ព័ត៌មានអន្ដរជាតិ

រុស្ស៊ីវាយប្រហារសាហាវ ចំពេលក្រុមចរចាកំពុងបន្តប្រព្រឹត្តទៅនៅអារ៉ាប់រួម

បានផុស

៣ ខែ មុន

នៅ

ថ្ងៃសៅរ៍ ២៤ មករា ២០២៦

ដោយ

ខណៈពេលដែលប្រមុខយោធារុស្ស៊ីនិងអ៊ុយក្រែនជួបប្រជុំត្រីភាគីជាមួយអ្នកសម្របសម្រួលសហរដ្ឋអាមេរិកដោយមានអារ៉ាប់រួមធ្វើជាម្ចាស់ផ្ទះ នៅប្រទេសអ៊ុយក្រែនឯណោះវិញ មានសេចក្តីរាយការណ៍ដែលថា រុស្ស៊ីបានបើកការវាយប្រហារដ៏ខ្លាំង។

យោងសេចក្តីរាយការណ៍របស់បណ្តាញសង្គម ដោយដកស្រង់ការអះអាងរបស់ប្រធានាធិបតីអ៊ុយក្រែន លោក វ៉ូឡូឌិមៀរ ហ្សេលេនស្គី (Volodymyr Zelenskyy) ដែលនិយាយថា រុស្ស៊ីបាញ់យន្តហោះគ្មានមនុស្សបើកវាយប្រហារជាង ៣៧០ គ្រឿង និងមីស៊ីល ២១ គ្រាប់ ប្រឆាំងអ៊ុយក្រែនពេញមួយយប់ថ្ងៃសុក្រ ជារាត្រីដែលមន្ត្រីកំពូលយោធាអ៊ុយក្រែននិងរុស្ស៊ីផ្តើមចរចាលើកដំបូង។

ប្រធានាធិបតីអ៊ុយក្រែន លោក វ៉ូឡូឌិមៀរ ហ្សេលេនស្គី បាននិយាយថា រុស្ស៊ីបានបាញ់យន្តហោះគ្មានមនុស្សបើកវាយប្រហារជាង ៣៧០ គ្រឿង និងមីស៊ីល ២១ គ្រាប់ ប្រភេទផ្សេងៗគ្នា ប្រឆាំងនឹងអ៊ុយក្រែន ក្នុងអំឡុងពេលវាយប្រហារទ្រង់ទ្រាយធំមួយយប់ ឈានចូលថ្ងៃទី២៤ខែមករា។

នៅក្នុងសេចក្តីថ្លែងការណ៍មួយដែលបានចេញផ្សាយនៅលើ Telegram លោក វ៉ូឡូឌិមៀរ ហ្សេលេនស្គី បាននិយាយថា ការវាយប្រហារនេះផ្តោតលើតំបន់ជាច្រើននៅទូទាំងប្រទេស រួមទាំងទីក្រុងគៀវ និងតំបន់ជុំវិញ តំបន់ Sumy, Kharkiv និង Chernihiv។

តាមសេចក្តីរាយការណ៍របស់រ៉យទ័រ និងប្រភពព័ត៌មានបស្ចឹមប្រទេសមួយចំនួនទៀត បានផ្សាយនៅល្ងាចថ្ងៃសៅរ៍ទី២៤ខែមករានៅប្រទេសអារ៉ាប់រួម (UAE) ប៉ុន្តែគ្មានលទ្ធផលពីជំនួបចរចាលើកដំបូងនោះត្រូវបានផ្សាយឲ្យដឹងនោះទេ៕