ឥណ្ឌា មាន “ភេសជ្ជៈទឹកនោមគោ” តំណាងរាស្រ្តបង្ហោះវីដេអូផឹក អះអាងថាអាចកម្ចាត់កូវីដ

ស្របពេលដែល ប្រទេសឥណ្ឌា នៅតែកំពុងរងទុក្ខដោយសារជំងឺកូវីដ-១៩ ប្រជាជនកំពុងងាកទៅរកឱសថបុរាណគ្រប់ប្រភេទវិញ ដើម្បីកម្ចាត់មេរោគនេះ។

ក្នុងចំណោមនោះ មានតំណាងរាស្រ្តឥណ្ឌាម្នាក់ឈ្មោះ Surendra Singh ដែលបានអះអាងថា ទឹកនោមគោអាចព្យាបាលជំងឺកូវីដ-១៩បាន។

សមាជិកសភាមកពីគណបក្ស Bharatiya Janata ក្នុងខេត្ត Uttar Pradesh បានបង្ហោះវីដេអូឃ្លីបមួយ បង្ហាញខ្លួនគាត់ កំពុងផឹកភេសជ្ជៈដែលគាត់ហៅថា “Gaumutra” ហើយគាត់អះអាងថា ភេសជ្ជៈនេះ ជាអាថ៌កំបាំងធ្វើឲ្យសុខភាពល្អឥតខ្ចោះ។

គាត់និយាយថា ភេសជ្ជៈមួយកែវនេះ ត្រូវលាយទឹកនោមគោ ចំនួន២ទៅ៣ គម្របដប។

ស្របពេលជាមួយគ្នានោះ លោក Singh បានផ្តល់ដំបូន្មានដល់អ្នកផឹកទឹកនោម កុំទទួលទានអ្វីទាំងអស់រយៈពេលកន្លះម៉ោងក្រោយពេលផឹក ដើម្បីឲ្យទឹកនោមបញ្ចេញវេទមន្តរបស់វា។

គាត់ក៏បានណែនាំឲ្យក្រុមសុខាភិបាល ទិញភេសជ្ជៈទឹកនោមគោម៉ាក Patanjali ផងដែរ ប្រសិនបើពួកគេមិនអាចរកទឹកនោមរបស់គោបានដោយខ្លួនឯង។

ផលិតផលនេះ អាចរកបានជាភេសជ្ជៈឬវេចខ្ចប់ជាកញ្ចប់។

ក្រុមហ៊ុនផលិតបានអះអាងថា ផលិតផលនេះអាចសម្លាប់ជាតិពុលនៅក្នុងខ្លួន ហើយក៏ជាការព្យាបាលដ៏មានប្រសិទ្ធភាពសម្រាប់ជំងឺនានា រាប់ចាប់ពីការធាត់ រហូតដល់ជំងឺមហារីក ជំងឺតម្រងនោមនិងថ្លើមផងដែរ៕

វីដេអូ៖

ប្រែសម្រួល៖ Vann Vann

ប្រភព៖ Daily Star

ចុចអាន៖ ស្រ្តីឥណ្ឌាម្នាក់ ពេទ្យប្រកាសថាស្លាប់ដោយសារកូវីដ ធ្វើបុណ្យបូជារួចរាល់ ២សប្តាហ៍ក្រោយ ដើរទៅដល់ផ្ទះ