ព័ត៌មានអន្ដរជាតិ

អាមេរិក ក្មេងស្រីអាយុប្រហែល១២ឆ្នាំយកកាំភ្លើងទៅបាញ់នៅសាលារៀនរបួស៣នាក់

បានផុស

៥ years មុន

នៅ

ថ្ងៃសុក្រ ៧ ឧសភា ២០២១

ដោយ

ប៉ូលិសបាននិយាយថា ក្មេងស្រីអាយុប្រហែលជា១១ទៅ១២ឆ្នាំជាសិស្សថ្នាក់ទី៦ចំនួន ៣នាក់បានរបួសនៅពេលមិត្តរួមថ្នាក់បានយកកាំភ្លើងទៅសាលារៀន និងបានបាញ់ជាច្រើនគ្រាប់។

ក្មេងស្រីជាសិស្សដែលមិនត្រូវបានគេដឹងឈ្មោះរៀនថ្នាក់ទី៦បានយកកាំភ្លើងទៅសាលារៀន Rigby Middle School នៅទីក្រុង Boise និងបានបើកការបាញ់។ ជនរងគ្រោះ៣នាក់ត្រូវបានរំពឹងថា នឹងរួចផុតពីសេចក្តីស្លាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អាជ្ញាធរបាននិយាយថា គ្រូម្នាក់បានដកយកកាំភ្លើងពីក្មេងស្រីនោះ និងបានឃុំខ្លួនរហូតដល់ប៉ូលិសមកចាប់យកទៅឃុំ។

មូលហេតុយ៉ាងណានោះ មិនទាន់ត្រូវបានគេទម្លាយឲ្យដឹងឡើយជុំវិញករណីនេះ។

ប៉ូលិសនៅ Jefferson County លោក Steve Anderson បានប្រាប់ថា ក្មេងស្រីនោះបានយកកាំភ្លើងពីកាបូបម្តាយរបស់នាងទៅសាលារៀន និងបានបាញ់ជាច្រើនគ្រាប់ទាំងនៅក្នុង និងក្រៅសាលារៀន។ ក្មេងស្រីនោះមានទីលំនៅជិតទីក្រុង Idaho Falls ដែរ។

ករណីនេះ FBI បានកំពុងធ្វើការស៊ើបអង្កេត និងពង្រឹងការអនុវត្តច្បាប់នៅមូលដ្ឋាន។

ក្មេងស្រីអាយុ១២ឆ្នាំ Yandel Rodriguez បានរៀបរាប់ថា ៖«ខ្ញុំ និងមិត្តកំពុងនៅក្នុងថ្នាក់ជាមួយគ្រូ។ យើងកំពុងរៀន ក៏ស្រាប់តែមានឮសំឡេងកាំភ្លើងផ្ទុះមួយគ្រាប់យ៉ាងខ្លាំង និងមានផ្ទុះពីរគ្រាប់ទៀត។ បន្ទាប់មក ក៏មានសំឡេងស្រែក។ គ្រូរបស់យើងបានទៅមើល និងឃើញឈាម»។

លោកប្រធានាធិបតី ចូ ដៃដិន បានប្រកាសពីវិធានការទី១របស់លោកចាប់តាំងពីឡើងកាន់តំណែងថា ត្រូវរឹតបន្តឹងការគ្រប់គ្រងអាវុធ បន្ទាប់ពីកើតមានឧបទ្ទវហេតុបាញ់ប្រហារសាធារណៈជាបន្តបន្ទាប់៕

ប្រែសម្រួល៖ វីរបុត្រ
ប្រភព៖ BBC

Related Topics:សហរដ្ឋអាមេរិក