គណបក្សប្រឆាំងមីយ៉ាន់ម៉ាមិនទទួលស្គាល់ការបោះឆ្នោត
Connect with us
Helistar Cambodia - Helicopter Charter Services

ព័ត៌មានអន្ដរជាតិ

គណបក្សប្រឆាំងមីយ៉ាន់ម៉ាមិនទទួលស្គាល់ការបោះឆ្នោត

បានផុស

នៅ

គណបក្សប្រឆាំងដែលគាំទ្រដោយយោធារបស់ប្រទេសមីយ៉ាន់ម៉ាបាននិយាយនៅថ្ងៃពុធនេះថា ខ្លួននឹងមិនទទួលស្គាល់ការបោះឆ្នោតដែលរៀបចំឡើងនៅដើមសប្តាហ៍នេះទេហើយបានជំរុញឲ្យអាជ្ញាធររៀបចំការបោះឆ្នោតមួយផ្សេងទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គណបក្សសាមគ្គីភាពនិងការអភិវឌ្ឍសហព័ន្ធ (USDP) បាននិយាយនៅក្នុងសន្និសីទសារព័ត៌មានមួយថា ការបោះឆ្នោតនេះត្រូវបានធ្វើឡើងដោយមិនសមរម្យហើយគណបក្សបានស្នើសុំឲ្យគណៈកម្មការរៀបចំការបោះឆ្នោតដំណើរការការបោះឆ្នោតឡើងវិញ។

អ្នកគាំទ្រគណបក្សកាន់អំណាច សម្ព័ន្ធភាពជាតិដើម្បីលទ្ធិប្រជាធិបតេយ្យ (NLD) ដែលដឹកនាំដោយលោកស្រី អ៊ុង សានស៊ូជី

គណបក្សសម្ព័ន្ធភាពជាតិដើម្បីលទ្ធិប្រជាធិបតេយ្យ (NLD) ដឹកនាំដោយលោកស្រី អ៊ុង សានស៊ូជី កំពុងនាំមុខនៅក្នុងលទ្ធផលដំបូងហើយគណបក្សនេះបានអះអាងជ័យជម្នះរួចទៅហើយ។

អ្នកនាំពាក្យគណបក្សលោក Myo Nyunt បានប្រាប់ Reuters ថា របាយការណ៍ផ្ទៃក្នុងបង្ហាញថា NLD បានឈ្នះអាសនៈចំនួន៣២២នៅក្នុងសភាដែលត្រូវការបើទោះបីជាពុំមានលទ្ធផលផ្លូវការណាមួយត្រូវបានប្រកាសដោយគណៈកម្មការរៀបចំការបោះឆ្នោតក៏ដោយ។

លោកនិយាយថា “យើងសូមអរគុណប្រជាជន។ សម្រាប់ប្រជាជន សម្រាប់គណបក្ស នេះគឺជាលទ្ធផលនៃការបោះឆ្នោតដ៏គួរឲ្យចាប់អារម្មណ៍”៕

ប្រែសម្រួលដោយ៖ Vann Vann

ប្រភព៖ Reuters

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services