​ជប៉ុន ទំនងចូលរួម​ជាមួយអាមេរិកអភិវឌ្ឍ​​ប្រព័ន្ធការ​​ពារ​​ដែន​អាកាស​ «Golden Dome»

នាយករដ្ឋមន្ត្រីជប៉ុន ​លោកស្រី សាណាអេ តាកាអ៊ីឈិ (Sanae Takaichi) ត្រូវបានគេរំពឹងថា នឹងប្រកាសពីការចូលរួម​ជាមួយ​សហរដ្ឋអាមេរិក​​ នៅ​ក្នុងប្រព័ន្ធការពារមីស៊ីល «Golden Dome» ដែលផ្តួច​ផ្តើម​ដោយ​​លោក ដូណាល់ ត្រាំ នៅពេលដែលលោកស្រី​នឹង​ជួបជាមួយប្រធានាធិបតី ដូណាល់ ត្រាំ នៅ​សប្តាហ៍ក្រោយ​នេះ​។ នេះបើយោងតាមរបាយការណ៍ពី CNN ចុះផ្សាយនាថ្ងៃសុក្រទី១៣ ខែមីនា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយដកស្រង់ប្រភពពីរដ្ឋាភិបាលដែលសុំ​មិនបញ្ចេញឈ្មោះជាច្រើននាក់​ កាសែតប្រចាំថ្ងៃ Yomiuri របស់ជប៉ុនបាននិយាយថា លោកស្រី តាកាអ៊ិឈិ ទំនង​ពិភាក្សាអំពីគំនិតផ្តួចផ្តើមនេះជាមួយលោកត្រាំ ក្នុងអំឡុងពេលកិច្ចប្រជុំដែលបានគ្រោងទុកនៅថ្ងៃទី ១៩ខែមីនា នៅទីក្រុងវ៉ាស៊ីនតោន ព្រមជាមួយនឹងការបង្ហាញអំពីចេតនារបស់ជប៉ុនក្នុងការចូលរួមជាមួយគម្រោង​ការ​ពារ​​ដែន​អាកាស​មួយនេះ។

កាសែតដដែលនេះ បានរាយការណ៍​ថា គោលបំណងគឺសម្រាប់សម្ព័ន្ធមិត្តដើម្បីរួមគ្នាអភិវឌ្ឍឧបករណ៍ស្ទាក់ចាប់​​មីស៊ីល​ និងបណ្តាញផ្កាយរណបជាកម្លាំងប្រឆាំងទៅនឹងយានអវកាសល្បឿនលឿនជាងសំឡេង (HGVs) ដែលដេញតាមដោយប្រទេសចិន និងរុស្ស៊ី។

កាសែត Yomiuri បានបញ្ចាក់ទៀតថា តាមរយៈការចូលរួមក្នុងគំនិតផ្តួចផ្តើមក្នុងប្រព័ន្ធ «Golden Dome» ប្រទេសជប៉ុន ចង់ជំរុញសមត្ថភាពការពារ​ដែន​អាកាស​​​​​របស់​ប្រទេស​ជប៉ុនផងដែរ។

ប្រទេសជប៉ុនបានបោះបង់ចោលជំហរសន្តិភាពដ៏​​យូរអង្វែង​​របស់​ខ្លួនក្នុងរយៈពេលប៉ុន្មានឆ្នាំចុងក្រោយនេះ ដោយបានផ្លាស់ប្តូរទៅរកសមត្ថភាព «វាយបក» និងបង្កើនការចំណាយយោធាទ្វេដង ដល់ពីរភាគរយនៃផលិតផលក្នុងស្រុកសរុប។ នៅក្នុងខែធ្នូ រដ្ឋាភិបាលបានអនុម័តថវិកាកំណត់ត្រាសម្រាប់ឆ្នាំសារពើពន្ធខាងមុខដែលចាប់ផ្តើមនៅខែក្រោយ រួមទាំង​ថវិកា​កំណត់ត្រា​ចំនួន៩ ពាន់​ពាន់​លាន​យ៉េន (៥៦.៥ ពាន់លានដុល្លារ) សម្រាប់ការចំណាយការពារជាតិ៕

អត្ថបទ៖ សាង ស្រីល័ក្ខ