មហាសេដ្ឋី Warren ប្រកាសចូលនិវត្តន៍ ដោយបរិច្ចាគប្រាក់នៅសល់ ទៅឲ្យមូលនិធិគ្រួសារ

នៅក្នុងលិខិតប្រចាំឆ្នាំផ្ញើរទៅកាន់ម្ចាស់ភាគទុន កាលពីថ្ងៃទី ១១ ខែវិច្ឆិកា មហាសេដ្ឋីពិភពលោក Warren Buffett បានប្រកាសថា គាត់នឹងចូលនិវត្តន៍ក្នុងនាមជានាយកប្រតិបត្តិនៃក្រុមហ៊ុន Berkshire Hathaway បន្ទាប់ពីលាលែងពីតំណែងនៅចុងឆ្នាំនេះ ហើយត្រៀមនឹងបរិច្ចាគប្រាក់នៅសល់ចំនួន ១៤៩ ពាន់លានដុល្លារ ទៅកាន់មូលនិធិគ្រួសាររបស់លោក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកនឹងលែងសរសេរសារជារបាយការណ៍ប្រចាំឆ្នាំរបស់ក្រុមហ៊ុនទៀតហើយ ប៉ុន្តែនឹងបន្តផ្ញើសារនៅក្នុងពិធីថ្លែងអំណរគុណប្រចាំឆ្នាំ។ អ្វីដែលសំខាន់ជាងនេះទៅទៀត គាត់នឹងបង្កើនសកម្មភាពសប្បុរសធម៌រផ្ទាល់ខ្លួន ដោយបរិច្ចាគភាគហ៊ុន Berkshire Hathaway ចំនួន ១៤៩ ពាន់លានដុល្លារដែលគាត់នៅតែកាន់កាប់។

លោក Buffett នឹងត្រូវជំនួសនៅឆ្នាំក្រោយដោយលោក Greg Abel មានវ័យ ៦៣ឆ្នាំ។ លោក Abel បច្ចុប្បន្នជាអនុប្រធានទទួលបន្ទុកប្រតិបត្តិការ មិនមែនធានារ៉ាប់រងរបស់ Berkshire ហើយត្រូវបានតែងតាំងឲ្យកាន់តំណែងនេះដោយលោក Buffett ចាប់តាំងពីឆ្នាំ ២០២១។

មហាសេដ្ឋីពិភពលោករូបនេះ ក៏បានធ្វើបច្ចុប្បន្នភាពស្ថានភាពសុខភាពផ្ទាល់ខ្លួនផងដែរ។ លោកបានទទួលស្គាល់ថា ទោះបីជាការធ្វើដំណើរយឺត និងការអានកាន់តែពិបាកក៏ដោយ លោកនៅតែមានអារម្មណ៍ល្អគួរឲ្យភ្ញាក់ផ្អើល ហើយនៅតែទៅការិយាល័យ ៥ ថ្ងៃក្នុងមួយសប្តាហ៍ ដើម្បីធ្វើការជាមួយមិត្តរួមការងារ។

ទោះជាយ៉ាងណាក៏ដោយ មហាសេដ្ឋីអាយុ ៩៥ ឆ្នាំរូបនេះ បានទទួលស្គាល់ថា ពេលវេលាដែលនៅសល់របស់លោកមានកំណត់។ ដោយមានបំណងចង់បរិច្ចាគទ្រព្យសម្បត្តិដ៏ច្រើនសន្ធឹកសន្ធាប់ដែរ។ លោកទើបតែបានប្តូរភាគហ៊ុនចំនួន ១,៨០០ហ៊ុន ដែលមានតម្លៃសរុប ១.៣៥ ពាន់លានដុល្លារអាមេរិក ទៅជាភាគហ៊ុន B ដែលមានតម្លៃថោកជាងរបស់ក្រុមហ៊ុន ហើយបានបរិច្ចាគវាទៅឲ្យមូលនិធិសប្បុរសធម៌ចំនួន៤ របស់គ្រួសារលោក។

បើទោះជាលោកលែងកាន់កាប់តំណែងក៏ពិតមែន ប៉ុន្តែសេដ្ធីពាន់លាន Buffett នៅតែមានក្ដីរំពឹងថា ក្រុមដែលលោកបានដឹកនាំអស់រយៈពេល ៦ទសវត្សរ៍ នឹងនៅតែបន្តរីកចម្រើន បន្ទាប់ពីការលាលែងពីតំណែង។ ជាក់ស្ដែង ភាគហ៊ុន Berkshire Hathaway (BRK.B) បានកើនឡើងជាង ១០% នៅឆ្នាំនេះ ដែលនាំឲ្យមូលធនទីផ្សាររបស់ក្រុមហ៊ុនកើនឡើងដល់ ១ ពាន់ពាន់លានដុល្លារឯណោះ៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖

ជីវិតដ៏សន្សំសំចៃ របស់មហាសេដ្ឋីពិភពលោក Warren Buffett