Connect with us

ព័ត៌មានអន្ដរជាតិ

យប់មិញ ប៉ូលិសអាមេរិកបាញ់ក្មេងស្រី១៦ឆ្នាំស្លាប់ ចំថ្ងៃកំពុងកាត់ Derek

បានផុស

នៅ

កាល​ពី​យប់​មិញ​នេះ​ប៉ូលិស​អាមេរិក​បាន​បាញ់​​ស្លាប់​​នារី​វ័យ​ក្មេង​អាយុ​ទើប​១៦​ឆ្នាំ​នៅតំបន់ Southeast Side ក្នុង​ទី​ក្រុង Columbus។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការ​បាញ់សម្លាប់​​ដែល​បាន​កើត​ឡើង​ប្រហែល​ជា​២០​នាទី​មុន​ពេល​​សាលក្រម​​ត្រូវ​បាន​ប្រកាស​ក្នុង​សវនាការ​ទៅលើជន​ជាប់​ចោទ Derek Chauvin អតីត​ប៉ូលិស Minneapolis ដែល​បាន​យក​ជង្គង់​សង្កត់​ពី​លើ​-កបុរស​ឈ្មោះ​ George Floyd បណ្តាល​ឲ្យ​ស្លាប់ ដែល​ករណី​នេះ​ធ្វើ​ឲ្យ​ល្បី​ទូទាំង​ពិភព​លោក។

សម្រាប់​សកម្មភាព​ដែល​មិន​ធ្លាប់​មាន​ពី​មុន ប៉ូលិស Columbus បាន​បង្ហាញ​វីដេអូសាក​សព​នៃ​ក្មេង​ស្រី​អាយុ​១៦​ឆ្នាំ​ដែល​ត្រូវ​បាន​បាញ់​ស្លាប់​ដោយ​ប៉ូលិស Columbus ប៉ុន្មាន​ម៉ោង​បន្ទាប់​ពី​ឧបទ្ទវហេតុ​បាន​កើត​ឡើង​នៅ Southeast Side។

វីដេអូ​បាន​បង្ហាញ​ថា ប៉ូលិស​ម្នាក់បាន​ប្រញាប់​​ទៅ​កាន់ផ្លូវ​មួយ​ដែល​មាន​​យុវជន​មួយ​ក្រុម​កំពុង​ឈរ​នៅ​ទី​នោះ។ ភ្លាម​នោះ ក្មេង​ស្រី​អាយុ​១៦​ឆ្នាំ​ដែល​ឥឡូវ​ត្រូវ​បាន​គេ​ស្គាល់​ឈ្មោះ​ Ma’Khia Bryant ដែល​ក្រោយ​មក​ត្រូវ​បាន​ប៉ូលិស​បាញ់​ស្លាប់ រុញ​ច្រាន​មនុស្ស​ម្នាក់​​ឲ្យ​ដួល​ទៅ​លើ​ដី។

ក្រោយ​មក Bryant ទំនង​ជា​យក​កាំបិទ​ប្រឹង​ចាក់​ទៅ​លើ​ក្មេង​ស្រី​ដែលកំពុង​អង្គុយ​នៅ​លើ​ឡាន ហើយ​ពេល​នោះ​ប៉ូលិស​ក៏​បាន​បាញ់​ដែល​ឮ​សំឡេង​៤​គ្រាប់​ទៅ​លើ Bryant ដែល​បន្តិច​ក្រោយ​មក​ក៏​បាន​ស្លាប់។

ប៉ូលិសបាន​ទទួល​ទូរសព្ទ​ ៩១១​វេលា​ម៉ោង​៤:៣៥​នាទី​ល្ងាចអំពី​ការ​ប៉ុន​ប៉ង​ចាក់សម្លាប់​មួយ​នៅ​​ប្លុក Legion Lane ស្ថិត​នៅ​លើ​ផ្លូវ Chatterton Road។ ប៉ូលិស​បាន​ប្រញាប់​ទៅ និង​ឃើញ​ស្ថានភាពមាន​ការ​ប្រយតាយ​ប្រតប់​គ្នា ហើយ​ក៏​បាញ់​តែ​ម្តង៕

អាន​បន្ថែមការ​កាត់​ទោស​រឿង​ក្តី​ល្បី​ Derek យក​ជង្គង់​សង្កត់-ក George បណ្តាល​ឲ្យ​ស្លាប់​​អបអរទាំង​​​ប្រធានាធិបតី និងពលរដ្ឋ

ប្រែ​សម្រួល៖ វីរបុត្រ
ប្រភព៖ BBC

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម