អ៉ីស្រាអែល​​​​វាយ​ប្រហារឥតប្រណី​​ សម្លាប់​យោធា​ជាន់​ខ្ពស់​ហាម៉ាស​ច្រើន​នាក់ ពលរដ្ឋជាង៦០នាក់
Connect with us
Helistar Cambodia - Helicopter Charter Services

ព័ត៌មានអន្ដរជាតិ

អ៉ីស្រាអែល​​​​វាយ​ប្រហារឥតប្រណី​​ សម្លាប់​យោធា​ជាន់​ខ្ពស់​ហាម៉ាស​ច្រើន​នាក់ ពលរដ្ឋជាង៦០នាក់

បានផុស

នៅ

នៅ​ថ្ងៃ​ពុធ ប្រទេស​អ៉ីស្រាអែល​​បាន​ឈាន​ដល់​ការ​វាយ​​ប្រហារ​​លើ​តំបន់​បន្ទាយ​ទាហាន​មួយ​នៅ​ហ្គាហ្សា​ ស្ទ្រីប​ ដែល​បាន​សម្លាប់​​ឥស្សរជន​យោធា​ជាន់​ខ្ពស់​១០​នាក់​របស់​ក្រុម​ហាម៉ាស និង​បាន​​ផ្តួល​រំលំ​អគារ​ខ្ពស់​ពីរ​កន្លែង​​តាម​រយៈ​ការ​វាយ​ប្រហារ​ផ្លូវ​អកាស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុម​សកម្ម​ប្រយុទ្ធ​ឥស្លាម​មិន​បាន​​បង្ហាញ​សញ្ញា​ណា​មួយ​នៃ​ការ​គាំទ្រ និង​បាញ់​គ្រាប់​រ៉ុក្កែត​​រាប់​រយ​គ្រឿង​ទៅ​លើ​ទី​ក្រុង​នានា​របស់​អ៉ីស្រាអែល​ទេ។

គ្រាន់​តែ​៣​ថ្ងៃ​ប៉ុណ្ណោះ ការ​ប្រយុទ្ធ​គ្នា​នៅ​សមរភូមិ​រវាង​សត្រូវ​ដ៏​ជូរ​ចត់​នេះ​បាន​ចាប់​ផ្តើម​យ៉ាង​​​ពេញ​ទំហឹង​​ដែល​​ដូច​​​សង្គ្រាម​វិនាសកម្ម​៥០​ថ្ងៃ​កាល​ពី​ឆ្នាំ​២០១៤។ ដូច​សង្គ្រាម​ពី​មុន​ដែរ គ្មាន​ភាគី​ណា​មួយ​ទំនង​ជា​មាន​យុទ្ធសាស្ត្រ​ចាក​ចេញ​ឡើយ។

ប៉ុន្តែ​មាន​លក្ខណៈ​ខុស​គ្នា​គួរ​ឲ្យ​ចាប់​អារម្មណ៍។ ការ​ប្រយុទ្ធ​​បាន​​បង្ក​ឲ្យ​មាន​ហិង្សា​ជ្វីហ្វ-អារ៉ាប់​ដ៏​អាក្រក់​បំផុត​នៅ​ខាង​ក្នុង​ប្រទេស​អ៉ីស្រាអែល​​​រាប់​ទសវត្សរ៍។ ​

តាម​សេចក្តី​រាយការណ៍​ថា តំបន់​ជា​ច្រើន​​នៅ​ភាគ​ខាង​ត្បូង​ប្រទេស​អ៉ីស្រាអែល​​រង​ការ​វាយ​ប្រហារ សម្លាប់​កុមារ​ម្នាក់​នៅ Sderot។ ការ​ផ្ទុះ​ឡើង​នៃ​ការ​ប្រយុទ្ធ​គ្នា​បាន​ចាប់​ផ្តើម​កាល​ពី​ថ្ងៃ​​ចន្ទ​ដែល​ជំរុញ​ឲ្យ​អង្គការ​សហ​ប្រជា​ជាតិ (UN) បាន​ព្រមាន​ពី​សង្គ្រាម​ពេញ​បន្ទុក​មួយ។

ការ​ប្រយុទ្ធ​គ្នា​បាន​​កើត​​ឡើង បន្ទាប់​ពី​ប៉ុន្មាន​សប្តាហ៍​នៃ​ភាព​តានតឹង​រវាងអ៉ីស្រាអែល​-ប៉ាឡេស្ទីន​នៅ​យេរូសាឡឹម​ខាង​កើត​ដែល​​បាន​ឈាន​ដល់​ការ​ប៉ះ​ទង្គិច​គ្នា​នៅ​ទី​តាំងគោរព​បូជា​មួយ​របស់​​ជន​ជាតិ​មូស្លីម និង​ជ្វីហ្វ។

ប៉ូលិស​បាន​និយាយ​ថា ហិង្សា​​នៅ​តំបន់​អ៉ីស្រាអែល​​បន្ថែម​ទៀត​ជា​មួយ​ប្រជាជន​ចម្រុះ​ជ្វីហ្វ និង​អារ៉ាប់​ដែល​ឈាន​ដល់​ការ​ចាប់​ខ្លួន​មនុស្ស​ជាង​៣៧៤​នាក់​នៅ​ល្ងាច​ថ្ងៃ​ពុធ និង​មន្ត្រី​៣៦​នាក់​របួស។

អ៉ីស្រាអែល​​បាន​បើក​ការ​វាយ​ប្រហារ​ផ្លូវ​អាការ​ទាំង​ព្រលឹម​​ដោយ​បាន​ទម្លាក់​គ្រាប់​បែក​​ទៅ​លើ​តំបន់​ជា​ច្រើន​ក្នុង​រយៈ​ពេល​​ជា​ច្រើន​ម៉ោង​ដែល​ធ្វើ​ឲ្យ​លាន​ឮ​សំឡេង​ផ្ទុះពេញ​ទូទាំងតំបន់​ហ្គាហ្សា។ ការ​វាយ​ប្រហារ​ផ្លូវ​អាកាស​បាន​បន្ត​រហូត​ដល់​ពេល​ថ្ងៃ​​ដែល​មើល​ទៅ​ឃើញ​បែក​ផ្សែង​លើ​អាកាស។

រដ្ឋ​មន្ត្រី​សុខាភិបាល​ហ្គាហ្សា​បាន​និយាយ​ថា តួ​លេខ​ស្លាប់​​ជន​ជាតិ​ប៉ាឡេស្ទីន​ឡើង​ដល់​​៦៥​នាក់ ក្នុង​នោះ​មាន​កុមារ​១៦​នាក់ និង​ស្ត្រី​៥​នាក់។ ឥស្លាម​ជីហាដ​បាន​បញ្ជាក់​​ពីស្លាប់​របស់​សកម្ម​ប្រយុទ្ធ​៧​នាក់ ខណៈ​ក្រុម​ហាម៉ាស​​ទទួល​ស្គាល់​​ថា មេ​បញ្ជា​ការ​កំពូល​ម្នាក់ និង​ទាហាន​​ជា​ច្រើន​នាក់​ត្រូវ​បាន​សម្លាប់

មនុស្ស​៧​នាក់​ត្រូវ​បាន​សម្លាប់​នៅអ៉ីស្រាអែល​ រាប់​បញ្ចូល​ទាំង​មនុស្ស​៤​នាក់​ដែល​បាន​សម្លាប់​កាល​ពី​ថ្ងៃ​ពុធ។ ក្នុង​ចំណោម​ពួក​គេ មាន​ទាហាន​ម្នាក់​ត្រូវ​បាន​សម្លាប់​ដោយ​កាំជ្រូច​​​ប្រឆាំង​រថក្រោះ និង​ក្មេង​អាយុ​៦​ឆ្នាំ​​ស្លាប់​ដោយ​ការ​វាយ​ប្រហារ​​គ្រាប់​រ៉ុក្កែត។

ទាហាន​អ៊ីស្រាអែល​បាន​បញ្ជាក់​ថា ចំនួន​ទាហាន​​ត្រូវ​បាន​សម្លាប់​គឺ​មាន​ចំនួន​ច្រើន​ជាង​អ្វី​ដែល​ក្រុម​ហាម៉ាស​បាន​ទទួល​ស្គាល់។​

វរសេនីយ៍​ទោ Jonathan Conricus អ្នក​នាំ​ពាក្យ​យោ​ធា​អ៉ីស្រាអែល​​​ម្នាក់​បាន​និយាយ​ថា យ៉ាង​ហោច​ណាស់​មាន​សកម្ម​ប្រយុទ្ធ​១៤​នាក់​ត្រូវ​បាន​សម្លាប់​នៅ​ថ្ងៃ​ពុធ រួម​ទាំង​សមាជិក​១០​នាក់​នៃ​ការ​គ្រប់​គ្រង​កំពូល​របស់​ហាម៉ាស និង​អ្នក​ជំនាញ​អាវុធ​៤​នាក់។ លោក​​បាន​បញ្ជាក់​ថា សរុប​ទៅ សកម្ម​ប្រយុទ្ធ​ប្រហែល​៣០​នាក់​ត្រូវ​បាន​សម្លាប់​ចាប់​តាំង​ពី​ការ​ប្រយុទ្ធ​ចាប់​ផ្តើម។

ស្រប​ពេល​ មន្ត្រី​អង្គការ​សហ​ប្រជា​ជាតិ និង​អេហ្ស៊ីប​បាន​និយាយ​ថា កិច្ច​ខិត​ខំ​ប្រឹង​ប្រែង​បញ្ចប់​សង្គ្រាម​​កំពុង​ដំណើរ​ការ មិន​មាន​សញ្ញា​នៃ​ការ​វិវត្ត​ឡើយ៕

ប្រែ​សម្រួល៖ វីរបុត្រ
ប្រភព៖ AP

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services