ព័ត៌មានអន្ដរជាតិ
អង់គ្លេស៖ មានអ្នកចាក់វ៉ាក់សាំងរួចត្រឹម៣២នាក់ប៉ុណ្ណោះ ក្នុងចំណោមមនុស្សជាង៧ម៉ឺននាក់ ដែលត្រូវបញ្ជូនទៅមន្ទីរពេទ្យជាមួយជំងឺកូវីដ
ការសិក្សាបានបង្ហាញថា មានជនជាតិអង់គ្លេសចាក់វ៉ាក់សាំងរួចត្រឹមតែ ៣២នាក់ប៉ុណ្ណោះក្នុងចំណោមមនុស្សជិត ៧៥.០០០នាក់ ដែលត្រូវបានបញ្ជូនទៅកាន់មន្ទីរពេទ្យជាមួយជំងឺកូវីដ-១៩។
ក្រុមអ្នកវិទ្យាសាស្ត្រនិយាយថា ការរកឃើញនេះបានបង្ហាញពីប្រសិទ្ធភាពនៃវ៉ាក់សាំង ដែលផ្តល់ការការពារពីជំងឺធ្ងន់ធ្ងរ។
ការស្រាវជ្រាវបានរកឃើញថា ក្នុងចំណោមមនុស្សចំនួន៧៤,៤០៥នាក់ ដែលត្រូវបានបញ្ជូនទៅមន្ទីរពេទ្យជាមួយជំងឺកូវីដ-១៩ ចន្លោះខែកញ្ញាដល់ខែមីនាមានតែ ៣២នាក់ប៉ុណ្ណោះដែលបានទទួលវ៉ាក់សាំងយ៉ាងហោចណាស់បីសប្តាហ៍មុន។
ការរកឃើញនេះ ក៏ទាក់ទងនឹងអ្នកដែលទទួលវ៉ាក់សាំងតែមួយដូសផងដែរ។
ទន្ទឹមនឹងនេះ ការសិក្សាផ្សេងទៀតកំពុងបន្តពិនិត្យមើល កម្រិតនៃការការពារដែលមនុស្សមាន បន្ទាប់ពីទទួលបានវ៉ាក់សាំងកូវីដចំនួនពីរដូស។
អ្នកស្រាវជ្រាវគឺលោកសាស្រ្តាចារ្យ Calum Semple មកពីសកលវិទ្យាល័យ Liverpool បាននិយាយថា លោកពិតជារីករាយណាស់ជាមួយនឹងលទ្ធផលនៃការសិក្សានេះ។
លោកបានបន្ថែមថា វាបង្ហាញថា “វ៉ាក់សាំងមានប្រសិទ្ធភាពខ្ពស់”។ លោកបន្តថា “ពួកគេមិនត្រឹមតែធ្វើការប៉ុណ្ណោះទេ ប៉ុន្តែពួកគេក៏ធ្វើការបានល្អ មិនធម្មតាផងដែរ”។
ទោះបីជាយ៉ាងណាក៏ដោយ ព័ត៌មានលម្អិតបន្ថែមទៀតនឹងបញ្ជាក់ច្បាស់ថា តើអ្នកដែលត្រូវបានគេបញ្ជូនទៅមន្ទីរពេទ្យជាមួយជំងឺកូវីដ-១៩បន្ទាប់ពីចាក់វ៉ាក់សាំង មានរោគសញ្ញាស្រាលជាងអ្នកដែលមិនបានចាក់ដែរឬក៏អត់។
យោងតាមទិន្នន័យផ្លូវការរបស់រដ្ឋាភិបាលអង់គ្លេសបានឲ្យដឹងថា ចំនួនមនុស្សសរុបដែលបានទទួលវ៉ាក់សាំងដូសទី១ ចន្លោះថ្ងៃទី៨ខែធ្នូដល់ថ្ងៃទី១៩ខែមេសា មាន៣៣.០៣២.១២០នាក់។
បន្ទាប់ពីទទួលដូសទី១ មនុស្ស១០.៤២៥.៧៩០នាក់ ត្រូវបានចាក់វ៉ាក់សាំងដូសទី២រួចហើយ។
ជាលើកដំបូងហើយចាប់តាំងពីខែកញ្ញា តួលេខចុងក្រោយបានបង្ហាញថា មានអ្នកជំងឺកូវីដតិចជាង ២,០០០នាក់កំពុងសម្រាកព្យាបាលនៅក្នុងមន្ទីរពេទ្យ។
ព័ត៌មានវិជ្ជមាននេះ បានកើតឡើងខណៈពេលការស្លាប់ដោយសារជំងឺកូវីដ បានធ្លាក់ចុះ២ភាគ៣ក្នុងរយៈពេលមួយខែ ដោយមានអ្នកស្លាប់ត្រឹម៣៣នាក់ប៉ុណ្ណោះនៅ២៤ម៉ោងចុងក្រោយ៕
ប្រែសម្រួលដោយ៖ Vann Vann
ប្រភព៖ The Sun
ចុចអាន៖ ឆ្ងល់អត់! ហេតុអ្វីបានជាមានវ៉ាក់សាំងច្រើនប្រភេទផ្សេងៗគ្នា?
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ