ព័ត៌មានអន្ដរជាតិ
វៀតណាម រកឃើញសាច់ជ្រូកឆ្លងជំងឺប៉េស្តជ្រូក ជិត៣៨តោន ត្រៀមចែកចាយទីផ្សារ
តាមរបាយការណ៍ពី vnexpress អាជ្ញាធរនៅភាគខាងជើងប្រទេសវៀតណាម កាលពីថ្ងៃទី ២២ ខែតុលា បានឃាត់ខ្លួនម្ចាស់រោងសត្តឃាតវ័យ ៦០ឆ្នាំប្លាយម្នាក់ និងកាត់ទោសពីបទរំលោភលើបទប្បញ្ញត្តិសុវត្ថិភាពចំណីអាហារ បន្ទាប់ពីអ្នកស៊ើបអង្កេតរកឃើញកន្លែងផ្ទុកសាច់ត្រជាក់ចំនួន ៥ ដែលសាច់និងស្បែកជាច្រើនប្រែពណ៌ និងមានស្នាមក្រហមជិត៣៨តោន មានមេរោគប៉េស្តជ្រូកអាហ្វ្រិក (ASF) ។
យោងតាមអ្នកស៊ើបអង្កេត ខណៈពេលដែល ASF បានរីករាលដាលពាសពេញកសិដ្ឋានក្នុងស្រុកកាលពីដើមឆ្នាំនេះ កសិករជាច្រើនបានលក់ ឬផ្តល់ឲ្យជ្រូកដែលងាប់ ឬឆ្លងមេរោគក្នុងតម្លៃទាបបំផុតដើម្បីកាត់បន្ថយការខាតបង់។ អាជីវករ និងប្រតិបត្តិកររោងសត្តឃាត រួមទាំងជនសង្ស័យ បានចោទប្រកាន់ថា ពួកគេលួចកេងចំណេញពីស្ថានការណ៍ដូចជាប្រមូលជ្រូកដែលមានជំងឺសម្លាប់ និងបង្កកសាច់ដោយសង្ឃឹមថានឹងលក់បន្តនៅពេលក្រោយដើម្បីចំណេញ។ អ្នកខ្លះថែមទាំងដឹកជ្រូកឈឺពីតំបន់ផ្ទុះមេរោគទៅតំបន់ផ្សេងទៀត ដើម្បីគេចពីការរកឃើញទៀតផង។
យ៉ាងណា ការធ្វើតេស្តដោយមន្ទីរបសុព្យាបាល បសុពេទ្យ និងជលផលខេត្ត Phu Tho បានបញ្ជាក់ថា សំណាកទាំងអស់ដែលយកចេញពីកន្លែងផ្ទុកត្រជាក់របស់ម្ចាស់ដែលជាជនសង្ស័យ បានធ្វើតេស្តវិជ្ជមានចំពោះមេរោគ ASF ទាំងអស់។
ដោយឡែក នាថ្ងៃទី ២៣ ខែតុលានេះ គណៈកម្មាធិការទីក្រុង Da Nang ឯណោះ ក៏បានឲ្យដឹងដែរថា ក្រុមការងារបង្ការជំងឺរាតត្បាតរបស់ឃុំ ទើបតែបានឃាត់រថយន្តមួយគ្រឿងដែលលួចដឹកជ្រូកចំនួន ៥៨ក្បាល សុទ្ធតែមានជំងឺប៉េស្តជ្រូកអាហ្រ្វិកដោយត្រៀមចែកចាយបន្តទៅកាន់ទីផ្សារ។
ជំងឺប៉េស្តជ្រូកអាហ្រ្វិក ដែលមានដើមកំណើតនៅទ្វីបអាហ្រ្វិក រីករាលដាលយ៉ាងឆាប់រហ័សក្នុងចំណោមជ្រូក ហើយមានអត្រាស្លាប់ជិត ១០០%។ ជំងឺនេះមិនឆ្លងដល់មនុស្សទេ ប៉ុន្តែអាចឆ្លងបានដោយសារមនុស្ស ដែលនាំឲ្យមានការរីករាលដាលយ៉ាងទូលំទូលាយ ដែលបំផ្លាញការចិញ្ចឹមជ្រូក និងគំរាមកំហែងដល់ខ្សែសង្វាក់ផ្គត់ផ្គង់អាហារ៕
អត្ថបទ៖ សាង ស្រីល័ក្ខ
ចុចអានខាងក្រោមនេះ៖
ហេតុអ្វីផលិតផលវៀតណាម ច្រើនតែសំបូរសារធាតុគីមី និងក្លែងក្លាយច្រើនជាងប្រទេសផ្សេង?
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ