ព័ត៌មានអន្ដរជាតិ

វៀតណាម ព្រួយបារម្ភសុខភាពពលរដ្ធ ក្រោយប្រេងកូឡាថៃផ្ទុកសារធាតុពុល ដាក់លក់ព្រោងព្រាត

បានផុស

៩ ខែ មុន

នៅ

ថ្ងៃសុក្រ ៣១ តុលា ២០២៥

ដោយ

កាលពីថ្ងៃទី៣០ ខែតុលា ប្រទេសវៀតណាមបានចេញសេចក្ដីថ្លែងការមួយបន្ទាន់ បន្ទាប់ពីរដ្ឋបាលចំណីអាហារ និងឱសថ (FDA) របស់ប្រទេសថៃរកឃើញការបំពុលលើសកម្រិតនៅក្នុងប្រេងកូឡា Hong Thai ដែលនោះបានបង្កឲ្យមានការព្រួយបារម្ភសុខភាពក្នុងចំណោមអ្នកប្រើប្រាស់ ស្របពេលដែលផលិតផលនេះ ដាក់លក់យ៉ាងទូលំទូលាយនៅតាមតាមអ៊ីនធឺណិត។

**រូបភាពហ្វេសបុក៖ Thai Herbal Hong Thai Ltd.**

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមកាសែត The Nation នៅថ្ងៃដដែលនោះបានផ្សាយថា ក្រុមហ៊ុនមានគម្រោងបំផ្លាញផលិតផលដែលប្រមូលបាន ចំនួន ២០០,០០០ ដប ដែលមានការបំពុលក្រោមការត្រួតពិនិត្យរបស់ FDA នៅថ្ងៃទី៤ ខែវិច្ឆិកាខាងមុខ ហើយនឹងសងប្រាក់វិញ ឬការជំនួសដល់អតិថិជនដែលរងផលប៉ះពាល់។ ជាងនេះទៀត ក្រុមហ៊ុនក៏បានប្រកាសថា ខ្លួននឹងរឹតបន្តឹងនីតិវិធីសុវត្ថិភាព រួមទាំងការបន្ថែមការសម្លាប់មេរោគដោយអ៊ុលត្រាវីយូឡេក្នុងអំឡុងពេលផលិត។

ថ្វីដ្បិតតែក្រុមហ៊ុនប្រេងកូឡា Hong Thai បានប្រកាសទទួលខុសត្រូវចំពោះអតិថិជនក៏ពិតមែន ប៉ុន្តែនៅប្រទេសវៀតណាម ប្រេងកូឡានិងបំពងហឺតក្រោមយីហោមួយនេះ គឺទទួលបានប្រជាប្រិយភាពខ្លាំងនៅលើវេទិកាពាណិជ្ជកម្មអេឡិចត្រូនិក ដោយអ្នកលក់មួយចំនួនរាយការណ៍ពីការលក់ខ្ពស់មិនធ្លាប់មាន ពោលគឺពួកគេមានទំនោរប្រើប្រាស់តាមតារាចម្រៀង Lisa សមាជិកក្រុម BlackPink ។

កត្តាទាំំងនេះហើយ ដែលបានធ្វើឲ្យប្រទេសវៀតណាមដាក់ក្ដីបារម្ភសុខភាពពលរដ្ធខ្លួន បន្ទាប់ពី FDA ថៃ បាននិយាយកាលពីថ្ងៃអង្គារបន្ថែមទៀតថា លទ្ធផលតេស្តបានបង្ហាញថា ផលិតផលនេះ មិនបានបំពេញតាមស្តង់ដារគុណភាពក្នុងការធ្វើតេស្តការចម្លងមេរោគមីក្រូសរីរាង្គទេ ដោយកម្រិតលើសពីដែនកំណត់ដែលអនុញ្ញាត។ វាក៏មានផ្ទុកបាក់តេរីក្លូស្ទ្រីដ្យូម (clostridium ) ដែលវាមានសមត្ថភាពរស់រានមានជីវិតនៅក្នុងបរិស្ថានដូចជាដី ឬបំពង់រំលាយអាហារ។ វារួមបញ្ចូលទាំងភ្នាក់ងារដែលអាចបណ្តាលឲ្យមានជំងឺតេតាណូស និងជំងឺបូទូលីស (Botulism) ផងដែរ៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖