ព័ត៌មានអន្ដរជាតិ
កូរ៉េខាងជើងផ្លោងមីស៊ីលពីសមុទ្រទៅដី ប៉ុន្មានម៉ោងមុនលោកត្រាំទៅដល់កូរ៉េខាងត្បូង
ត្រឹមតែប៉ុន្មានម៉ោងមុនពេលដំណើរទស្សនកិច្ចរបស់ប្រធានាធិបតីអាមេរិកលោកដូណាល់ត្រាំទៅកាន់ឧបទ្វីបកូរ៉េ រដ្ឋាភិបាលក្រុងព្យុងយ៉ាងបានបាញ់បង្ហោះមីស៊ីលជាច្រើនគ្រាប់ចេញពីសមុទ្រលឿងកាលពីថ្ងៃអង្គារទី២៨ខែតុលាឆ្នាំ២០២៥។
យោងតាមទីភ្នាក់ងារសារព័ត៌មានមជ្ឈិមកូរ៉េ (KCNA) មីស៊ីលត្រូវបានបាញ់បង្ហោះបញ្ឈរ និងហោះហើរអស់រយៈពេលជាងពីរម៉ោង ដែលជាផ្នែកនៃការធ្វើតេស្តត្រួតពិនិត្យដោយមន្ត្រីយោធាកំពូលលោក Pak Jong Chon។ KCNA បានផ្សាយថា សមយុទ្ធនេះមានគោលបំណងវាយតម្លៃ«ភាពជឿជាក់នៃមធ្យោបាយវាយលុកយុទ្ធសាស្ត្រផ្សេងៗគ្នា» និងបង្ហាញពីសមត្ថភាពរបស់ពួកគេចំពោះ«សត្រូវ»។
លោក Pak បានសាទរចំពោះការធ្វើតេស្តនេះថាជាជំហានឆ្ពោះទៅមុខមួយទៀត ក្នុងការពង្រឹងការរារាំងនុយក្លេអ៊ែររបស់ប្រទេស ដោយលើកឡើងថា វាគឺជា«បេសកកម្មប្រកបដោយការទទួលខុសត្រូវ និងកាតព្វកិច្ចរបស់កូរ៉េខាងជើង ក្នុងការពង្រឹងជំហរប្រយុទ្ធនុយក្លេអ៊ែរដោយឥតឈប់ឈរ»។
គួរកត់សម្គាល់ថា មេដឹកនាំគីម ជុងអ៊ុន បានអវត្តមានពីព្រឹត្តិការណ៍នេះ ដែលជាការសាកល្បងមីស៊ីលជាលើកទីពីរជាប់ៗគ្នា ដោយគ្មានវត្តមានរបស់គាត់។ ក្រុមអ្នកវិភាគនិយាយថា អវត្តមានរបស់លោកគីម អាចជាចេតនា មុនពេលធ្វើការទូតណាមួយជាមួយក្រុងវ៉ាស៊ីនតោន។
លោកត្រាំ ដែលកំពុងធ្វើទស្សនកិច្ចនៅឧបទ្វីបកូរ៉េក្នុងសប្តាហ៍នេះជាលើកដំបូងក្នុងអាណត្តិទីពីរ បាននិយាយថា លោកចង់ជួបលោកគីម។ ទីក្រុងព្យុងយ៉ាងមិនទាន់បានឆ្លើយតបជាសាធារណៈចំពោះការផ្តល់ជូននេះទេ ទោះបីជាលោកគីមធ្លាប់បានប្រាប់ថា លោកនៅតែបើកចំហសម្រាប់កិច្ចពិភាក្សា បើសហរដ្ឋអាមេរិកបោះបង់ចោលនូវអ្វីដែលលោកហៅថាជាការទាមទារឲ្យរំសាយអាវុធនុយក្លេអ៊ែរ។
លោក Yang Moo-jin សាស្ត្រាចារ្យនៅសាកលវិទ្យាល័យសិក្សាកូរ៉េខាងជើងក្នុងទីក្រុងសេអ៊ូល បានប្រាប់ទីភ្នាក់ងារព័ត៍មាន AFP ថា ការបាញ់បង្ហោះទំនងជាមានបំណង ដើម្បីបញ្ជាក់ឡើងវិញនូវជំហររបស់ទីក្រុងព្យុងយ៉ាង។ លោកបាននិយាយថា «ការសាកល្បងនេះគូសបញ្ជាក់ពីការទប់ស្កាត់នុយក្លេអ៊ែររបស់កូរ៉េខាងជើង នៅមុនពេលដំណើរទស្សនកិច្ចរបស់លោកត្រាំ និងពង្រឹងសាររបស់ខ្លួនថា ការរំសាយអាវុធនុយក្លេអ៊ែរគឺនៅក្រៅតុ»។
លោកគីម និងលោកត្រាំ បានជួបគ្នាចុងក្រោយក្នុងឆ្នាំ២០១៩ នៅតំបន់គ្មានយោធា (DMZ) ប៉ុន្តែការទូតជាបន្តបន្ទាប់បានជាប់គាំង ចំពេលមានការខ្វែងគំនិតគ្នាលើការបន្ធូរបន្ថយទណ្ឌកម្ម និងកម្មវិធីនុយក្លេអ៊ែររបស់កូរ៉េខាងជើង៕
ដោយ៖ ឈាង
-
សេចក្ដីជូនដំណឹង៧ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា២៤ ម៉ោង agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
សេដ្ឋកិច្ច៧ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៦ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៧ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ