរួមជាមួយការសម្រេចចិត្តរបស់រដ្ឋាភិបាលទេ ហើយរដ្ឋាភិបាលក៏មិនបើកចំហរខ្លាំងចំពោះការងាររបស់ខ្លួនដែរ។
អ្នកជំនាញផ្នែកនយោបាយ លោក Wasisto Raharjo Jati បាននិយាយថា រដ្ឋាភិបាលរបស់lok Prabowo មានបញ្ហាជាច្រើន ជាពិសេសជាមួយនឹងកម្មវិធីអាហារឥតគិតថ្លៃនៅសាលា។ កម្មវិធីនេះធ្វើឡើងក្នុងគោលបំណងជួយដល់សិស្សានុសិស្ស និងស្ត្រីមានផ្ទៃពោះដោយផ្តល់អាហារដោយមិនគិតថ្លៃ ប៉ុន្តែសិស្សជាច្រើននាក់បានធ្លាក់ខ្លួនឈឺដោយសារតែញាំអាហាររបស់កម្មវិធីនេះ ធ្វើឱ្យមានការរិះគន់ជាច្រើន។
ដើម្បីផ្តល់មូលនិធិដល់កម្មវិធីល្បីៗរបស់លោក រួមទាំងអាហារនៅសាលាឥតគិតថ្លៃ ការពិនិត្យសុខភាព និងការអប់រំសម្រាប់គ្រួសារដែលមានប្រាក់ចំណូលទាប លោក Prabowo បានកាត់បន្ថយការចំណាយ និងប្តូរទិសដៅមូលនិធិពីវិស័យរដ្ឋាភិបាលផ្សេងទៀត។ លោកក៏បានពង្រីកតួនាទីរបស់យោធានៅក្នុងកម្មវិធីស៊ីវិល ដូចជាការចែកចាយស្បៀងអាហារ និងគម្រោងកសិកម្ម ដែលជាសកម្មភាពមួយបានទាក់ទាញភាពចម្រូងចម្រាស។
ទោះបីជាមានបញ្ហាប្រឈមទាំងនេះក៏ដោយក៏លោក Prabowo បានសន្យាថានឹងជំរុញកំណើនសេដ្ឋកិច្ចរបស់ឥណ្ឌូនេស៊ីដល់ ៨% នៅឆ្នាំ ២០២៩ ហើយបានដាក់ចេញនូវកញ្ចប់ជំរុញទឹកចិត្តជាច្រើនដើម្បីជំរុញការអភិវឌ្ឍន៍។ ទោះជាយ៉ាងណាក៏ដោយ នៅឆ្នាំទី ២ របស់លោកចាប់ផ្តើម ការមិនពេញចិត្តជាសាធារណៈដែលកើនឡើងបង្ហាញថារដ្ឋាភិបាលរបស់លោកប្រឈមនឹងសម្ពាធកាន់តែខ្លាំងឡើងដើម្បីបំពេញការសន្យារបស់ខ្លួន៕
អត្ថបទ៖ ប៊ុន សុភាព
-
សេចក្ដីជូនដំណឹង៥ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៤ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៦ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៧ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៤ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៥ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ៧ ថ្ងៃ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ
-
សន្តិសុខសង្គម១ សប្តាហ៍ agoបង្ហាញមុខក្រុមជនដៃដល់សម្លាប់នារីភេទទី៣ និងអ្នកបើកតាក់ស៊ី រួចបញ្ជូនទៅកាន់តុលាការ