ព័ត៌មានអន្ដរជាតិ

ទីភ្នាក់ងារអវកាសឥណ្ឌាបាញ់បង្ហោះផ្កាយរណបដែលមានទម្ងន់ធ្ងន់បំផុត

បានផុស

៦ ខែ មុន

នៅ

ថ្ងៃព្រហស្បតិ៍ ២៥ ធ្នូ ២០២៥

ដោយ

ទីភ្នាក់ងារអវកាសឥណ្ឌាបានចាប់ផ្តើមបង្ហោះផ្កាយរណបដែលមានទម្ងន់ធ្ងន់បំផុតមិនធ្លាប់មានកាលពីថ្ងៃពុធ ដោយនាយករដ្ឋមន្ត្រីឥណ្ឌា លោក Narendra Modi បានហៅការបាញ់បង្ហោះនេះថាជា «ជំហានដ៏សំខាន់» សម្រាប់វិស័យអវកាស។ រ៉ឺក្កែត LVM៣-M៦ បានបាញ់បង្ហោះផ្កាយរណបទំនាក់ទំនង AST SpaceMobile ដែលផលិតដោយសហរដ្ឋអាមេរិក ទៅកាន់គន្លងតារាវិថីរបស់ខ្លួន។ បើតាមសារព័ត៌មាន AFP។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អង្គការស្រាវជ្រាវអវកាសឥណ្ឌា (ISRO) បាននិយាយថា៖«វាផ្ទុកទម្ងន់ធ្ងន់បំផុតដែលត្រូវបានបាញ់បង្ហោះចេញពីទឹកដីឥណ្ឌា»។

ការបាញ់បង្ហោះនេះគឺជាការជំរុញសម្រាប់កម្មវិធីអវកាសនៅផ្ទាល់ដីដ៏មានមហិច្ឆតារបស់ប្រទេសឥណ្ឌា ជាមួយនឹងផែនការសម្រាប់បេសកកម្មស្រាវជ្រាវក្នុងលំហរអាកាសដែលមិនធ្លាប់បានបង្ហោះ និងការហោះហើរលើអវកាសរបស់មនុស្សនៅក្នុងប៉ុន្មានឆ្នាំខាងមុខនេះ។

គួរឱ្យដឹងផងដែរថា ផ្កាយរណបនេះមានទម្ងន់៦,១០០គីឡូក្រាម ត្រូវបានបាញ់បង្ហោះនៅលើកំណែទម្រង់នៃគ្រាប់រ៉ឺក្កែត ដែលឥណ្ឌាគ្រោងនឹងប្រើប្រាស់សម្រាប់បេសកកម្មអវកាសនាពេលអនាគតរបស់ខ្លួន។

លើសពីនេះប្រទេសឥណ្ឌាកំពុងប្រជែងគ្នាផ្នែកធំនៃអាជីវកម្មផ្កាយរណបពាណិជ្ជកម្មដែលកំពុងរីកចម្រើន ខណៈដែលទូរស័ព្ទ អ៊ីនធឺណិត និងក្រុមហ៊ុនផ្សេងទៀតស្វែងរកការពង្រីកទំនាក់ទំនងកម្រិតខ្ពស់បន្ថែមទៀត។

លោក Modi បាននិយាយថា៖ «ការបាញ់បង្ហោះនេះគឺជាព្រឹត្តិការណ៍ដ៏មានមោទនភាពមួយក្នុងធ្វើដំណើរនៅលើលំហរបស់ឥណ្ឌា» ។

លោកបានបន្ថែមថា៖ «វាជាការពង្រឹងសមត្ថភាពនៃការបាញ់បង្ហោះធុនធ្ងន់របស់ប្រទេសឥណ្ឌា និងពង្រឹងតួនាទីរបស់យើងនៅក្នុងទីផ្សារពាណិជ្ជកម្មពិភពលោក» ។

ឥណ្ឌាបានឱ្យដឹងទៀតថា ខ្លួនគ្រោងនឹងចាប់ផ្តើមបេសកកម្មគន្លងគោចរមួយ តែមិនទាន់បានកំណត់ជាក់លាក់នៅឡើយ មុនពេលការហោះហើររបស់មនុស្សទៅអវកាសរបស់ជាលើកដំបូងនៅឆ្នាំ២០២៧។

លោក Modi ក៏បានប្រកាសពីគម្រោងបញ្ជូនអវកាសយានិកទៅឋានព្រះចន្ទនៅឆ្នាំ២០៤០ផងដែរ៕

ប្រែសម្រួល៖ ណឺ មិនា