ព័ត៌មានអន្ដរជាតិ
រុស្ស៊ី ប្រឆាំងការរុះរើសន្ធិសញ្ញានុយក្លេអ៊ែរ ខណៈអ្នកនយោបាយអ៊ីរ៉ង់ពិចារណាដកខ្លួន
អនុរដ្ឋមន្ត្រីការបរទេសរុស្ស៊ី លោក សឺហ្គេយ រីយ៉ាបកូវ (Sergei Ryabkov) បានប្រាប់ទីភ្នាក់ងារព័ត៌មានរុស្ស៊ី TASS នៅថ្ងៃទី១ មេសា ថា ទីក្រុងមូស្គូបានសម្តែងការជំទាស់ចំពោះការរុះរើសន្ធិសញ្ញាស្តីពីការមិនរីកសាយភាយអាវុធនុយក្លេអ៊ែរ (NPT) ដោយសង្កត់ធ្ងន់លើការគាំទ្ររបស់ភាគីរុស្ស៊ី ចំពោះសកលភាវូបនីយកម្មនៃសន្ធិសញ្ញានេះ។
ថ្លែងនៅក្នុងបទសម្ភាសន៍មួយ លោក រីយ៉ាបកូវ បានលើកឡើងថា៖«យើងពិតជាមិនគាំទ្រចំពោះការលុបបំបាត់ NPT ទេ។ ចលនាបែបនេះ នឹងជាជំហានមួយដែលមិនសមហេតុផល និងផ្ទុយទាំងស្រុងទៅនឹងគោលនយោបាយរបស់យើងក្នុងការពង្រឹងសន្តិសុខអន្តរជាតិ។ យើងគាំទ្រកិច្ចខិតខំប្រឹងប្រែងដើម្បីពង្រីកចំនួនរដ្ឋជាសមាជិកសន្ធិសញ្ញា»។
ទាក់ទងនឹងការលើកឡើងថ្មីៗរបស់អ៊ីរ៉ង់ អំពីការពិចារណាដកខ្លួនចេញពីសន្ធិសញ្ញា លោក រីយ៉ាបកូវ បានសង្កត់ធ្ងន់ថា ប្រជាជនមិនអាចព្រងើយកន្តើយចំពោះដំណើរបំផ្លិចបំផ្លាញដែលមិនធ្លាប់មានពីមុនមក និងពីគ្រប់ទស្សនៈទាំងអស់ដែលបន្តដោយសហរដ្ឋអាមេរិក និងអ៊ីស្រាអែលនោះទេ។ ការវិវត្តថ្មីៗនៅក្នុងតំបន់នេះគឺជារឿង «គួរឲ្យព្រួយបារម្ភយ៉ាងខ្លាំង»។
អ្នកការទូតរុស្ស៊ីរូបនេះបានបន្តទៀតថា៖៖«យើងកំពុងឃើញការវាយប្រហារជាបន្តបន្ទាប់លើយន្តការមិនរីកសាយភាយអាវុធនុយក្លេអ៊ែរ ដែលត្រូវបានចាត់ទុកថាមិនអាចរង្គោះរង្គើបាន។ ដោយសន្មតនិន្នាការនេះទៅនឹងគោលនយោបាយឈ្លានពានរបស់អាមេរិក និងអ៊ីស្រាអែល។ ប្រទេសមួយក្នុងចំណោមប្រទេសទាំងពីរ មិនមែនជាសមាជិក NPT ទេ ខណៈដែលប្រទេសមួយទៀតជាអ្នករក្សាសន្ធិសញ្ញា។
យោងតាមលោក រីយ៉ាបកូវ ការវិវត្តនៃជម្លោះរវាងអាមេរិក និងអ៊ីស្រាអែល រួមទាំងអ៊ីរ៉ង់ កំពុងធ្វើឲ្យចុះខ្សោយគោលការណ៍ស្នូលនៃរចនាសម្ព័ន្ធសន្តិសុខអន្តរជាតិ មូលដ្ឋានគ្រឹះដែល NPT និងយន្តការត្រួតពិនិត្យពាក់ព័ន្ធរបស់ទីភ្នាក់ងារថាមពលអាតូមិកអន្តរជាតិ (IAEA) ត្រូវបានបង្កើតឡើង។
យ៉ាងណាមិញ ការអត្ថាធិប្បាយរបស់អនុរដ្ឋមន្ត្រីការបរទេសរុស្ស៊ីនេះ ត្រូវបានធ្វើឡើងបន្ទាប់ពី លោក Alaeddin Boroujerdi សមាជិកនៃគណៈកម្មាធិការសន្តិសុខជាតិ និងគោលនយោបាយការបរទេសអ៊ីរ៉ង់ បានលើកឡើងថា ការចូលរួមរបស់អ៊ីរ៉ង់នៅក្នុងសន្ធិសញ្ញាស្តីពីការមិនរីកសាយភាយអាវុធនុយក្លេអ៊ែរបានក្លាយជាគ្មានន័យ បន្ទាប់ពីសកម្មភាពរបស់អាមេរិក-អ៊ីស្រាអែល។ លោកស្នើថា ទីក្រុងតេហេរ៉ង់គួរតែពិចារណាដកខ្លួនចេញពីសន្ធិសញ្ញា ហើយទស្សនៈនេះ ក៏ទទួលបានការឯកភាពពីសមាជិកសភាអ៊ីរ៉ង់ភាគច្រើន៕
អត្ថបទ៖ សាង ស្រីល័ក្ខ
នាយករដ្ឋមន្ត្រីស្លូវ៉ាគី ស្នើ EU ឈប់លេងល្បែងនយោបាយ ជុំវិញ បំពង់បង្ហូរឧស្ម័នពីរុស្ស៊ីឆ្លងកាត់អ៊ុយក្រែន
-
ព័ត៌មានអន្ដរជាតិ២ ថ្ងៃ agoអាល្លឺម៉ង់ ក្តៅខ្លាំង ដល់ថ្នាក់រលាយផ្លូវរថភ្លើងអគ្គិសនី និងប្រេះហើប ផ្លូវល្បឿនលឿន
-
សន្តិសុខសង្គម៤ ថ្ងៃ agoចាប់ខ្លួនម្ចាស់ហាង «កាកាសាឡន ក្រោយវាយធ្វើបាប និងគំរាមកាត់ម្រាមដៃជើង លើស្រ្តីមេម៉ាយបម្រើក្នុងផ្ទះ
-
កីឡា២ ថ្ងៃ agoលោក ពេជ្រ សុផាន់ រំលឹកគុណរបស់លោក អេ ភូថង ដែលធ្លាប់ជួយខ្លួនអំឡុងឆ្នាំ២០១៤ ធ្លាក់ដល់ទាល់ច្រកអស់ផ្លូវដើរ
-
ព័ត៌មានអន្ដរជាតិ៣ ថ្ងៃ agoផ្ទុះផង បាញ់ផង ដុតផង! ភាគខាងត្បូងថៃ កំពុងចលាចល និង វឹកវរខ្លាំង
-
កីឡា២ ថ្ងៃ agoតំបន់ប្រយុទ្ធបារាំងកំពុងពេញសាច់ល្អ ខណៈ Mbappé តាមស្មើគ្រាប់បាល់ Messi
-
ព័ត៌មានអន្ដរជាតិ៤ ថ្ងៃ agoផ្ទុះគ្រាប់បែក នៅថៃ របួសទេសចរម៉ាឡេស៊ី ២នាក់
-
ព័ត៌មានអន្ដរជាតិ៥ ថ្ងៃ agoអាមេរិកបើកការវាយប្រហារលើអ៊ីរ៉ង់ ២ថ្ងៃជាប់គ្នា ដោយចោទទីក្រុងតេហេរ៉ង់ថា រំលោភលើកិច្ចព្រមព្រៀង
-
ព័ត៌មានជាតិ២ ថ្ងៃ agoចាប់ពីពេលនេះពលរដ្ឋដែលត្រូវធ្វើ ឬបន្តអត្តសញ្ញាណបណ្ណមិនចាំបាច់ត្រលប់ទីលំនៅឋានដើមឡើយ