ព័ត៌មានអន្ដរជាតិ

ឥទ្ធិពលព្យុះបង្កើតរលកយក្សទំនងវាយប្រហារឈូងសមុទ្រថៃ ពីថ្ងៃនេះដល់ទី៩មករា

បានផុស

៦ ខែ មុន

នៅ

ថ្ងៃអង្គារ ៦ មករា ២០២៦

ដោយ

មជ្ឈមណ្ឌលឧតុនិយមព្យាករណ៍ថៃ បានអះអាងថា រលកយក្សនឹងបោកបក់មកលើឆ្នេរសមុទ្រនៃឈូងសមុទ្រថៃ ដែលអាជ្ញាធរព្រមានសម្រាប់អ្នករស់នៅមាត់សមុទ្រឱ្យត្រៀមខ្លួនផ្លាស់ទីទៅកាន់តំបន់សុវត្ថិភាព ចំណែកទូកតូចៗពុំអនុញ្ញាតឱ្យចេញនេសាទឡើយ ចាប់ពីថ្ងៃទី៦ដល់៩ ខែមករា ឆ្នាំ២០២៦ នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសារព័ត៌មាន khaosodenglish ឱ្យដឹងថា នាវេលាម៉ោង៥ព្រឹក ថ្ងៃទី៦ ខែមករា មជ្ឈមណ្ឌលឧតុនិយមភាគខាងកើតនៃប្រទេស បានចេញសេចក្តីជូនដំណឹងលើកទី៣ (លេខ៣ នៅឆ្នាំ២០២៦) ស្តីពីខ្យល់បក់បោកខ្លាំង និងមានរលកសមុទ្រធំៗនៅឈូងសមុទ្រថៃ ដែលអាចកើតឡើងពីថ្ងៃទី៦ ដល់ថ្ងៃទី៩ ខែមករា ឆ្នាំ២០២៦។

ការព្រមាននេះ បានលើកឡើងថា ប្រព័ន្ធសម្ពាធខ្ពស់ថ្មីដ៏ខ្លាំងក្លាមួយ ឬម៉ាស់ខ្យល់ត្រជាក់ពីប្រទេសចិន កំពុងរាលដាលពាសពេញប្រទេសថៃ និងសមុទ្រចិនខាងត្បូង គួបផ្សំនឹងខ្យល់មូសុងឦសានដែលកំពុងតែបក់បោកលើឈូងសមុទ្រថៃ ភាគខាងត្បូង និងសមុទ្រ Andaman [ដែលជាប់បីប្រទេស រួមមាន ឥណ្ឌា មីយ៉ាន់ និងថៃ]។ ចំណែកស្ថានភាពដែលអាចមានរលកយក្ស ត្រូវបានគេរំពឹងថានឹងកើនឡើងខ្លាំង ក្នុងអំឡុងថ្ងៃនោះផងដែរ។

អាស្រ័យហេតុនេះ ឈូងសមុទ្រថៃអាចនឹងមានរលកយក្ស ដែលមានរលកកម្ពស់ ២-៣ ម៉ែត្រ នៅតំបន់ដែលរងផលប៉ះពាល់ដោយព្យុះ ផ្គរ រន្ទះ រលកអាចលើសពី ៣ម៉ែត្រ។

មិនតែប៉ុណ្ណោះប្រជាពលរដ្ឋនៅតាមមាត់សមុទ្រ អាជ្ញាធរអំពាវនាវឱ្យមានការប្រុងប្រយ័ត្នខ្ពស់ ចំពោះរលកសមុទ្រដែលបោកបក់មកលើឆ្នេរ។ ចំណែកអ្នកដើរសមុទ្រគួរតែបង្កើនការប្រុងប្រយ័ត្នឱ្យខ្លាំង ជៀសវាងការជិះទូកនៅតំបន់ដែលមានព្យុះ ផ្គរ រន្ទះ ហើយទូកតូចៗត្រូវបានណែនាំមិនឱ្យចេញពីកំពង់ផែឡើយចាប់ពីថ្ងៃទី៦ដល់៩ ខែមករា។

គួរឱ្យដឹងផងដែរថា អាជ្ញាធរបានជំរុញឱ្យសាធារណជនតាមដានឱ្យបានដិតដល់នូវការព្យាករណ៍អាកាសធាតុ និងបច្ចុប្បន្នភាពពីមជ្ឈមណ្ឌលឧតុនិយមភាគខាងត្បូងខាងកើតនៃប្រទេស៕

ប្រែសម្រួល៖ ណឺ មិនា